ஈழப்பிரச்சினைக்கு மலையாளிகள் தான் காரணம் - திருச்சி வேலுச்சாமி

ஈழப் பிரச்சினை தொடர மலையாளிகள் தான் காரணம் என்று திருச்சி வேலுச்சாமி கூறியுள்ளார்.

இலங்கையில் தமிழர்கள் வாழும் பகுதியில் போர் நிறுத்தம் செய்ய மத்திய அரசு உடனடி நடவடிக்கை எடுக்க வேண்டும் என்று விடுதலை சிறுத்தைகள் கட்சி தலைவர் தொல்.திருமாவளவன் சென்னையை அடுத்த மறைமலைநகரில் கால வரையற்ற உண்ணாவிரதம் மேற்கொண்டுள்ளார்.

இந்த உண்ணாவிரத்தை ஆதரித்து பேசிய திருச்சி வேலுச்சாமி, இலங்கையில் ஈழப் பிரச்சினை தொடர காரணம் மலையாளிகள் தான். இலங்கையில் போர் நிறுத்தம் ஏற்பட வழிவகை செய்ய வேண்டும். ஈழத் தமிழர்கள் பாதுகாக்கப்பட வேண்டும் என்று மத்தி ய அரசிடம் நாம் கோரிக்கை வைக்கிறோம்.

ஆனால் இந்த கோரிக்கைகளுக்கு மத்திய அரசு செவி சாய்க்கவில்லை. ஏன் என்றால் மத்திய அரசில் இப்பிரச்சினை தொடர்பாக செயல்படும் அதிகாரிகள் அனைவரும் மலையாளிகள். இந்திய வெளியுறவு செயலர் சிவசங்கர மேனன், பிரதமரின் பாதுகாப்பு ஆலோசகர் எம்.கே.நாராயணன், அந்தோணி உள்ளிட்டவர்கள் அனைவரும் மலையாளிகள். சோனியாவுடன் இருக்கும் பிள்ளை, உள்ளிட்டோரும் மலையாளிகள்தான். இதை தமிழர்கள் புரிந்து கொள்ள வேண்டும்.

பாதிக்கப்படுபவர்கள் தமிழர்கள்தானே என்ற அலட்சியத்தில் மலையாளிகள் இருக்கிறார்கள். திருமாவளவன் இருக்கும் இந்த உண்ணாவிரத்தை நாடகம் என்கிறார்கள் சிலர். திமுக ஆதரவில் மத்தியில் ஆட்சியில் இருக்கும் காங்கிரஸ் தான் நாடகம் ஆடுகிறது.

ராஜீவ்காந்தி கொலை வழக்கில் சோனியாவின் தாயாரையும் விசாரிக்க வேண்டும் என்றும், ராஜீவ்காந்தி கொலை வழக்கு சம்பந்தமாக மேலும் ஆதாரங்கள் தன்னிடம் இருப்பதாக சுப்பிரமணிய சாமி கூறியிருந்தார். ஆனால் அதுபற்றி செவி சாய்க்காமல் காங்கிரஸ் கட்சி இருக்கிறது. இதுதான் நாடகம்.

ஈழத்தமிழர் பிரச்சினையில் மத்தியில் இருக்கும் காங்கிரஸ் அரசு அநீதி இழைக்கிறது. தமிழர்களிடம் இரட்டை வேடம் போடுகிறது காங்கிரஸ் என்றார்.

ஈழத்தமிழர்களுக்காக உண்ணாவிரதம் மேற்கொண்டிருக்கும் திருமாவளவனை ஆதரித்த, திரைப்பட இயக்குனர் செல்வமணி, திருச்சி வேலுச்சாமி ஆகியோர் காங்கிரஸ் கட்சித் தலைவர்களை விமர்சனம் செய்துள்ளனர். இது காங்கிரஸ்காரர்களிடையே பெரும் கொந்தளிப்பை ஏற்படுத்தியுள்ளது.

thanks

nakkheeran

ஈழப்பிரச்சினைக்கு மலையாளிகள் தான் காரணம் - திருச்சி வேலுச்சாமி

ஈழப் பிரச்சினை தொடர மலையாளிகள் தான் காரணம் என்று திருச்சி வேலுச்சாமி கூறியுள்ளார்.

இது அர்த்தமற்ற பேச்சு. இந்திய கொள்கை வகுப்பாளர்கள் எந்த வகையை சேர்ந்தவர்கள் என்பது எமக்கு தெரிந்ததே.

ஒரு சின்ன குறிப்பு: எம்.ஜி.ஆர். ஒரு இலங்கையில் பிறந்த மலையாளி.