தமிழ்த் தேசியக் கூட்டமைப்புக்கும் இரசாங்கத்திற்கும் இடையிலான 16வது சுற்றுப்பேச்சுவார்த்தை இன்று செவ்வாயக்கிழமை நடைபெறவிருக்கின்றது.

இன்றைய பேச்சுவார்த்தைக்கு அரசாங்கம் விடுத்த அழப்பை ஏற்றுக்கொண்டுள்ள தமிழ்த் தேசியக் கூட்டமைப்பு இன்றைய சேச்சுவார்த்தையில் கலந்துகொள்ள இருப்பதாக அதன் பேச்சாளர் சுரேஷ் பிரேமச்சந்திரன் தெரிவித்திருக்கிறார்.

ஏற்கனவே 15ம் சுற்றுப் பேச்சுவார்த்தையில் அரசாங்கம் முன்பு வழங்கிய உறுதி மொழிகளை நிறைவேற்றாததால், பேச்சுவார்த்தையை முறித்துக் கொண்டதாக கூட்டமைப்பு ஏற்கனவே அறிவித்திருந்தது. இப்போது அரசாங்கத்தின் அழைப்பை எதுவித நிபந்தனையுமின்றி ஏற்றுக்கொண்டுள்ள கூட்டமைப்பு, தமது முன்னைய முடிவை ஏன் மாற்றினோம் என்பது குறித்தும் மக்களுக்கு எதுவித விளக்கமும் கொடுக்கமலே இன்றைய பேச்சுக்களில் கலந்துகொள்ள இருக்கின்றது.

இந்த யாழ் இணையத்தில் கூட ஒரு செய்தி வந்திருந்தது... என்னதான் நடக்கிறதோ தெரியவில்லை.

இன்றைய பேச்சில் நாங்கள் கலந்துகொள்வோம்: சம்பந்தன் எம்.பி.

ஏற்கனவே தீர்மானிக்கப்பட்டதுபோல் இன்று நிர்ணயிக்கப்பட்ட திகதியில் நடைபெறவுள்ள அரசுடனான பேச்சுவார்த்தையில் நாங்கள் கலந்துகொள்வோம் என தமிழ்த் தேசியக் கூட்டமைப்பின் தலைவர் இரா.சம்பந்தன் - தமிழ்மிரருக்கு தெரிவித்தார்.

அவர் மேலும் கூறுகையில்...

ஏற்கனவே தீர்மானிக்கப்பட்ட அரசுடனான பேச்சுவார்த்தை இன்று செவ்வாய்க்கிழமை மாலை 3 மணிக்கு நடைபெறவுள்ளது. இந்தப் பேச்சில் தமிழ் மக்களின் பிரதிநிதிகளாக நாங்கள் கலந்துகொள்வோம். இக்கூட்டத்திலும் தமிழ் மக்களின் அபிலாஷைகள் பற்றி அரசுக்கு தெளிவுபடுத்துவோம். ஏனைய விடயங்களை இன்றைய பேச்சின் முடிவில்தான் தீர்மானிக்கலாம் என்று குறிப்பிட்டார்.

http://www.tamilmirror.lk/2010-07-14-09-13-23/32062-2011-12-06-03-04-18.html

அதிகாரப் பரவலாக்கல் தொடர்பில் கூட்டமைப்பு முன்வைத்த கோரிக்கையை ஏற்க அரசு மறுப்பு

அதிகாரப் பரவலாக்கல் தொடர்பில் தமிழ்த்தேசியக் கூட்டமைப்பினால் முன்வைக்கப்பட்ட யோசனைகளில் மூன்று முக்கிய விடயங்களை தம்மால் ஏற்றுக்கொள்ள முடியாதிருப்பதாக அசர தரப்பினர் இன்றைய பேச்சுவார்த்தையின் போது தெரிவித்துள்ளனர்.

அரசாங்கத்துக்கும் தமிழ்த்தேசியக்கூட்டமைப்புக்குமிடையில்கிழமை இடம்பெற்ற 15 ஆவது பேச்சுவார்த்தையின் பாராளுமன்ற தெரிவுக்குழு விவகாரம் தொடர்பில் அரச தரப்பில் அழுத்தம் கொடுத்ததையடுத்து அன்று இரு தரப்புக்கிடையிலான பேச்சுவார்த்தை முறிவடைந்தது.

இந்நிலையில், மீண்டும் இந்தப் பேச்சுவார்த்தை இன்று இடம்பெற்றது. பாராளுமன்றக் கட்டிடத்தொகுதியில் மாலை சுமார் 3 மணிமுதல் 5 மணிவரை இடம்பெற்ற இந்தப் பேச்சு வார்த்தையில் கடந்த வாரம் பெரும் சர்ச்சையை ஏற்படுத்திய தெரிவுக் குழுதொடர்பில் எந்தவொரு விடயத்தையும் அரச தரப்பு முன்வைக்கவில்லை எனத் தெரிய வருகின்றது.

இன்றைய பேச்சுவார்த்தையின் போது அதிகாரப் பரவலாக்கல் தொடர்பில் தமிழ்த்தேசியக் கூட்டமைப்பினால் முன்வைக்கப்பட்ட யோசனைகளில் மூன்று முக்கிய விடயங்களான,

1. வடக்கு - கிழக்கு இணைப்பு

2. சட்டம் - ஒழுங்கு விவகாரம்

3.அரச நிலங்களை மாகாண சபைகளுக்கு உரித்தாக்குதல்

ஆகிய விடயங்களை தம்மால் ஏற்றுக்கொள்ள முடியாது என அரச தரப்பு அறிவித்துள்ளதாக தெரிய வருகிறது.

இந்தநிலையில் மேற்படி விடயங்கள் இனப்பிரச்சினை தொடர்பிலான அரசாங்கத்தின் தீர்வு விடயத்தில் மிகவும் முக்கியமான அம்சமாகும் என கூட்டமைப்பு சார்பில் எடுத்து கூறப்பட்டுள்ளதாகவும் தெரிவிக்கப்பட்டுள்ளது.

இந்தப் பேச்சுவார்த்தையின் போது, அரச தரப்பில் அமைச்சர்களான பேராசிரியர் ஜீ.எல்.பீரிஸ், நிமால் சிறி பாலடி சில்வா ஆகியோரும் தமிழ்த்தேசியக்கூட்டமைப்பு சார்பில் கூட்டமைப்பின் தலைவர் இரா.சம்பந்தன், எம்.சுமந்திரன், கனக ஈஸ்வரன் ஆகியோர் கலந்துகொண்டனர். __

http://www.virakesari.lk/news/head_view.asp?key_c=35419