இந்திய கடலோரக் காவல் படையினரைக் கடத்திச் சென்ற இலங்கை மீனவர்கள்

இதுவரை தமிழக மீனவர்களைத்தான் இலங்கை கடற்படையினர் தாக்கி வந்தனர். இப்போது இந்திய கடலோரக் காவல்படையினரையே இலங்கை மீனவர்கள் கடத்திச் சென்றிருக்கும் நிகழ்வு. தமிழக மீனவர்களிடையே சுவராஸ்யமான பேச்சாக கேட்கத் துவங்கியுள்ளது.

இந்திய கடலேராக்காவல்படைனர் இருவரை இலங்கை மீனவர்கள் கடத்திச்சென்றனர். இந்திய கடல் எல்லையில் அத்துமீறி மீன்பிடித்துக் கொண்டிருந்த 7 சிங்கள மீனவர்கள் படகுகளை ரோந்தில் ஈடுபட்டிருந்த இந்திய கடலோரக்காவல் படையினர் சுற்றிவளைத்தனர். அத்துமீறி இந்திய கடல் எல்லையில் நுழைந்ததற்காக கைது செய்யப்பட்ட அவர்கள் அனைவரையும் 7 படகுகளுடன் கரைக்கு கொண்டுவந்தனர். ஆனால் கரைக்கு கொண்டுவரும் போது 6 படகுகள் மட்டுமே இருந்தன ஒரு படகை காணவில்லை. அதில் இலங்கைமீனவர்களும் அவர்களை கைது செய்த இந்திய கடலோரக்காவல் படையினர் 2பேரும் இருந்தனர்.

ஒரு படகு திடீரென மாயமானதினால் அதிர்ச்சியடைந்த இந்திய கடலோரக்காவல் படையினர் இலங்கை கடலோரக்காவல் படையினருக்கு தகவல் கொடுத்தனர். அவர்கள் தேடியதில் இலங்கை மீனவர்கள் படகுடன் இந்திய கடலோரக்காவல்படையினரை கடத்திசென்றது தெரியவந்தது. இலங்கை கடற்படை கேட்டுக்கொண்டும் இலங்கை மீனவர்கள் இந்திய கடலோரக்காவல் படையினரை விடுவிக்க மறுத்துவிட்டனர். தங்களுடன் வந்த 6 படகு இலங்கைமீனவர்களை விடுதலை செய்தால்தான் 2இந்திய கடலோரக்காவல் படையினரை விடுதலை செய்வோம் என்று அவர்கள் நிபந்தனை விதித்துள்ளனர்.

இதனால் அதிர்ச்சியடைந்த இந்திய கடலோரக்காவல்படையினர் இலங்கை மீனவர்களின் இந்த அத்துமீறிய நடவடிக்கைகள் குறித்து தூதரக அதிகாரிகள் மட்டத்தில் புகார் அளித்துள்ளனர். இதைத்தொடர்ந்து தூதரக அளவில் பேச்சுவார்த்தை நடைபெற்றுவருகிறது.

http://www.globaltamilnews.net