நான்காவது மாடியில் இருந்து தவறி விழுந்த குழந்தையை லாவகமாக பிடித்துக் காப்பாற்றியி பிரிட்டிஷ் பெண்.

அமெரிக்காவில் உள்ள புளோரிடாவை சேர்ந்தவர் ஹெலீனா மைல்ஸ். இவர் தனது 16 மாத கைக்குழந்தை ஜா-நியா மைல்ஸ் சுடன் ஒர்லாண்டோவில் உள்ள ஒரு ஓட்டலில் 4-வது மாடியில் தங்கியிருந்தார். இந்த நிலையில், இரவு 11 மணி அளவில் குழந்தை ஜா-நியா அவர்கள் தங்கியிருந்த ஓட்டலின் 4-வது மாடி அறையில் தவழ்ந்து விளையாடி கொண்டிருந்தது.

அதை ஹெலீனா மைல்ஸ் கவனிக்கவில்லை. அதே நேரத்தில் ஓட்டலின் தரை தளத்தில் உள்ள நீச்சல் குளத்தில் ஹெலன் பியர்டு (44) என்ற பெண் குளித்து கொண்டிருந்தார். இங்கிலாந்தை சேர்ந்த அவர் ஒர்லாண்டோ நகருக்கு சுற்றுலா வந்து இருந்தார். அப்போது 4-வது மாடியில் விளையாடிக் கொண்டிருந்த குழந்தை ஜா-நியா திடீரென அங்கிருந்து தவறி விழுந்தது.

அது தவறி விழுந்த வேகத்தில் 3-வது மாடியின் பால் கனியில் தொங்கியபடி இருந்தது. இதை ஹெலன் பியர்டு தற்செயலாக பார்த்து விட்டார். உடனே பதறிய அவர் அக்குழந்தையை தூக்கி காப்பாற்ற நீச்சல் குளத்தை விட்டு வெளியேறி ஓடினார். அதற்குள் தொங்கி கொண்டிருந்த குழந்தை கை பிடியை விட்டு விட்டது.

எனவே தரையை நோக்கி கீழே வேகமாக வந்தது. அப்போது ஹெலன் பியர்டு அக் குழந்தையை லாவகமாக தனது கைகளில் தாங்கி பிடித்து காப்பாற்றினார். இதனால் குழந்தை காயமின்றி தப்பியது. இதை தொடர்ந்து அதிர்ச்சியில் மயங்கிய குழந்தையை ஆஸ்பத்திரியில் அனுமதித்து சிகிச்சை அளிக்கப்பட்டது.

தனது குழந்தையை காப்பாற்றிய சுற்றுலா பயணி ஹெலன் பியர்டுக்கு குழந்தையின் தாயார் ஹெலீனா மைல்ஸ் நன்றி கூறினார். என் குழந்தையை காப்பாற்ற கடவுள்தான் ஹெலனை அனுப்பி வைத்துள்ளார். அவர் மூலம் எனது குழந்தை காப்பாற்றப்பட்டுள்ளது.

அதற்காக கடவுளுக்கும் நன்றி தெரிவித்துக் கொள்கிறேன் என்றார். இச்சம்பவம் அங்கு பரபரப்பை ஏற்படுத்தியது.

குழந்தையைக் காப்பாற்றிய பிரிட்டிஷ் தேவதையின் படங்கள் பார்க்க....

http://www.thedipaar.com/news/news.php?id=27335