உங்களுக்கு தெரியுமோ: The Security and Prosperity Partnership of North America (SPP)

வணக்கம், நான் கடந்த கிழமை தெருவால் சென்றுகொண்டு இருந்தபோது ஓர் வேற்று இனத்தவர் கனடாவைப் பற்றிய ஓர் முக்கிய DVD என்று சொல்லி ஓர் குறுந்தட்டை எனக்கு தந்தார். நானும் நாங்கள் கனடாவில் நீண்டகாலமாக கவனயீர்ப்புக்கள் செய்யுறம், எங்களைப்பற்றியதாய் ஏதாவது கூடாமல் சொல்லி இருப்பாங்களோ என்று மனதில் ஒருபக்கம் நினைத்துக்கொண்டு வீட்டுக்குபோனதும் உடனடியாக அதை போட்டுப்பார்த்தன்.

அந்த DVDயில நான் இதுவரை கேள்விப்படாத ஓர் முக்கிய பிரச்சனைபற்றியும், அதுசம்மந்தமான பிடுங்குப்பாடுகள் பற்றியும் சுமார் இரண்டு - இரண்டு அரை மணித்தியாலங்கள் விரிவாகவும், விளக்கமாகவும் விபரிக்கப்பட்டு இருந்தது.

அட... கனடாவுக்குள் இப்படியும் ஓர் இழுபறி நடந்துகொண்டு இருக்கின்றதோ என்று எனக்கு அந்த DVDஐ பார்த்தபோது ஆச்சரியமாக இருந்தது. இந்த SPP என்பதுThe Security and Prosperity Partnership of North America சம்மந்தமானது. அதாவது அமெரிக்காவும், கனடாவும், மெக்சிக்கோவும் இணைந்து கூட்டாக இந்த ஒப்பந்தத்தை செய்து இருக்கின்றார்கள்.

இங்கு கனேடியர்களால் முன்வைக்கப்படும் பிரச்சனை என்ன என்றால்... இந்த ஆபத்தான ஒப்பந்தம் மூலம் கனடாவின் சுதந்திரம், கனேடியர்களின் உரிமைகள் அமெரிக்காவிற்கு தாரை வார்த்துக் கொடுக்கப்படுகின்றது என்று முறைப்பாடு செய்கின்றார்கள். தவிர, இதன் மூலம் ஓரிரு நன்மைகள் வந்தாலும், திரைமறைவிலும், இரகசியமாகவும் இது சம்மந்தமாக கனேடிய அரசாங்கத்தினால் முன்னெடுக்கப்படும் வேலைத்திட்டங்கள் கனடாவை எக்கச்சக்கமாக பிரச்சனைகளில் மாட்டிவிடும் என்று இதை எதிர்க்கும் கனேடியர்கள் கூறுகின்றார்கள். செல்வந்த முதலாளித்துவத்தை மட்டுமே இந்த ஒப்பந்தம் தீனிபோட்டு வளர்க்கும் என்று விசனம் தெரிவிக்கின்றார்கள்.

SPPஐ எதிர்த்து பாரிய அளவில் ஆர்ப்பாட்டங்கள் கனடாவில் முன்னெடுக்கப்பட்டு அது கலவரங்களாகவும் முடிந்து உள்ளது. கனடாவின் காவல்துறையின் கொடிய மூர்க்கத்தனமான பக்கங்களை இந்த ஆர்ப்பாட்டங்களில் காணமுடிந்தது.