வவுனியா முகாம் அகதிகள் விரக்தியின் விளிம்பில்; நேரில் பார்த்த ஐ.நா. அதிகாரி பாஸ்கோ அதிருப்தி

வன்னியிலிருந்து இடம்பெயர்ந்து முகாம் களில் வாழும் மக்கள் பொறுமையிழந்த நிலை யிலும் விரக்தியடைந்த நிலையிலும் காணப் படுகின்றனர் என்று இலங்கைக்கு விஜயம் மேற்கொண்டுள்ள ஐக்கியநாடுகள் சபை யின் அரசியல் விவகாரங்களுக்கான பிரதிச் செயலாளர் பாஸ்கோ தெரிவித்திருக்கிறார்.

வவுனியா மனிக்பாம் இடம்பெயர்ந்தோருக்கான முகாம் தொகுதியில் உள்ள கதிர்காமர் நிவாரண கிரா மம், ஆனந்தகுமாரசாமி நிவா ரண கிராமம், இராமநாதன் நிவாரண கிராமம் ஆகிய நிவாரண கிராம மக்க ளைப் பார்வையிட் டுள்ளார்.

இந்த நிவாரணக் கிராமங்களில் மேற் கொள்ளப்படுகின்ற நிவாரண நடவடிக் கைகளை நேரில் கண்டறிந்த அவர், அந்த மக்களுடன் நிலைமைகள் குறித்து கேட் டறிந்தார். அத்துடன், இடம்பெயர்ந்த மக்களின் மீள்குடியேற்றம் தொடர்பான அரசின்

செயற்றிட்டங்கள் நடவடிக்கைகள் குறித்து தம்மிடமும் விரிவாகக் கேட்டறிந்தார் எனவும், இது குறித்து அவர் திருப்தி தெரிவித்தார் எனவும் வவுனியா அரச அதிபர் திருமதி எஸ்.எம்.சாள்ஸ் தெரிவித்தார்.

நிவாரணக் கிராமங்களில் உள்ள மக்களுக்கு அரசும், ஐ.நாவின் முகவர் அமைப்புக்களும் மேற்கொண்டுள்ள நிவாரண உதவிகள், வசதிகள் எதிர்வரும் மழைக்காலத்தில் எவ்வாறு மேற்கொள்ளப்படும் என்பது குறித்தும் ஐ.நா. அதிகாரியாகிய லியன் பாஸ்கோ வவுனியா அரச அதிபருடன் கலந்துரையாடியுள்ளார்.

ஐக்கிய நாடுகள் சபையின் அரசியல் விவகாரங்களுக்கான உதவிச் செயலாளர் லியன் பாஸ்கோவுடன், ஆசிய அபிவிருத்தி வங்கி அதிகாரிகளும் வவுனியாவுக்கு வருகை தந்திருந்தார்கள். ஆசிய அபிவிருத்தி வங்கியின் உதவியோடு மறுசீரமைக்கப்பட்டு வருகின்ற வீதி அபிவிருத்தி வேலைகளையும் அந்த அதிகாரிகள் பார்வையிட்டுள்ளார்கள்.

அவர் முதலில் மன்னாரிலுள்ள அகதி முகாம்களுக்கும் பின்னர் வவுனியாவிலுள்ள மெனிக் பார்ம் தடுப்பு முகாம்களுக்கும் நேரில் சென்று முகாம்களின் நிலைவரம் மற்றும் தமிழ் அகதிகளின் நிலை ஆகியன குறித்து அவதானித்தார்.

அவர் இச்சந்திப்பின் போது முகாம்களில் தாம் அவதானித்த விடயங்கள், அகதிகளின் மீள்குடியேற்றம் மற்றும் புனர்வாழ்வு, இலங்கை அரசு மீதான மனித உரிமை மீறல் குற்றச்சாட்டுகள் குறித்து ஜனாதிபதிக்கு எடுத்துரைப்பார் என்று ஐ.நா.வட்டாரங்களிலிருந்து தெரியவருகிறது.

http://parantan.com/