யுத்தத்தின் பின்னரான மனித உரிமை நிலைமைகள் குறித்து கவனம் செலுத்தப்படும் என மனித உரிமை கண்காணிப்பகம் தெரிவித்துள்ளது.

யுத்த நிறைவின் பின்னர் இடம்பெற்ற காணாமல் போதல் மற்றும் கடத்தல் சம்பவங்கள் குறித்து கவனம் செலுத்தப்பட உள்ளதாக மனித உரிமை கண்காணிப்பகம், சர்வதேச மன்னிப்புச் சபை உள்ளிட்ட பல மனித உரிமை அமைப்புக்கள் தெரிவித்துள்ளன.

ஜே.வி.பி கிளர்ச்சிக்குழு உறுப்பினர்களான லலித்குமார் வீரராஜ் மற்றும் குகன் முருகானந்தன் ஆகியோர் காணாமல் போன சம்பவம் குறித்து ஐக்கிய நாடுகளின் மனித உரிமை பேரவை மாநாட்டில் கேள்வி எழுப்பப்படலாம் எனக் குறிப்பிடப்படுகிறது.

எதிர்வரும் மார்ச் மாதம் ஐக்கிய நாடுகளின் மனித உரிமைப் பேரவை மாநாடு நடைபெறவுள்ளமை குறிப்பிடத்தக்கது.

குறித்த இருவரும் காணாமல் போன சம்பவம் குறித்து மனித உரிமைப் பேரவை ஏற்கனவே விசாரணைகளை ஆரம்பித்துள்ளது.

இந்த சம்பவம் குறித்து காணாமல் போன இருவரினதும் குடும்ப உறுப்பினர்கள் ஐக்கிய நாடுகளுக்கான இலங்கைக் கிளையில் உத்தியொகபூர்வ முறைப்பாடு செய்துள்ளனர்.

காணாமல் போதல் சம்பவம் குறித்து உண்மையைக் கண்டறியும் ஆணைக்குழு முக்கிய கவனம் செலுத்தியுள்ளதாக மனித உரிமை கண்காணிப்பகத்தின் சட்ட மற்றும் கொள்கைப் பணிப்பாளர் ஜேம்ஸ் ரோஸ் தெரிவித்துள்ளார்.

லலித், குகன் காணாமல் போதல் சம்பவத்தில் அரசாங்கத்தின் நடவடிக்கைகளைக் கொண்டு உண்மையைக் கண்டறியும் ஆணைக்குழுவின் பரிந்துரைகளை அரசாங்கம் எவ்வாறு அமுல்படுத்தும் என்பதனை புரிந்துகொள்ள முடியும் என அவர் சுட்டிக்காட்டியுள்ளார்.

கடத்தல் மற்றும் காணாமல் போதல் சம்பவங்கள் தொடர்பில் அரசாங்கம் உரிய நடவடிக்கை எடுக்க வேண்டுமென சர்வதேச மன்னிப்புச் சபை இலங்கை அரசாங்கத்திடம் மீளவும் கோரியுள்ளது.

http://www.globaltam...IN/article.aspx

கடத்தல் மற்றும் காணாமல் போதல் சம்பவங்கள் தொடர்பில் அரசாங்கம் உரிய நடவடிக்கை எடுக்க வேண்டுமென சர்வதேச மன்னிப்புச் சபை இலங்கை அரசாங்கத்திடம் மீளவும் கோரியுள்ளது.

இவன் 1942 இல் இருந்து இப்படித்தான் கூவி கொண்டு இருக்கான்.. செயல்ல ஒண்டையும் காணோம்.. <_<