சிறிலங்கா தனது சொந்த முயற்சியிலேயே பயங்கரவாதத்தைத் தோற்கடித்தது என ஐக்கிய நாடுகள் சபைக்கான தூதுவராக நியமிக்கப்பட்டுள்ளவரும் வெளிவிவகார அமைச்சு செயலாளருமான பாலித கோகன்ன தெரிவித்துள்ளார்.

பயங்கரவாதம் முழுமையாகத் தோற்கடிக்கப்பட்ட ஒரு சில அரிய சம்பவங்களில் சிறிலங்காவும் உள்ளடங்கும் எனத் தெரிவித்த அவர், நாட்டிற்கு பகிரங்கமாகத் தெரிவிக்கப்பட்ட ஆலோசனைகள், விடுக்கப்பட்ட பயமுறுத்தல்கள், ஒதுக்கப்படுதல்கள் எல்லாவற்றையும் ஒதுக்கித் தள்ளிவிட்டு சிறிலங்கா தனது சொந்த முயற்சியில் பயங்கரவாதத்தை தோற்கடித்தது என்றார்.

தாய்லாந்தில் வெளிநாட்டு ஊடகவியலாளர்கள் மத்தியில் பேசிய போது அவர் இதனைத் தெரிவித்தார்.

விடுதலைப் புலிகளைத் தோற்கடிப்பது தொடர்பில் உள்நாட்டிலும் வெளிநாடுகளிலும் இருந்து கிடைத்த நம்பிக்கையீனங்களை ஒதுக்கித் தள்ளிவிட்டு, அரச தலைவர் மகிந்த ராஜபக்சவின் தலைமையின் கீழ் புலிகளுக்குச் சவால் விடுப்பது என்று சிறிலங்காப் படையினர் தீர்மானித்தனர் எனவும் அவர் கூறினார்.

தற்போது விடுதலைப் புலிகளின் நிழல் மட்டுமே எஞ்சியுள்ளதாக கோகன்ன தெரிவித்தார். சிறிலங்காவில் உள்ள உயர் அதிகாரிகளேகூட விடுதலைப் புலிகளை அரச படையினரால் தோற்கடிக்க முடியாது என எண்ணியிருந்தமையை அவர் சுட்டிக்காட்டினார்.

அமைதிக்கான காலத்தில் சிறிலங்காவில் பணியாற்றிய போர் நிறுத்தக் கண்காணிப்புக் குழுவின் தலைவராக இருந்த சுவீடனைச் சேர்ந்த ஜெனரல் ஹென்றிக்சன், விடுதலைப் புலிகளுடன் சண்டையிடுவது பற்றியோ அவர்களைத் தோற்கடிப்பது பற்றியோ எண்ணவேண்டாம் என சிறிலங்கா உயர் அதிகாரிகளுக்கு ஆலோசனை தெரிவித்திருந்தமையை கோகன்ன அங்கு நினைவூட்டினார். தோற்கடிக்க முடியாத அளவிற்கு மிகச் சிறந்த அமைப்பு புலிகள் இயக்கம் என ஹென்றிக்சன் கூறினார் எனவும் அவர் குறிப்பிட்டார்.

"இந்த மாதிரியான ஆலோசனைகள் கொழும்பில் உள்ள மேற்குலக இராஜதந்திரிகள் பலராலும் வழங்கப்பட்டன. அவர்கள் எல்லோரும் புலிகள் விடயத்தில் நெருக்கமான தொடர்புகளைக் கொண்டிருந்தவர்கள். தமது எல்லைகளில் இருந்து மிகத் தொலைவில் பயங்கரவாத்திற்கு எதிரான நடவடிக்கைகளில் ஈடுபடுவதையும் தமது நாட்டுக்குள் பயங்கரவாதத் தடுப்புக் கொள்கைகளை காத்திரமாக நடைமுறைப்படுத்துவதையும் மறந்துவிட்டு அவர்கள் இவ்வாறு ஆலோசனை வழங்கினார்கள்" என்றார் கோகன்ன.

...... சின்னஞ் சிறு பறவையொன்று சிறுகச் சிறுக தும்புகளை காவி கூடுகளை கட்டி விட்டு, நாந்தானே தானே கட்டினேன், எனக்கு உடைத்தெறிய எல்லா உரிமையும் உள்ளது ..........

உந்தாள் என்ன கனக்க பொய் சொல்கிறார்?????? நீங்கள் அழிச்சனீங்களோ???? நாங்கள் அல்லவா தற்கொலை செய்தனாங்கள்!!!!!!!!!!!!

யார் சொன்னது இல்லை என்று. இப்படி அறிக்கை விடுறதைப் பார்த்தா.. சிறீலங்கா சொந்த முயற்சியில் தோற்கடிக்கல்லப் போல எல்லோ தெரியுது. எவராவது எதிரியை தோற்கடிச்சிட்டு.. அது என்ர சொந்த முயற்சி என்று அறிக்கை விடுவனா..??! இது எதையோ மறைக்க சொல்லப்பட்டது போல தெரிகிறதே. போர் குற்றங்கள் நிரூபிக்கப்பட்டால்.. சிறீலங்காவிற்கு வால் பிடிச்ச நாடுகளுக்கும் தாக்கம் வரும் என்று யாரோ வெருட்டி இருக்கினம் போல..!

சிறீலங்காவுக்கு மேற்குலகம்.. ஒரு ஆப்புக் கொண்டு திரியுது. அதை இறக்க முதல் சிறீலங்கா மேற்குலகத்திடம் சரணடைந்தால்.. எல்லாம் அழகா மூடிமறைச்சு அவையே.. சிறீலங்காவிற்கு.. நோபல் பரிசும் அளிப்பினம்..!