28/06/2009, 12:03 ]

சிறிலங்கா செஞ்சிலுவைச் சங்கப் பெண் தொண்டூழியர் பருத்தித்துறையில் கொலை செய்யப்பட்டுள்ளார்

பருத்தித்துறையிலுள்ள அவரது வீட்டில், வியாழக்கிழமையன்று கொலை செய்யப்பட்ட 33 வயதுடைய சிறிலங்கா செஞ்சிலுவைச் சங்கப் பெண் தொண்டர் ஒருவரின் சடலம், வடமராட்சி காவல்துறையினரால், வெள்ளிக்கிழமையன்று கண்டெடுக்கப்பட்டுள்ளது.

கொலைசெய்யபட்ட பெண் தனியே வாழ்ந்துவந்துள்ளார். அவரைக் காணவில்லையென்று கருதிய அயல்வீட்டார் காவல்துறைக்கு அறிவித்துள்ளனர். பின்பு அவரது வீட்டுக்குள்புகுந்த காவல்துறை அவரது சடலத்தைக் கண்டுள்ளனர்.

கொலைசெய்யப்பட்ட பெண், தெய்வேந்திரன் அபிராமி, 33, என்றும் கந்த உடையார் தெருவில் வசித்தவர் என்றும் தெரியவருகிறது. தனது பெற்றோர் இறந்தபின்பு அபிராமி தனியேயே வசித்து வந்துள்ளார்.

அபிராமியின் சடலத்தை காவல்துறையினர் பருத்தித்துறை வைத்தியசாலை பிணவறைக்கு அனுப்பியுள்ளனர் என்றும் மேலதிக விசாரணைகள் நடைபெற்று வருவதாகவும் செய்திகள் தெரிவிக்கின்றன.

இதற்கு முன்பு, பருத்தித்துறை சிறிலங்கா செஞ்சிலுவைச் சங்கத்தின் தலைவர் கடத்தப்பட்டு, கைதடிக்கு எடுத்துச் செல்லப்பட்டு அங்கு கொலை செய்யப்பட்டதும் இங்கு குறிப்பிடத்தக்கது.

பதிவு

பருத்தித்துறை கந்த உடையார் வீதியில் தனிமையில் வாழ்ந்த இளம் யுவதி மர்மமான முறையில் இறநத நிலையில் வீட்டு படுக்கையறையில் இருந்து சடலமாக மீட்க்கப்பட்டுள்ளார்.

நேற்று நண்பகல் மரணம் அடைந்தவரின் வீட்டிற்க்கு அருகில் உள்ளவர்கள் குறித்த யுவதியின் வீட்டுக் கதவு வழமைக்கு மாறாக பூட்டப்பட்டு இருப்பதை அவதானித்து வீட்டிள் சென்று பார்த்த போது யுவதி படுக்கையில் மரணம் அடைந்த நிலையில் கிடப்பதை கண்டு பிடித்துள்ளனர்.

பெற்றோர்களை இழந்த நிலையில் கடந்த பல வருடங்களாக தனிமையில் இவ் யுவதி வீட்டில் வாழந்து வந்ததாகவும் இவர் பருத்தித்துறை இலங்கை செஞ்சிலுவைச் சங்க கிளையின் தொண்டராகவும் அலுவலக லிகிதராகவும் கடமையாற்றி வருகின்றவர் என்பதும் குறிப்பிடத்தக்கதாகும்

மரணம் அடைந்தவர் அதே இடத்தைச்சேர்ந்த தெய்வேந்திரம் அபிராமி (வயது 33) என அடையாளம் காணப்பட்டுள்ளார். சம்பவ இடத்திற்குச் சென்ற பருத்தித் துறை நிதிமன்ற நிதிபதி சடலத்தை பார்யிட்டு மரண விசாரணை மேற்கொண்டதைத் தொடர்ந்து மரணம் அடைந்தவருக்கு உறவினர்கள் யாரும் அற்ற நிலையில் சடலத்தை இலங்கை செஞ்சிலுவைச்சஙகத்திடம் ஒப்படைக்கும் படி உத்தரவிட்டார்.

மரணம் அடைந்தவரின் கழுத்தில் காயங்கள் காணப்படுவதாகவும் இந்த சம்பவத்துடன் தொடர்புடையவர் எனக் கருதக் கூடிய ஒருவர் சந்தேகத்தின் பேரில் பருத்தித்துறைப் பொலிஸாரினால் கைது செய்யப்பட்டுள்ளதாகவும் தெரியவருகின்றது

http://www.virakesari.lk/news/head_view.asp?key_c=15483