11/04/2009, 03:58 []

பிரித்தானியாவில் தமிழர்களின் தொடர் போராட்டம் முக்கிய திருப்பத்தில்

பிரித்தானியாவில் நான்காவது நாளாக உணர்வெளிச்சிவுடன் இடம்பெற்று வரும் போராட்டத்தில் பிரித்தானிய நாடாளுமன்ற உறுபப்பினர் சைமன் குரூஸ் அவர்கள் கலந்து கொண்டு பிரித்தானிய அரசாங்கம் இதுதொடர்பில் மேற்கொண்ட முயற்சிகள் தொடர்பில் தெரிவித்த கருத்துக்கள்.

பிரித்தானிய அரசாங்கம் மாணவர்களுடன் இணைந்து நாளையில் இருந்து எதிர்வரும் 10 நாட்களுக்குள் மூன்று நாடாளுமன்ற உறுப்பினர் குழுவில் ஒவ்வொரு நாடாளுமன்ற உறுப்பினர்களுடன் மூன்று மாணவர்கள் வீதம் நியூயோர்க்கில் அமைந்துள்ள ஐக்கிய நாடுகள் சபைக்கும் ஒரு குழுவும் மற்றைய குழு பெல்லியத்தில் ஐரோப்பிய ஆணையகத்திற்கும், மூன்றாவது குழு பிரித்தானியாவில் கொமன்வெல்த்திற்கும் சென்று போராட்டக்காரர்களின் கோரிக்கைகள் தொடர்பில் பொதுவான அடிப்படையில் தீர்வினை எய்துவதற்கான சந்திப்புக்கு ஏற்பாடுகள் செய்யப்பட்டுள்ளது.

நியூயோர்க் செல்லும் மாணவர் குழுவில் உண்ணாநிலை போராட்டத்தில் ஈடுபடும் சிவா என்ற இளைஞர் செல்லவிருப்பதாகவும் மற்றய மாணவர்கள் பற்றிய விபரங்கள் இன்னமும் தீர்மானிக்கப்படவில்லை எனவும் அவர் மேலும் தெரிவித்தார்.

பாராளுமன்றத்திற்கு முன்பாக அமைந்துள்ள சதுக்கத்தில் இடம்பெற்றுவரும் இப்போராட்டத்தை மாணவர்கள் விரும்பினால் எதிர்வரும் செவ்வாய் வரை பாராளுமன்ற சதுக்கத்தில் மேற்கொள்வதற்கு அனுமதி வழங்குவதாகவும் அதன்பிற்பாடு அதற்கு அருகில் அமைந்துள்ள தேவாலய பகுதியில் உள்ள மைதானப்பகுதியில் மேற்கொள்ளுமாறும் கேட்டுக்கொள்ளப்பட்டுள்ளதாக

சிலவிடயங்கள் நடந்தேறுகின்றன. அதைமட்டும் நம்பிக்கொண்டு முடிவுகளுக்கு வரக் கூடாது. இன்றைய சூழ்நிலை தமிழர்களால் சரிவரப் பயன்படுத்தப்பட வேண்டும். புலத்தின் போராட்டங்கள் தொடர்ந்து முன்னெடுக்கப்பட வேண்டிய காலமிது.

என் அன்பான உறவுகளே...... உங்களின் போராட்டத்தினை கண்டு தலைவணங்குகின்றேன்.............

உங்களின் உறுதி குலையாத போராட்டத்தினால் சர்வதேசம் திரும்புகின்றது அவர்களுடன் பேச்சுவார்த்தை செல்லும் போது புகைப்பட ஆவணங்களை கொண்டு செல்லுங்கள்.... எக்காரணம் கொண்டும் மக்களை பாதுகாப்பு வலயத்தில் இருந்து அகற்றும் கதைக்கு இடமளிக்காதீர்கள் அப்படி சர்வதேசம் கதைத்தால் தகுந்த பதில் வழங்குங்கள் மக்கள் தானாக இடம் பெயரவில்லை "பயங்கரவாத சிங்கள அரசின்" தாக்குதலினால்தான் இடம்பெயர்த்து கொல்லப்பட்டு கொண்டு இருக்கின்றார்கள் என்பதை சுட்டிக்காட்டுங்கள்......

அன்புடன் வன்னி அவலங்களில் இருந்து நீலவன்.

நாங்கள் நம்பி நம்பி ஏமாந்தது தான் வரலாறு............!! விடிவு வரை தொடருவோம்!!

ஒரு மாதிரி Brisbane, Australia விலும் கவன ஈர்ப்புப் போராட்டம் நடக்கப் போகிறது.

ஆண்ட பரம்பரையான எங்களை ,

சொந்த மண்ணிலேயே அகதியாக வாழவேண்டிய அவல நிலையை ஏற்படக் காரணமாக, முதன்முதற் தவறிழைத்தவர்கள் இந்த பிரித்தானியர்கள்தான். சுதந்திரம் கொடுக்கின்றோம் என்று சொல்லிகொண்டு ஈழத்தமிழரின் சுதந்திரத்தினை காணாமல் போகப் பண்ணியவர்கள் இவர்கள். எனவே... நாம் கேட்க வேண்டியவர்களிடமே கேட்கின்றோம். பிராயச்சித்தம் தேடிக் கொள்வதற்காகவாவது அவர்கள் ஈழத்தமிழருக்காக ஏதாவது நல்லது செய்ய முன்வரவேண்டும்.