18க்கு பதிலாக 17ஆவது திருத்தத்தை அமுல்படுத்தியிருந்தால் ஜெனீவாவிற்கு ஓடவேண்டிய தேவையில்லை! ரணில் விக்கிரமசிங்க

அரசியலமைப்பில் உள்ளடக்கப்பட்டிருக்கும் 17ஆவது திருத்தத்தை அமுல்படுத்தியிருந்தால் நாடு முகம் கொடுக்கும் சர்வதேச அழுத்ததிலிருந்து 50 வீதமான பிரச்சிரனைக்கு தீர்வு கண்டிருக்கலாம். அதற்காக ஜெனிவாவிற்கு ஓட வேண்டிய தேவையில்லை என்று எதிர்கட்சித் தலைவரும் ஐ.தே.க தலைவருமான ரணில் விக்கிரமசிங்க தெரிவித்தார்.

18ஆவது திருத்தம் நிறைவேற்றப்பட்டதை நாம் எதிர்க்கின்றோம். நிலையியற் கட்டளைகளின் பிரகாரம் இவை நிறைவேற்றப்படவில்லை. இன்று தேசிய துக்தினம். அதேபோல இன்று (நேற்று) �தேசிய துக்க நாள்� "ஜனநாயக மண்சரிவு" சுயதீனதிற்கான அச்சுறுத்தலாகும் என்றும் அவர் சொன்னார்.

குற்றவியல் நடவடிக்கை முறை சட்டக்கோவை விசேட ஏற்பாடுகள் சட்டத்தின் கீழான கட்டளைகளை அங்கீகரிப்பதற்கான பிரேரணையை நீதியமைச்சர் ரவூ10ப் ஹக்கீம் சமர்ப்பித்து உரையாற்றியதன் பின்னர் உரையாற்றும் போதே இவர் மேற்கண்டவாறு தெரிவித்தார்.

அவர் தொடர்ந்து உரையாற்றுகையில், கைது செய்யப்பட்ட ஒருவருக்காக சட்டத்தரணி ஆஜராக முடியாது என அமைச்சர் தெரிவித்தார். எனினும் அமெரிக்கா, இங்கிலாந்து போன்ற நாடுகளில் முன்னெடுக்கப்படுகின்ற வழக்குகளில் சட்டத்தரணிகள் ஆஜராகியிருக்கின்றனர்.

கைது செய்யப்பட்டதன் பின்னர் அவருக்காக சட்டத்தரணி ஆஜராகலாம்.இது சர்வதேச சட்டத்தில் மிகத் தெளிவாக குறிப்பிடப்பட்டுள்ளது. எனினும் இன்று பொலிஸாரின் அதிகாரம் இராணுவத்திற்கு வழங்கப்பட்டுள்ளது.கைது செய்யப்பட்ட ஒருவரை 48மணி நேரம் தடுத்து வைத்திருக்கலாம்.

அதற்கான அதிகாரம் உதவி பொலிஸ் அத்தியட்சரிடம் இருக்கின்றது. எனினும் பொலிஸ் அதிகாரங்கள் இராணுவத்திற்கு வழங்கப்படுகின்றது. 18ஆவது திருத்தம் நிறைணுவேற்றப்பட்ட நாள் தேசிய துக்கதினமாகும். அதேபோல குற்றவியல் நடவடிக்கை முறை சட்டத்தின் கீழான கட்டளைகளை அங்கீகரிப்பதற்கான பிரேரணை சமர்ப்பிக்கப்பட்ட நாள் தேசிய துக்கதினம் ஆகும்.

நாடு சர்வதேச ரீதியில் பெரும் பிரச்சினைக்கு முகம் கொடுத்து கொண்டிருக்கின்றது.

17ஆவது திருத்த்தை அமுல்படுத்தியிருந்தால் சர்வதேச அழுத்தத்திலிருந்து 50 விதுமான பிரச்சினைக்கு தீர்வு கண்டிருக்கலாம். அதனை அமுல்படுத்திருந்தால் ஜெனீவாவிற்கு ஓடவேண்டிய தேவையில்லை என்றார்.

http://www.seithy.com/breifNews.php?newsID=49542&category=TamilNews