தமிழகத்தில் பாஸிஸ ஆட்சியை கருணாநிதி நடத்தி வருகிறார். வீழ்ச்சியில் இருந்து தமிழகம் மீட்சி பெற வேண்டும்,'' என, கொடி பயணத்தின் நிறைவு நிகழ்ச்சியில், ம.தி.மு.க., பொதுச்செயலாளர் வைகோ பேசினார்.ம.தி.மு.க., சார்பில் கொடி பயணம் நாமக்கல் மாவட்டத்தில் மூன்று நாட்கள் நடந்தது. இறுதி நாள் அன்று நிறைவு பொதுக்கூட்டம் ப.வேலூரில் நடந்தது.மாவட்டச் செயலாளர் குருசாமி தலைமை வகித்தார். மாநில இளைஞரணி துணை அமைப்பாளர் சக்திவேல், தேர்தல் பணி துணை செயலாளர் பழனிசாமி, மாவட்ட இளைஞரணி அமைப்பாளர் கணேசன் ஆகியோர் முன்னிலை வகித்தனர்.

பொதுச்செயலாளர் வைகோ பேசியதாவது:மாவட்டத்தில் நடந்த மூன்று நாள் கொடி பயணம் ம.தி.மு.க.,வுக்கு ஊக்கத்தை தந்துள்ளது. நாளுக்கு நாள் மக்கள் உள்ளத்தில் பதிவு செய்யப்பட்டு, அங்கீகாரம் கிடைத்துள்ளது. இளைஞர்கள் கூட்டம் அதிகளவில் வந்துள்ளதை பார்க்கிறேன்.ஜனநாயகத்துக்கு ஆபத்து வந்துள்ளது. ஒன்று, ஒரே குடும்பத்தை சேர்ந்தவர்களின் ஆதிக்கம், மற்றொன்று விலைவாசி உயர்வு, அறிவிக்கப்படாத மின்தடை. இவற்றால் தமிழக மக்களின் வாழ்வாதாரம் சிதைந்துள்ளது.அறிவிக்கப்படாத மின்தடை அனைத்து தரப்பு மக்களையும், ஆலை, விசைத்தறி, கோழிப்பண்ணை, லாரி பாடி கட்டும் தொழில், விவசாயிகள், மருத்துவமனைகள் ஆகியவை பாதிக்கும் வகையில் தமிழகத்தின் பொருளாதாரத்தை வீழ்த்தும் அளவுக்கு உள்ளது.

இந்த மின்தடையை கட்டுப்படுத்த அரசு பழுது பார்க்கவில்லை; திட்டமிடவில்லை. காலியாக உள்ள பணியாளர்களை நிரப்பவில்லை. ஆனால், பன்னாட்டு நிறுவனங்களுக்கு தடையில்லா மின்சாரம் வழங்குகிறது.பண முதலைகள் சம்பாதிப்பதற்காக அவர்களுக்கு தடையில்லா மின்சாரம் வழங்கும் தமிழக அரசின் நோக்கம் என்ன? அதனால் கிடைக்கும் ஆதாயம் என்ன? இந்த கேள்வி தொழில் முனைவோர், தொழில் அதிபர்கள் மத்தியில் எழுந்துள்ளது.தற்போது இப்பகுதியில் பிளாட்டினம் இருப்பதாக கண்டறியப்பட்டுள்ளது. அதனால், இப்பகுதியில் வசிக்கும் மக்கள் மிகவும் அச்சத்தில் உள்ளனர். அரசு தங்களது நிலத்தை அபகரித்து விடும்; வீடுகளை வீட்டு வெளியேற்றிவிடும் என பயத்தில் உள்ளனர்.

நிலத்தை கையகப்படுத்துவதற்கு முன் எந்த இடத்தை அரசு எடுத்துக்கொள்ளும் என்பதை தெரியப்படுத்த வேண்டும். அவ்வாறு நிலத்தை கையகப்படுத்தும்போது கைடு லைன் மதிப்பை வழங்காமல், சந்தை மதிப்பீட்டில் வழங்க வேண்டும்.தமிழக அரசு மீது மக்களுக்கு எதிர்ப்பு வந்துள்ளது. அதற்கு முக்கிய காரணம் கோவை செம்மொழி மாநாடு. தமிழகத்தில் பாஸிஸ ஆட்சியை கருணாநிதி நடத்துகிறார். வீழ்ச்சியில் இருந்து தமிழகம் மீட்சி பெற வேண்டும்.இவ்வாறு அவர் பேசினார்.மாநில, மாவட்ட, நகர, பேரூர், ஒன்றிய, கிளை, சார்பு மன்ற நிர்வாகிகள், உறுப்பினர்கள் உள்பட 3,000க்கும் மேற்பட்டோர் பங்கேற்றனர்.

Thanks to Dinamalar.

http://www.thedipaar.com/news/news.php?id=17650

Edited August 28, 201015 yr by easyjobs

பாசிச ஆட்சி நடத்திய ஜெயலிதாவுடன் இருந்து கொண்டு சொல்வது பொருத்தமல்ல.