'-------- ரீவி' ஆயுதக் குழுவினருடன் சேர்ந்து யாழ்ப்பாணத்தில் நடாத்தும் வில்லத்தனம்

கேபிள் தொலைக்காட்சி இணைப்பினை வழங்கிக் கொண்டிருக்கும் ஆறுகால் மடம் யாழ்ப்பாணத்தைச் சேர்ந்த பாலசுந்தரம் அலெக்ஸ்குமார் என்பவருடைய வீட்டிருள் புகுந்த ஆயுததாரிகள் நேற்றிரவு இந்த கொலை அச்சுறுத்தல் விடுத்துள்ளனர்.

நேற்று இரவு 9 மணிக்கு பிரஸ்தாப நபருடைய வீட்டுக் கதவினைத் தள்ளிக் கொண்டு உள்புகுந்த ஆயுததாரிகள் கைத்துப்பாக்கியை நெஞ்சில் வைத்து கேபிள் ரிவி யை உடனடியாக நிறுத்த வேண்டும் இல்லை என்றால் உன்னை சுட்டு விடுவதாக கூறி மிரட்டி வீட்டின் யன்னல்களை உடைத்து சென்றுள்ளதாக தெரிவித்தார்.

இது பற்றி அலெக்ஸ் கருத்து தெரிவிக்கையில்

நான் கடந்த 10 வருடங்களாக கேபிள் ரிவி நடத்தி வருகின்றேன் கடந்த சில வாரங்களாக தனியாக கேபிள் நடத்தி வருவதாகவும் அதனை நிறுத்துமாறு யாழ்ப்பாணத்தில் இயங்கும் தொலைக்காட்சி நிறுவனம் ஒன்று எனது தொழிலை முடக்குவதற்காக பல வழிகளில் முயற்சி செய்துள்ளதுடன் இராணுவம் மற்றும் பொலிசாரைக் கொண்டு மிரட்டியதாகவும் தெரிவித்தார்.

குடாநாட்டில் கேபிள் ரிவி நடத்தி வந்தவர்களை இலங்கை தொலைத் தொடர்பு ஆணைக்குழுவினர் கேபிள் ரிவி நடத்துவதற்கான முறையான அனுமதிப் பத்திரம் இல்லாததனால் யாழ்ப்பாண நீதி மன்றத்தில் வழக்குப் பதிவு செய்தனர். இச் சந்தர்ப்பத்தில் தொழிலைப் பாதுகாத்தக் கொள்வதற்காக னுயn தொலைக்காட்சி நிறுவனத்தினர் தம்மிடம் அனுமதிப்பத்திரம் இருப்பதாகவும் தம்மிடம் இணையுமாறும் இல்லை என்றால் தொழில் செய்ய முடியாது என்று மிட்டியதன் காரணத்தினால் நான் இணைந்து செயற்பட்டதாகவும் ஆனால் நீதிமன்ற தீர்ப்பில் அவர்களுக்கும் அனுமதிப்பத்திரம் இல்லை என்பதனை அறிந்து கொண்டேன்.

நான் தொடர்ந்தும் தொழிலை மேற்கொள்ள முடியும் என தீர்ப்பு கூறி வழக்கு கிடப்பில் போடப்பட்டதைத் தொடர்ந்து நான் தனியாக கேபிள் ரிவி நடத்தி வருகின்றேன். இதனை நிறுத்தவதாற்காக அவர் என்னை கொலை செய்ய முற்படுகின்றார்கள் எனவும் இது பற்றி யாழ்ப்பாண பொலிஸ் நிலையத்தில் முறைப்பாடு செய்துள்ளதாகவும் தெரிவித்தார்.

அரச தொலைக்காட்சிகளின் , தனியார் தமிழ்த் தொலைக்காட்சி சேவையான சக்தி போன்றவற்றின் கால் தூசுக்கு சமமான லோக்கல் நிறுவனமாகச் செயற்பட்டு வரும் இத் தொலைக்காட்சி சேவைக்கு யாழ்ப்பாணத்தில் எந்த வித மதிப்பும் இல்லை என்றும் அத்துடன் யாழ்ப்பாணத்தில் இருந்து எந்த விளம்பரமும் கூடுதலாகக் கிடைப்பதில்லை எனவும் தெரியவருகின்றது. இதனால் கேபிள் சேவை வழங்குனர்களை அச்சுறுத்தி அவர்களின் அங்கத்தவர்களைப் பறித்து அதனூடாக தனது தரமற்ற நிகழ்ச்சிகளை வழங்கி வருகின்றது இத் தொலைக் காட்சி சேவை.

அரச தொலைக்காட்சி சேவை ஒளிபரப்புச் செய்து வந்த நாடக சீரியல் ஒன்றை கள்ளத்தனமாக ஒளிபரப்பு செய்து அண்மையில் நீதிமன்றத்தில் இத் தொலைக் காட்சி சேவைக்கு எதிராக தீர்ப்பு வழங்கப்பட்டதும் குறிப்பிடத்தக்கது.

http://newjaffna.com