சிறிலங்கா வானூர்தியில் பணிபுரியும் குடிவரவு குடியகல்வு பணியாளர்கள் அரசாங்கத்திற்கு எதிராக சட்டப்படி வேலை செய்யும் போராட்டத்தினை இன்று ஆரம்பித்துள்ளனர். தமக்கு சம்பள உயர்வு மற்றும் சலுகைகள் வழங்கும் யோசனையினை ஏற்றுக்கொண்ட மஹிந்த அரசு இதுவரை நான்கு வருடங்களாகியும் அதனை செய்யவில்லை என கூறியே இந்த வேலை நிறுத்த போராட்டத்தில் குதித்துள்ளதாக பணியாளர் நல சங்க செயலர் உத்தரட்ட தேரர் கூறியுள்ளார்.

இதன்படி இன்று இலங்கை வானூர்தி தளத்தில் இருந்து ஒன்றரை மணித்தியாலம் காலதாமதம் ஆகியே பயணிகள் வானூர்திகள் புறப்பட்டன என அங்கிருந்து வரும் செய்திகள் தெரிவிக்கின்றன். அரசாங்கம் உரிய பதிலை தரும்வரை போராட்டம் தொடரும் என ஏற்பாட்டாளர்கள் கூறியுள்ளனர்.

http://www.eelanatham.net/news/important

தொழிற்சங்க நடவடிக்கை காரணமாக கொழும்பிலிருந்து விமானங்கள் புறப்படுவது தாமதம்

குடிவரவு குடியகல்வுத் திணைக்களத்தின் விமான நிலையத்தில் சேவையாற்றும் அங்கீகாரமளிக்கப்பட்ட உத்தியோகத்தர்கள் ஆரம்பித்துள்ள சட்டப்படி வேலை செய்யும் தொழிற்சங்க நடவடிக்கைகள் காரணமாக நேற்று நள்ளிரவு முதல் சிறிலங்காவின் தலைநகர் கொழும்பிலிருந்து விமானங்கள் புறப்படுவது தாமதமடைந்துள்ளது.

இதனை அடுத்து விமானங்கள் புறப்படும் அட்டவணையில் நேரமாற்றங்களை செய்வதற்கு விமானசேவை நிறுவனங்கள் நடவடி்கை எடுத்ததுள்ளதாக விமான நிலைய விமானசேவை அதிகார சபையின் தலைவர் தெரிவிக்கின்றார்.

இந்த நிலைமையின் கீழ் விமானங்கள் வழமையான நேரத்தைவிட சுமார் ஒன்றரை மணித்தியாலங்கள் தாமதமாகப் புறப்பட்டுச் செல்லவாதாக அவர் மேலும் தெரிவித்தார்.

சம்பளம் மற்றும் சேவை யாப்பில் காணப்படும் சில சிக்கல்களை அடிப்படையாகக்கொண்டு இந்த தொழிற்சங்க நடவடிக்கையை ஆரம்பித்துள்ளதாக குடிவரவு குடியகல்வுத் திணைக்களத்தின் விமான நிலைய அங்கீகாரமளிக்கப்பட்ட அதிகாரிகள் சங்கத்தின் தலைவர் தெரிவிக்கின்றார்.

— கொழும்பு விலிருந்து மீனகம் செய்தியாளர்

http://meenakam.com/?p=1991