புதிய தீர்வுத் திட்டத்தை முன்வைப்பேன் என்கிறார் ராஜபக்ஷ-பி.பி.சி தமிழோசை

இலங்கை இனப்பிரச்சினைக்கு தீர்வு காண்பதற்காக இதுவரை மேற்கொள்ளப்பட்ட அனைத்து நடவடிக்கைகளையும் நிராகரித்துள்ள இலங்கை ஜனாதிபதி மஹிந்த ராஜபக்ஷ அவர்கள், நடக்ககவுள்ள ஜனாதிபதி தேர்தலின் பின்னர் தானே தனது சொந்தமான தீர்வை முன்வைப்பேன் என்று தெரிவித்துள்ளார்.

மாகாணங்களுக்கு அதிகாரத்தை பகிர்வதற்காக இலங்கையின் அரசியலமைப்பில் மாற்றம் செய்யப்பட்டுள்ள போதிலும், அது முழுமையாக என்றும் அமல்படுத்தப்படவில்லை.

விடுதலைப்புலிகளுக்கு எதிரான போரில் தனது அரசாங்கம் கடந்த வருடம் மே மாதத்தில் முழுமையான வெற்றியைப் பெற்றபோது, இனங்களுக்கு இடையிலான நல்லிணக்கத்தின் அவசியம் குறித்து மஹிந்த ராஜபக்ஷ பேசினார்.

ஆனால், அதனை வலுப்படுத்துவதற்கான எந்த திட்டமும் அவரிடம் கிடையாது என்று அவரை விமர்சிப்பவர்கள் கூறுகிறார்கள்.

அரசியலமைப்பின் மூலம், மாகாணங்களுக்கான அதிகாரத்தை அதிகரிப்பபதற்காக, நாடாளுமன்ற குழு ஒன்றினால் முன்வைக்கப்பட்ட பரிந்துரையை அவர் இப்போது தெளிவாக, பகிரங்கமாக நிராகரித்துள்ளார்.

இவ்வாறாக இந்த மாகாணங்களுக்கான அதிகாரங்கள் அதிகரிக்கப்படுவதை பல தமிழ் மக்கள் விரும்பியிருப்பார்கள். ஏனென்றால், இலங்கையின் 9 மாகாணங்களில் இரண்டில் தமிழர்கள் பெரும்பான்மையாக வாழ்கிறார்கள்.

ஆனால், பொதுவாக அனைத்து தரப்பாலும் ஏற்றுக்கொள்ளக்கூடிய எந்த விதமான தீர்வும் இதுவரை பரிந்துரைக்கப்படவில்லை என்று மஹிந்த ராஜபக்ஷ கூறுகிறார்.

ஆகவே, தேர்தலின் பின்னர் தானே தனது சொந்தமான ஒரு திட்டத்தை முன்வைக்கப்போவதாக அவர் கூறுகிறார்.

நாடாளுமன்றத்துக்கு ஒரு உயர் சபை ஒன்றும் மேலதிகமாக உருவாக்கப்படும் என்று அவர் கோடிகாட்டினாலும், இவற்றின் அர்த்தம் என்ன என்பது குறித்து அவர் தெளிவாக எதுவும் கூறவில்லை.

அதிகாரப் பகிர்வு என்பது தமிழர்கள் மத்தியில் வெகுவாக வரவேற்கப்படுகின்ற ஒரு வார்த்தையாக இருக்கின்ற போதிலும், ராஜபக்ஷவின் போட்டியாளரான சரத்பொன்சேகாவை ஆதரிக்கும் சிங்கள தேசியவாதக் கட்சி உட்பட பல சிங்களவர்களுக்கு அது ஒரு அழுக்குச் சொல்.

அந்த சிங்கள தேசியவாதக் கட்சி நிச்சயமாக மாகாணங்களுக்கு அதிகாரங்கள் வழங்கப்படுவதை எதிர்க்கிறது.

பொலிஸ், ஊழல் எதிர்ப்பு உட்பட பல பொது அமைப்புக்கள் தொடர்பில் சுயாதீன ஆணைக்குழுக்களை பரிந்துரைக்கும் அரசியலமைப்பு திருத்தத்தையும் அவர் நிராகரிப்பதாகக் கூறுகிறார்.

அரசியல்வாதிகளால், ஆணையாளர்கள் நியமிக்கப்படுகின்ற பட்சத்தில், அந்த ஆணைக்குழுக்கள் சுயாதீனமானவையாக இருக்கமுடியாது என்று அவர் கூறுகிறார்.

இந்த அரசியலமைப்புத் திருத்தம் நடைமுறைப்படுத்தப்படாத பட்சத்தில், இலங்கைக்கு ஒரு சுயாதீன தேர்தல் ஆணையம் கூட கிடைக்காது. ஒருவர் மாத்திரமே தேர்தல் ஆணையாளராக இருக்க முடியும்.

http://www.bbc.co.uk/tamil/news/story/2008/07/000000_currentaffairs.shtml

புதிய தீர்வுத் திட்டத்தை முன்வைப்பேன் என்கிறார் ராஜபக்ஷ-பி.பி.சி தமிழோசை

சொன்னத சொன்னபடி செய்து முடிச்சது சரத்தும் ராஜபக்சவும்தான்...... சரத்தும் நிறைவேற்றமுடியாத நிபந்தனைகளை நிறைவேற்றுவதாக கூட்டமைப்புக்கு சொன்னதால கூட்டமைப்பு சரத்த ஆதரிக்க முடிவுசெய்து ஆதரவும் வளங்குதாம். ராஜபக்சவும் அனைத்துக்கட்சி யெண்டு கூட்ட முயற்சியெடுத்தும் எதிலயும் பங்கெடுக்க்காத கூட்டமைப்பு இதுகும் கண்துடைப்பெண்டு கைகழுவிவிட்டிட்டு இப்ப தமிழரின்தாகமா மாறின புலிகளின் தாகத்த முன்னெடுத்துச்செல்லும் எண்டு எதிர்பாக்கலாம். ஒற்றையாட்சியெண்டு போட்டியிட அதுக்கு ஓமெண்டு தலையாட்டி ராஜபக்சவ வரப்பண்ணி இவளவு கூத்தும் நடத்தின ஆக்கள ( வேறவிசியம்) கானேல்ல. அமெரிக்கா ஐரோப்பிய ஒன்றியத்துக்கு சரத்து தேவையாக்கிடக்கு. ராஜபக்ச ஏதாவது முன்வச்சாலும் விட்டிடுவாங்களோ? கூட்டமைப்பு இந்தியா போய் வருகிது.... சரத்துக்கு ஆப்புவைக்கவோ?