G20 நாடுகள் குழுத் தலைவர்களின் 5வது உச்சி மாநாடு நவம்பர் 11, 12ஆம் நாட்களில் தென் கொரியாவின் சியோல் நகரில் நடைபெறவுள்ளது.

மாற்று விகிதம், உலக நிதி பாதுகாப்பு இணையம், சர்வதேச நிதி அமைப்புகளின் சீர்திருத்தம், வளர்ச்சிப் பிரச்சினை ஆகிய 4 அம்சங்களைக் குறித்து உலகில் 20 மிக முக்கிய நாடுகளின் தலைவர்கள் விவாதம் நடத்துவர், உலகப் பொருளாதாரம் சர்வதேச நிதி நெருக்கடியிலிருந்து விலகி மீண்டும் அதிகரிப்பைக் காண்பதை முன்னேற்றுவதற்காக ஒட்டுமொத்த பொருளாதாரக் கொள்கைகளை அவர்கள் ஒருங்கிணைப்பர்.

தற்போது உலகப் பொருளாதாரம் மந்தமாக மீட்சி அடைந்து கொண்டுள்ள போதிலும், அதன் அடிப்படை வலுவானதல்ல. எனவே, நடப்பு உச்சி மாநாடு, "பிரச்சினைகளுக்கு அப்பாற்பட்ட கூட்டு வளர்ச்சி" என்ற தலைப்பில் நடைபெறுகிறது.

மாற்று விதிகம், உலகில் தற்போதைய மிகப் பெரிய கவனத்தை ஈர்க்கும் பிரச்சினையாகும்.

அக்டோபர் இறுதியில் தென் கொரியாவின் GYEONG JU நகரில் நடைபெற்ற 20 நாடுகள் குழுவின் நிதி அமைச்சர்கள் மற்றும் மத்திய வங்கி இயக்குநர்களின் கூட்டத்தில், விலை நிதானம் மற்றும் பொருளாதார மீட்சிக்குத் துணைபுரியும் நாணயக் கொள்கையை தொடர்ந்து செயல்படுத்தும் என்று இக்குழுவின் உறுப்பு நாடுகள் வாக்குறுதியளித்தன. ஆனால், 2வது சுற்று அளவான தளர்ச்சியுடைய நாணயக் கொள்கையை முன்வைப்பதாக அமெரிக்க மத்திய வங்கி நவம்பர் திங்களில் அறிவித்ததும், பல நாடுகளில் அது கவலையை ஏற்படுத்தியது.

உலக நிதி பாதுகாப்பு இணையத்தை நிறுவுவது, தென் கொரியா முன்வைத்த முக்கிய முன்மொழிவுகளில் ஒன்றாகும். நடப்பு உச்சி மாநாட்டில் தென் கொரியா முன்வைக்கும் முன்மொழிவுகளில், உலக நிதி பாதுகாப்பு இணையம் மற்றும் வளர்ச்சிப் பிரச்சினை முக்கியமாக இடம்பெறும் என்று தெரிகிறது. நிதி பாதுகாப்பு இணையத்தை நிறுவுவது குறித்து, தற்போது பல்வேறு உறுப்பு நாடுகள் உடன்பாடு கூறியுள்ளன.

2008ஆம் ஆண்டில் நிதி நெருக்கடி நிகழ்ந்தது முதல், சர்வதேச நிதி அமைப்புகளின் சீர்திருத்தம் நடைமுறை பயன் பெற்றுள்ளது. ஆனால், நல்ல வாய்ப்பாகவும் போக்காகவும் இருக்கும் உலக வங்கி மற்றும் சர்வதேச நாணய நிதியத்தின் சீர்திருத்தம் இன்னும் முடிவுக்கு வரவில்லை என்று பொதுவாகக் கருதப்படுகிறது. சர்வதேச நிதி அமைப்பு முறையின் சீர்திருத்தத்தை சியோல் உச்சி மாநாடு மேலும் முன்னேற்றி, சர்வதேச நிதி அமைப்புகளில் புதிய சந்தை நாடுகள் மற்றும் வளரும் நாடுகளின் கருத்து வெளிப்பாட்டு உரிமையையும் பிரதிநிதித்துவத்தையும் அதிகரிக்க வேண்டும் என்று சர்வதேசச் சமூகம் விரும்புகிறது.

20 நாடுகள் குழுவின் உறுப்பு நாடுகளின் தலைவர்களும், அழைப்பின் பேரில், ஸ்பெயின் உள்ளிட்ட 5 நாடுகளின் தலைவர்களும், ஐ.நாவின் சர்வதேச அமைப்புகளின் பிரதிநிதிகளும், இந்த உச்சி மாநாட்டில் கலந்து கொண்டனர்.

ஆசிய நாடுகள் மற்றும் புதிய சந்தை நாடுகளில் 20 நாடுகள் குழுவின் உச்சி மாநாடு நடைபெறுவது, இதுவே முதல் முறையாகும்.

உலக பொருளாதார மீட்சிக்காக ஒன்றுபட்டு உழைக்குமாறு அமெரிக்க ஜனாதிபதி பறாக் ஒபாமா, சர்வதேச தலைவர்களைக் கேட்டுக் கொண்டார்.

இன்று ஜீ இருபது நாடுகளின் உச்சி மகாநாடு ஆரம்பமாகவுள்ள நிலையில், அவரது கருத்து வெளியாகியது.

ஜீ இருபது உச்சி மகாநாட்டின் இறுதியில் வெளியிடப்படும் கூட்டறிக்கையில், உலக பொருளாதாரத்தைப் பலப்படுத்தி, சீரான வளர்ச்சி ஏற்படுவதற்கு உதவும் பொறிமுறைகள் குறித்து அறிவிக்கப்படுமென பறாக் ஒபாமா தெரிவித்தார்.

600 பில்லியன் டொலர் பெறுமதியான கடன் முறிகளைக் கொள்வனவு செய்யவுள்ளதாகக் கடந்த வாரம் அமெரிக்க மத்திய வங்கி அறிவித்ததை பறாக் ஒபாமா நியாயப்படுத்தினார்.

தென் கொரிய ஜனாதிபதியுடன் அவர் பேச்சுக்களை நடத்தினார்.

தென் கொரியாவுக்கும் அமெரிக்காவுக்கும் இடையில் மூன்று வருடங்ளுக்கும் முன்னர் ஏற்றுக் கொள்ளப்பட்ட சுதந்திர வர்த்தக உடன்படிக்கையை இறுதி செய்யத் தங்களால் முடியவில்லையெனவும், அதற்கு மேலதிக கால அவகாசம் தேவையெனவும் தென் கொரிய ஜனாதிபதி லீ மியங் பக் தெரிவித்தார்.

http://www.cmr.fm/thamilfm/Newclients/NewsDetail.aspx?ID=5390

'கரண்சி' பிரச்சனைகளுடன் ஜீ 20 நிறைவு

த ஃபெடரல் ரிசேவ் (The Federal Reserve) என்ற அமெரிக்காவின் மத்திய வங்கியின் (http://www.federalreserve.gov/ ) கொள்கைகள் டொலரின் பெறுமதியை குறைப்பதாகவும் மாநாட்டின் போது காரசாரமாக விமர்சிக்கப்பட்டுள்ளது.

இதனால், போட்டி அடிப்படையில் தமது நாணயங்களின் மதிப்பைக் குறைக்கும் நடவடிக்கையைத் தவிர்ப்பது என்கின்ற மாநாட்டின் முக்கிய நோக்கத்தில் பெரிதளவு முன்னேற்றம் எதுவும் எட்டப்படவில்லை.

வர்த்தகத்தில் ஏற்படும் சமமற்றத் தன்மைகளை கையாள்வது, பேச்சளவில் உலகளாவிய வர்த்தக ஒப்பந்தம் ஒன்றை உருவாக்கும் முயற்சிகளை அடுத்த வருடத்தில் முன்னெடுப்பது என்கின்ற உறுதிமொழிகளுடன் இம்முறை மாநாட்டின் இறுதி அறிக்கை வெளியாகியுள்ளது.

ஆனால், நாணய பெறுமதியை தீர்மானித்தல் மற்றும் வர்த்தக விடயங்களில் சீனாவுக்கும் அமெரிக்காவுக்கும் இடையில் ஏற்பட்ட ஆழமான கருத்து வேற்றுமைகள் மாநாட்டின் மற்ற விடயங்களை புறந்தள்ளிவிட்டன.

மாநாட்டின் முடிவின் பின்னர் அதிபர் ஒபாமா, சீனாவின் நடவடிக்கைகள் எவ்வாறு அமையவேண்டும் என்பது பற்றி மிகுந்த அக்கறையுடன் கருத்து வெளியிட்டுள்ளார்.

நாணய மாற்று விகிதங்கள் பொருளாதார யாதார்த்த தன்மைகளை பிரதிபலிக்க வேண்டும் என்று ஒபாமா தெரிவித்தார்.

ஒரு நாடு இன்னொரு நாட்டின் செலுத்தி முறையற்ற விதத்தில் லாபத்தைப் பெறும் நடவடிக்கைகளை தவிர்க்க வேண்டும் என்றும் அவர் குறிப்பிட்டார்.

நன்மையை ஈட்டுவதற்காக நாணயத்தைப் பயன்படுத்துவதாக அமெரிக்கா மீதும் சீனா மீதுமே குற்றஞ்சாட்டப்படுகின்றது. நாணயம் பற்றிய குழப்பங்கள் பரவலாக வர்த்தகப் பிரச்சனைகளைத் தோற்றுவிக்கும் என்ற கவலைகளும் அதிகரித்துள்ளன.

நாணயங்களினால் ஏற்படும் பாரதூரமான பாதிப்புகளைத் தவிர்ப்பதற்காக மற்றைய நாடுகள் வர்த்தகத் தடைகளை ஏற்படுத்த முனையலாம்.

http://www.bbc.co.uk/tamil/news/story/2010/11/101112_g20obama.shtml

==========================================================

"There's a currency war!"

Cloudy G20: Smog of US-China currency war blurs perspective