தமிழ்த் தேசியக் கூட்டமைப்பு யாழ் மாநகரசபைத் தேர்தலுக்கான தனது இறுதித் தேர்தல் பிரச்சார நடவடிக்கையை நேற்று முன்தினம் பாசையூர் சென் அன்ரனீஸ் தேவாலயப்பகுதியில் நடத்தியது. தமிழ்த்தேசியக் கூட்டமைப்பின் யாழ் மாவட்ட நாடாளுமன்ற உறுப்பினருக்கு ஆதரவாக கிழக்கு மாகாணம் மட்டக்களப்பு, திருகோணமலை, அம்பாறை மாவட்ட நாடாளுமன்ற உறுப்பினர்களும் நேற்றுக் களத்தில் குதித்திருந்தனர். இரவு 10.30 மணிவரை இந்தப் பிரச்சாரக் கூட்டம் இடம்பெற்றது. சுமார் 2 ஆயிரத்திற்கும் அதிகமான மக்கள் இந்தக் கூட்டத்தில் கலந்து கொண்டதாக தமிழ்த் தேசியக் கூட்டமைப்பு வட்டாரங்கள் கூறுகின்றன.

நேற்று முன்தினம் நள்ளிரவுடன் பிரச்சாரங்கள் முடிவுற்ற போதிலும் தமிழ்த் தேசியக் கூட்டமைப்பை மிக மோசமாக விமர்சிக்கும் அநாமதேய துண்டுப்பிரசுரங்கள் நேற்றைய தினம் யாழ்நகரப் பகுதியெங்கும் விநியோகிக்கப்பட்டதாக மாநகரசபைத் தேர்தலில் போட்டியிடும் ரெலோ அமைப்பின் முன்னாள் யாழ் மாவட்ட அமைப்பாளர் விந்தன் குற்றம் சாட்டியுள்ளார்.

விந்தன் என அழைக்கப்படும் என் கனகரட்னம் மாநகரசபைத் தேர்தலில் போட்டியிடுகின்றார். அவர் இது தொடர்பில் கருத்துத் தெரிவிக்கையில் குறித்த துண்டுப்பிரசுரங்களை ஈபிடிபியினரே விநியோகிக்கின்றனர்.

காவற்துறையினர் பாதுகாப்பு வழங்கிக் கொண்டிருக்க இந்தத் துண்டுப்பிரசுரங்கள் வழங்கப்படுகின்றன. நேற்று நள்ளிரவு 12 மணியுடன் தேர்தல் பிரச்சாரங்கள் முடிந்து விட்டன. இந்த வகையில் அநாமதேய பெயரில் விநியோக்கிக்கப்படும் இந்தத் துண்டுப் பிரசுரங்களில் தமிழ்த் தேசியக் கூட்டமைப்பு, அதன் நாடாளுமன்ற உறுப்பினர்கள் தொடர்பில் மிக மோசமான கண்டனங்கள் எழுப்பப்பட்டுள்ளன. உண்மையில் அவர்கள் மக்களை திசை திருப்ப முற்படுகின்றனர் என விந்தன் தெரிவித்தார்.

மூலம் - GTN

இவர்களுக்கு எதாவது ஒரு இராணும் துணைஇருந்தால்தான் தேர்தலில் போட்டியிடமுடியும்,இந்தியா இராணுவம் இல்லாவிடில் இலங்கை இராணுவம் வாழ்க ஜனநாயகம்

50%மான வாக்கட்டைகள் டக்ளசின் ஆட்களிடம் உண்டு. இராணுவ பலமும் டக்ளஸ் பக்கம் உண்டு. பிறகு கூட்டணி என்ன ஜனநாயகத்தை எதிர்பார்க்கிறது என விளங்கவில்லை. போதாததுக்கு சிங்கள உத்தியோகத்தர்கள் தெற்கில் இருந்து கொண்டு வந்து இறக்கப்பட்டுள்ளார்கள்.