அப்பாவி இலங்கை தமிழர்கள் மீது கொடுமைகளைச் செய்தவர்களைப் போர் குற்றவாளிகள் என்று அறிவிக்க வேண்டும். தமிழ் நாட்டின் எந்த பகுதியிலும் இலங்கை ராணுவத்துக்கு மத்திய அரசு பயிற்சி அளிப்பதைத் தவிர்க்க வேண்டும் என்று வலியுறுத்தினேன். தவிர இலங்கை யாத்திரிகர்களுக்கோ சிங்கள மக்களுக்கோ அச்சுறுத்தல் விடுக்கவில்லை. அவர்களுக்கு உரிய பாதுகாப்பு தமிழகத்தில் வழங்கப்படும். இவ்வாறு தெரிவித்தார் தமிழக முதல்வர் செல்வி ஜெயலலிதா.

ஸ்ரீரங்கத்தில் நடைபெற்ற நிகழ்வொன்றில் கலந்துகொண்டு பேசியபோதே அவர் இதனைத் தெரிவித்தார்.

அங்கு அவர் மேலும் தெரிவிக்கையில்,

இலங்கையில் அப்பாவித்தமிழ் மக்கள் கொல்லப்பட்டமைக்கு ஆட்சேபம் தெரிவித்து இலங்கைக்கு எதிராகப் பொருளாதார தடைகளைக் கோரி சட்டமன்றத்தில் தீர்மானம் இயற்றினோம். இதுபோல அந்த மக்களுக்கு சம உரிமை கிடைக்கம் வரை எமது அழுத்தம் இலங்கை மீது தொடரும்.

ஆனால், என் தலைமையிலான அரசு இலங்கை சுற்றுலா மற்றும் புனித யாத்திரிகர்களுக்கு இனிமேல் தகுந்த பாதுகாப்பு வழங்கும். தமிழ்நாட்டுக்குவரும் யாத்திரிகர்களுக்கு பாதுகாப்பு வழங்க தமிழக அரசு உறுதியாக உள்ளது.

இலங்கை கடற்படையினர், தமிழ்நாடு மீனவர்கள் மீது தாக்குதல் நடத்துவததைத் தொடர்ந்த வண்ணமே உள்ளனர். இதற்கு மத்திய அரசு வலுவான எதிர்ப்பு நடவடிக்கையை இதுவரை செய்யவில்லை எனவும் செல்வி ஜெயலலிதா கூறினார்.

http://thaaitamil.com/?p=32080

தமிழர்கள் என்று மார்தட்டிக் கொள்வோர் அனைவரும் எடுக்கவேண்டிய ஒரு நிலைப்பாடு!

போர்குற்றவாளிகளுக்கு ஆதரவாக இருக்கும் காங்கிரஸ், பிஜேபி (சுஸ்மா) கும்பல் தமிழ் நாட்டிலிருந்து முற்றுமுழுதாக வெளியேற்றப்பட வேண்டும்!

ஈழத்தமிழருக்கு விஜயகாந்த் உண்மையான ஆதரவாளர் என்றால் தமிழின படுகொலைகளில் முக்கிய பங்கு வகித்த, வகித்துவரும் காங்கிரஸ் கும்பலுடன் எக்காலத்திலும், என்ன காரணத்துக்காகவும் கூட்டு வைக்கமாட்டார்! இல்லை என்றால் அப்படிப்பட்ட அனைவருமே கருணாநிதியைப் போன்று சந்தர்ப்பவாதிகள், சுயநலவாதிகள், தமிழின விரோதிகள் என்றே வரலாறு பதியும்!