இலங்கைக்கு வழங்கப்பட்டுள்ள வெளிநாட்டு உதவிகள் பயங்கரவாதத்தின் பிடியிலிருந்து மீட்கப்பட்டுள்ள பிரதேசங்களின் புனர்நிர்மாணங்களுக்கு போதியனவாக இல்லையென இடர் முகாமைத்துவ அமைச்சர் மகிந்த சமரசிங்க தெரிவித்துள்ளார்.

இலங்கை அரசாங்கம் பயங்கரவாதத்தைத் தோற்கடித்த பின்னர் பாரிய அபிவிருத்தித் திட்டங்களை மீட்கப்பட்ட பிரதேசங்களில் மேற்கொண்டு வருகின்றது. இந்நிலையில் இந்தப் பணிகளுக்கு வெளிநாட்டு உதவிகள் மிகவும் முக்கியமானதொன்றாகும். எனவே இதுவரையும் மனிதாபிமான விடயங்கள் குறித்துப் பேசி வந்த சர்வதேச நாடுகள் எமது அபிவிருத்தித் திட்டங்களுக்கு உதவிகளை வழங்க வேண்டும் எனவும் அவர் தெரிவித்துள்ளார்.

பணம் படைத்த நாடுகள் இலங்கைக்கு உதவிகளை வழங்க வேண்டும். தற்போது ஐரோப்பிய நாடுகளும், கனடாவும் இலங்கைக்கு வழங்கும் நிதியுதவி எந்தவகையிலும் போதுமானதல்ல. இந்தியா, சீனா, யப்பான் மற்றும் அமெரிக்கா போன்ற நாடுகளினால் இலங்கைக்கு வழங்கப்படும் உதவிகள் திருப்திகரமானதாக உள்ளன.

முக்கியமாக இந்தியா எமக்கு அனைத்து விடயங்களிலும் உதவிகளை வழங்குகிறது. இந்நிலையில் உலகிலேயே செல்வந்த நாடுகளாக விளங்கும் ஐரோப்பிய நாடுகளும் தற்போது இலங்கைக்கு வழங்குவதனைவிட அதிகளவில் உதவிகளை வழங்க வேண்டுமெனவும் அவர் தெரிவித்துள்ளார்.

மேலும் சர்வதேச நாடுகள் எமக்கு நிதியுதவியினை வழங்கினாலும் வழங்கா விட்டாலும் நாம் மீட்கப்பட்ட பிரதேசங்களை புனருத்தாரணம் செய்து இடம்பெயர்ந்துள்ள மக்களை மீள் குடியமர்த்தும் நடவடிக்கைகளை மேற்கொள்வோமெனவும் அவர் தெரிவித்துள்ளார்.

மேலதிக செய்திகளுக்கு...

மகிந்தா உது உதவியல்ல,உபத்திரம்,

இந்தியாவின் நீண்டநாள் கனவு இப்பதான் நனவாகிறது ,