ஈழத் தமிழர் விவகாரத்தில் துக்க வீட்டில் கையறு நிலையில் நிற்பவர்களைப் போன்று உலக நாடுகள் அமைதி காக்கின்றன என்று 'குமுதம்' வார ஏடு தெரிவித்துள்ளது.

இது தொடர்பாக 'குமுதம்' குழுமத்தின் 'குமுதம்' வார ஏட்டில் வெளிவந்த ஆசிரியர் தலையங்கத்தில் மேலும் தெரிவிக்கப்பட்டுள்ளதாவது:

இலங்கையைப் பொறுத்தவரை, பெரும் போராட்டத்திற்குப் பின் ஏற்படும் 'வலுக்கட்டாயமான' மௌனம் நீடிக்கிறது. துக்க வீட்டில் கையறு நிலையில் நிற்கிறவர்களைப் போல பல நாடுகள் அமைதி காக்கின்றன.

தங்களுடைய வீடுகளை விட்டு அகதிகளைப் போல் ஏறத்தாழ மூன்று லட்சம் தமிழர்கள், அவர்களுக்குக் குடியுரிமை இருப்பதாகச் சொல்லப்படும் சொந்த நாட்டில் முள்வேலி போடப்பட்ட முகாம்களில் அனாதைகளைப் போல் இன்றுவரை அடைந்து கிடக்கிறார்கள்.

ஐ.நா. சார்பில் லின் பாஸ்கோ என்கிற அரசியல் பிரிவுச் செயலாளர் இலங்கையில் தமிழர்கள் அடைக்கப்பட்டிருக்கும் முகாம்களுக்குச் சமீபத்தில் போனபோது, அவர்கள் மிக மோசமான நிலையில் வைக்கப்பட்டிருப்பதை கவலையுடன் வெளிப்படுத்தியிருக்கிறார்.

மனித உரிமை மீறல் மிகவும் சாதாரணமாக இலங்கையில் தொடர்ந்து மீறப்படுவதை ஐ.நா. சபை அடிக்கடி சுட்டிக்காட்டியும், அங்கு தமிழர்களுக்கு எதிரான அடக்குமுறை தொடர்ந்து நீடிக்கிறது என்றால் அதற்கு என்ன காரணம்? அநீதியைத் தட்டிக்கேட்கும் சிங்களப் பத்திரிகையாளர்களே தண்டிக்கப்படும்போது உண்மை நிலையை யார் வெளியில் கொண்டுவர முடியும்?

முகாம்களில் உள்ள தமிழர்களுக்குப் போதுமான உணவு, மருந்துகள் கூடத்தரப்படாத அராஜகம் நீடித்துக் கொண்டிருக்கும் நிலையில், அதற்குக் கண்டனம் தெரிவிக்கும் விதத்தில் தி.மு.க. காங்கிரஸ் கூட்டணி எம்.பி.க்கள் சோனியா காந்தியைச் சந்தித்து முறையிட இருக்கிறார்கள். இந்திய அரசும் அகதிகள் முகாம்களில் உள்ள தமிழர்களை அவரவர் ஊர்களில் குடியமர்த்தத் தவறினால் கடும் விளைவுகள் ஏற்படும் என்று எச்சரித்திருக்கிறது.

இலங்கைத் தமிழர்களை விளிம்பு நிலைக்குத் தள்ளிவிட்ட இந்த நிலையிலும், இங்குள்ள அரசியல் கட்சிகள் பாராமுகம் காட்டாமல் ஒன்றாகச் சேர்ந்து குரல் கொடுக்கவில்லையென்றால், தமிழர் நலன் பற்றி அவர்கள் பேசுவதற்கெல்லாம் அர்த்தமில்லை என்றாகிவிடும்.

அவர்களைக் கைதூக்கி விடுவதற்காகவாவது ஒன்று சேர்ந்து குரல் கொடுங்கள் என அதில் தெரிவிக்கப்பட்டுள்ளது.

புதினம்

எல்லாரும் சேர்ந்து அழித்து போட்டு இப்ப நீலிக்கண்ண்ணீர் வடிக்கிறீர்கள்.

Edited September 30, 200916 yr by நேசன்