தவறான முடிவினால் கனடாவில் இருந்து நாடுகடத்தப்படுவதற்கு உத்திரவிடப்பட்ட இளம் பெண் தலைமறைவு

தவறான முடிவினால் கனடாவில் இருந்து நாடுகடத்தப்படுவதற்கு உத்திரவிடப்பட்ட இளம் பெண் தலைமறைவு

ஜெஸ்ரில் இசாசி என்ற மெக்கிகோவினைச் சேர்ந்த 14 வயதுப் பெண் மெக்சிகோவில் தனது தயாரினால் சித்திரவதைக்கு உப்படுத்தப்படுவதாகக் கோரி கனடாவில் தஞ்சம் புகுந்திருந்தாள். இவளது இந்த வாதத்தினை ஏற்றுக்கொண்ட கனேடியக் குடிவரவு மற்றும் அகதிகள் அவை இவள் தொடர்ந்தும் கனடாவில் தங்கியிருப்பதற்கு அனுமதியளித்திருந்தது.

ஆனால் இந்தப் இளம் பெண்ணினது வாதம் உண்மைக்குப் புறம்பானது என்றும் சோடிக்கப்பட்டது என்றும் கூறும் கனேடிய அதிகாரிகள் இந்தப் பெண் மெக்சிக்கோவிற்கு நாடுகடத்தப்படவேண்டும் என வாதிடுகிறார்கள்.

இந்த நிலையில் தான் நாடுகடத்தப்படுவதை எப்படியாவது தடுக்கவேண்டும் என்ற நோக்கில் இந்த இளம்பெண் தலைமறைவாக வாழுகிறாள்.

கடந்த திங்களன்று இடம்பெற்ற வழக்கு விசாரணையின்போது கடந்த செப்ரெம்பரில் இந்த யுவதி நாடுகடத்தப்பட்டவேண்டும் என வழங்கப்பட்ட தீர்ப்பு தவறானது என ஒன்ராரியோவின் மேல் முறையீட்டு நீதிமன்றம் கூறியிருக்கிறது.

14ஆவது பிறந்தநாள் முடிந்து நான்கு மாதங்கள் கடந்துவிட்ட நிலையில் தற்போது ரொறன்ரோவில் வசித்துவரும் இந்த யுவதி நாடுகடத்தப்படுவதைத் தவிர்ப்பதற்காக பாடசாலையிலிருந்தும் இடைவிலகிவிட்டாள்.

தற்போது மறைந்துவாழும் இந்த யுவதி, 'என்னைப் பொலிசார் கண்டுபிடித்தால் மீண்டும் மெக்சிக்கோவிற்கே திருப்பியனுப்பிவிடுவார்கள். எனது தாயாரிடம் நான் மீண்டும் அகப்படும் நிலை தோன்றுமிடத்து வாழ்வு சீரழிந்துவிடும். மீண்டும் நான் அடித்துத் துன்புறுத்தப்படுவேன், அடைத்துவைக்கப்படுவேன்' எனக் கூறுகிறாள்.

2009ஆம் ஆண்டின் முதற்பகுதியில் கனடாவிற்குள் நுழைந்த இவளது கடவுச்சீட்டினை குடிவரவு அதிகாரிகள் வாங்கியிருக்கிறார்கள். மே 2010ஆம் ஆண்டு இவளுக்கு அகதி அந்தஸ்து வழங்கப்பட்டபோதும் அவளது கடவுச்சீட்டு மீளளிக்கப்படவில்லை.

இவளுக்கு அகதி அந்தஸ்து வழங்கிய நிலையில், தனது தூரத்து உறவினர்கள் தனது பெண்ணைக் கடத்தி கனடாவில் வைத்திருப்பதாக இந்தப் பெண்ணின் தாய் மெக்சிக்கோ நீதிமன்றில் வழக்குத் தொடர்ந்ததைத் தொடர்ந்தே இரு நாட்ட சட்ட அதிகரிகளினதும் கலந்துரையாடல்களின் பின்னர் இந்தப் பெண் மீண்டும் மெக்சிக்கோவிற்கு அனுப்பப்படவேண்டும் என்ற முடிவு அப்போது எடுக்கப்பட்டிருந்தது.

ஆனால் இவள் திரும்பி அனுப்பப்பட்டால் தாயின் கரங்களில் சிக்கிச் சீரழிவாள் என்ற வாதத்தினை ஏற்றுக்கொண்ட மேன்முறையீட்டு நீதிமன்றம் இந்தச் சிறுமியை நாடுகடத்தத் தேவையில்லை எனத் தற்போது தெரிவித்திக்கிறது.

இருப்பினும் இந்தப் பெண் தொடர்ந்தும் தலைமறைவாக வாழுவது இங்கு குறிப்பிடத்தக்கது.

புகைப்படத்துடன்கூடிய செய்திக்கு...

http://www.thedipaar.com/news/news.php?id=27326