போர் வேளையில் நடத்தப்பட்ட சட்டத்துக்கு முரணான கொலைகள் குறித்து பான் கீ-மூன் சமரசிங்காவிடம் பிரஸ்தாபம் அகதிகளின் நெருக்கடிகளை நீக்கவும் வலியுறுத்து

இலங்கையில் நடைபெற்ற போரின் போது, சட்டத்துக்கு முரணான படு கொலைகள் நடத்தப்பட்டதாக எழுந்துள்ள குற்றச்சாட்டுகள் குறித்து அரசாங்கம் வகைகூற வேண்டியது அவசியம். அதேபோன்று இவ் விடயத்தில் ஒளிவுமறைவு

இலங்கையில் நடைபெற்ற போரின் போது, சட்டத்துக்கு முரணான படு கொலைகள் நடத்தப்பட்டதாக எழுந்துள்ள குற்றச்சாட்டுகள் குறித்து அரசாங்கம் வகைகூற வேண்டியது அவசியம். அதேபோன்று இவ் விடயத்தில் ஒளிவுமறைவு இல்லாமல் அரசு, வெளிப்படையாக இருக்க வேண்டும்.

ஐக்கிய நாடுகள் சபையின் செயலாளர் நாயகம் பான் கீ மூன் இவ்வாறு இலங் கையின் மனித உரிமைகள் மற்றும் அனர்த்த முகாமைத்துவ அமைச்சருடன் இங்கு நடத்திய சந்திப்பில் எடுத்துரைத்தார்.

இலங்கையில் நல்லிணக்கம் ஏற்படுத்தப்படவேண்டியதன் அவசியம் முக்கியத்துவம் குறித்தும் இருவரும் பேசினர் என்றும்

மிக அண்மையில் இலங்கை இராணுவத்தினர் தமிழ்ப்போராளிகளை சட்டத்துக்கு முரணாக படுகொலை செய்ததாக வெளியான "சனல் 4" வீடியோ மூலம் எழுந்துள்ள குற்றச்சாட்டுக்கள் குறித்து அரசு வகைகூறவேண்டும் என்பது குறித்து சந்திப்பின் போது ஐ.நா.செயலாளர் நாயகத்தினால் காத்திரமாக எடுத்துரைக்கப்பட்டது. என்றும்

இருவருக்கும் இடையிலான சந்திப்பின் பின்னர் இங்கு வெளியிடப்பட்ட சாராம்சமான அறிக்கையில் தெரிவிக்கப்பட்டுள்ளது.

ஜெனிவாவில் நடைபெறும் உலக காலநிலை மாநாட்டின் போது இலங்கையின் அனர்த்த முகாமைத்துவ மற்றும் மனித உரிமைகள் அமைச்சர் மஹிந்த சமரசிங்கவை சந்தித்தவேளை பான் கீ மூன் சனல் 4 வீடியோ குறித்துக் கேள்வி எழுப்பினார் என ஐ.நா.தெரிவித்துள்ளது.விடுதலை