மீளக்குடிமர்த்தப்பட்ட மக்கள் அவர்கள் இறுதியாக குடியிருந்த பகுதிகளில் குடியமர்த்தப்படவில்லை – வாசுதேவ

14 November 09 10:24 am (BST)

வன்னியிலிருந்து இடம்பெயர்ந்து முகாம்களில் வசிக்கும் மக்கள் மீளக் குடியேற்றப்படுவதாகக் கூறினாலும் அவர்கள் இறுதியாக குடியிருந்த பகுதிகளில் அவர்கள் குடியமர்த்தப்படவில்லையென ஜனாதிபதியின் ஆலோசகரும், ஜனநாயக இடதுசாரி முன்னணியின் தலைவருமான வாசுதேவ நாணயக்கார தெரிவித்துள்ளார்.

இந்த மக்கள் அவர்களது சொந்த இடங்களுக்கு அனுப்பப்படாததால் பாரிய அநீதிக்கு உள்ளாக்கப்பட்டுள்ளனர். வடபகுதிக்கு விஜயம் செய்து அவற்றைக் கண்காணித்த பின்னரே வாசுதேவ நாணயக்கார இந்தத் தகவல்களை வெளியிட்டுள்ளார். இடம்பெயர்ந்துள்ள மக்கள் அவர்களது சொந்த இடங்களுக்குச் சென்ற போதிலும் அவர்கள் தங்கியிருக்க இடங்கள் இல்லாததால் அவர்களது வாழ்க்கையைக் கொண்டுநடத்த வழிமுறைகள் இல்லையெனவும் அவர் சுட்டிக்காட்டியுள்ளார்.

இடம்பெயர்ந்தவர்கள், முகாம்களிலிருந்து விடுவிக்கப்பட்ட பின்னர் தமது சொந்த இடங்களில் இருக்கும் உறவினர், நண்பர்களின் வீடுகளுக்குச் செல்லப் போவதாகக் கூறி இந்த மக்கள் வெளியேறுவதாகவும் இதற்காக அரசாங்க அதிகாரிகளிடமும் எவ்விதத் தீர்வும் இல்லையெனவும் வாசுதேவ குறிப்பிட்டுள்ளார்.

கட்டிடங்களோ பயிர் நிலங்களோ இல்லாத வன்னியில் நூற்றுக் கணக்கான கிலோமீற்றர் பகுதிகளில் இந்த மக்களை மீளக் குடியேற்ற முடியும் எனவும் அவர் மேலும் குறிப்பிட்டுள்ளார்.

http://www.globaltamilnews.net/tamil_news1.php?nid=17251&cat=1

போமில எந்தஇடத்தில இருந்து வந்தநான் இங்கதான் குடியேறப்போறனெண்டு எழுதிக்குடுத்து அதன்படிதான் கொண்டுபோயிருக்குதாம். யாழ்ப்பாணம் போக விருப்பப்பட்டவைதான் யாழ்ப்பாணம் போயிருக்கினம். ஒருத்தரையும் வலுக்கட்டாயமா கொண்டுபோய் இருத்தினதா தெரியேல்ல. நானயக்கார தமிழில சொன்னத சிங்களத்தில மெழிபெயர்க்கேக்க தவறு நடந்திட்டிதோ?

மதிவதனங், உன்னைப்பார்க்க எனக்கு மிகவும் பரிதாபமாக்கிடக்கு,அதேவேளை ஆச்சரியமாகவும் இருக்கு காரணம் "எப்படி இவ்வளவு நன்றாகக் குனிந்து கொடுக்க உன்னால் முடிகிறதென்று"