ஒளவையார் அருளிய மூதுரை.

“நீண்ட காலம் பழகி இருந்தாலும் அவனைப் புரிந்துகொள்ளவே முடியவில்லை.

“எப்போதும் ஒளிவு மறைவாகவே நடந்துகொள்கிறான்.

“எதனையும் தெளிவாகச் சொல்லுவதில்லை.

“உள்ளத்தில் ஒன்றிருக்க வேறொன்று சொல்கிறானோ என்று ஐயம் தோன்றுமாறு பேசுகிறான்.

“ஒன்று சொல்கிறான்; அதற்கு மாறாகச் செய்கிறான்.

“அவனை என்னென்று நினைப்பது?”

இப்படி ஐயம் தோன்றுமாறு சிலர் நடந்துகொள்வார்கள்.

வெளிப்படையாகப் பேசமாட்டார்கள்; பழகமாட்டார்கள்.

நல்லவர்கள் என்றோ கெட்டவர்கள் என்றோ உறுதிசெய்ய முடியாது.

நண்பர்கள் என்றோ பகைவர்கள் என்றோ முடிவெடுக்க முடியாது.

இத்தகையவர்களிடம் பழகும்போது சற்று விழிப்பாக இருத்தல் வேண்டும்.

சிக்கலில் சிக்கிக்கொள்ளாது இருக்க இந்த விழிப்புணர்வு நமக்கு உதவும்.

நஞ்சுடைமை தானறிந்து நாகம் கரந்துறையும்

அஞ்சாப் புறங்கிடக்கும் நீர்ப்பாம்பு - நெஞ்சில்

கரவுடையார் தம்மைக் கரப்பர் கரவார்

கரவிலா நெஞ்சத் தவர்.

(தான் நஞ்சு உடையதாய் இருப்பதனை அறிந்து நச்சுப்பாம்பானது மறைந்து வசிக்கும்; நஞ்சு இல்லாத தண்ணீர்ப் பாம்பானது அஞ்சாமல் வெளியே கிடக்கும்; உள்ளத்தில் வஞ்சகம் உடையவர்கள் தம்மைத் தாமே மறைத்துக்கொள்வார்கள்; வஞ்சகம் இல்லாத உள்ளம் உடையவர்கள் தம்மை மறைத்துக்கொள்ள மாட்டார்கள்.)

கரந்து - மறைந்து; உறையும் - வசிக்கும்; வாழும். புறம் - வெளியிடம். கரவு - வஞ்சகம். கரப்பர் - மறைத்துக்கொள்வர். கரவார் - மறைத்துக்கொள்ளார். கரவிலா - கரவு இல்லாத, வஞ்சகம் இல்லாத.

இப்பிடிலாம் மத்தவங்களுக்கு கிழவிபோல அட்வைஸ்பண்ண , அவ்வயாருக்கு என்ன தகுதியாம்?

அவ(ளே) ..இளமையில் முதுமையை வரம்வேண்டி பெற்றவன்னு .. மக்கள் பேசிக்கிறாய்ங்க!!

இப்டியே அடுத்தவங்களுக்கு அட்வைஸ் பண்ணி பண்ணியே ..

நம்ம புலவருங்க ,ஒரு சில மக்கள் & சாமில்லாம் விவேக் ரேஞ்சுக்கு ஆயிட்டாங்க!