கிளிநொச்சியில் இது கௌதம புத்தன் தேசம் என எழுதியும் விகாரைகளை அமைத்தும் அரசாங்கம்

கிளிநொச்சியில் இது கௌதம புத்தன் தேசம் என எழுதியும் விகாரைகளை அமைத்தும் அரசாங்கம்

07 நவம்பர் 2011

இனவாதத்தை தூண்டுகின்றது - நாம் இலங்கையர்

கிளிநொச்சி நகரில் பெரிய எழுத்துக்களில் இது கௌதம புத்தன் தேசம் என எழுதியும் விகாரைகளை அமைத்தும் தமிழ் மக்களுக்கு எதிராக இனவாதத்தை தூண்டி சிங்கள மக்கள் மத்தியில் அரசியல் இருப்பை அரசாங்கம் பாதுகாத்துக் கொண்டிருக்கிறது. அதேவேளை, தமிழ் மக்கள் காணிகள் தொடர்பில் தமிழ்த் தேசியக் கூட்டமைப்பு இரட்டை வேடம் போடுகின்றது என 'நாம் இலங்கையர்' அமைப்பு குற்றம் சுமத்தியுள்ளது.

அரசாங்கத்தினதும், தமிழ்த் தேசியக் கூட்டமைப்பினதும் பொய்யான நடிப்பை புரிந்துகொள்வோம் என்ற தலையங்கத்தில் நாம் இலங்øகயர்கள் அமைப்பு விடுத்துள்ள அறிக்கையில் இவ்வாறு தெரிவிக்கப்பட்டுள்ளது.

வடக்கு, கிழக்கில் பௌத்த விகாரைகளை அமைத்து பெரும் சத்தத்துடன் பித் பாராயணங்களை ஒலிபரப்புவதும், கந்தரோடை கிராமத்தின் பெயரை கந்து ருகொட என மாற்றியமைத்தும் முற்றுழுதாக தேசப்பற்று என்ற பெயரில் தமிழ் மக்களுக்கு எதிரான இனவதைத்தை அரசாங்கம் கட்டவிழ்த்துவிட்டுள்ளது.

சிங்கள மக்களை குஷிப்படுத்தி அரசாங்கத்தின் இருப்பை பாதுகாத்துக் கொள்ளவே தமிழ் மக்களுக்கு உரிமைகளை வழங்காது இனவாதத்தை தூண்டுகிறது. வடக்கில் அனைத்து காணிகளிலும் தமிழ் மக்களை மட்டுமே குடியேற்ற வேண்டுமென்பதல்ல. சிங்கள, முஸ்லிம் மக்களும் குடியேற்றப்பட வேண்டும். ஆனால், இனவாத குடியேற்றங்களாக இல்லாது நியாயமான விதத்தில் அமைய வேண்டு மென்பதே எமது நிலைப்பாடாகும்.

அத்தோடு தமிழ்த் தேசியக் கூட்டமைப்பு தமிழ் மக்களின் உரிமைகளுக்காக முன்னிக்கின்றதா என்ற கேள்வியும் எழுகிறது.

வடக்கில் குடியேற்றங்கள் தொடர்பாக எதிர்க்கும் கூட்டமைப்பு அரசாங்கம் வட, கிழக்கில் பெரும் நிலப்பரப்புக்களை வகை, தொகையின்றி இந்தியாவிற்கு விற்பனை செய்வதை பார்த்துக்கொண்டு கூட்டமைப்பு மௌனமகே இருக்கின்றது.

கூட்டமைப்பின் இரட்டை வேடமானது அரசாங்கத்திற்கு மறைமுகமாக ஆதரவை வழங்குகின்றதா என்ற சந்தேகத்தை ஏற்படுத்துகிறது எனவும் அந்த அறிக்கையில் தெரிவிக்கப்பட்டுள்ளது.

http://www.globaltamilnews.net/GTMNEditorial/tabid/71/articleType/ArticleView/articleId/69753/language/ta-IN/article.aspx