அமெரிக்க பட இயக்குனர் 'நகோலா பேசலி நகோலா' கைது..?! வன்மையாக கண்டிக்கும் ஈழதேசம்..!

கருத்துரிமைக்கு எதிரான கைது இது...! என்று கருதுகிறார்கள் அரசியல் பார்வையாளர்கள்..? ;இன்னோசன்ஸ் ஆப் முஸ்லிம்' என்ற படத்தை எடுத்து அதை யூடுயூப் பில் போட்டு அதைப் பார்த்த முஸ்லிம் மக்கள் உலகம் முழுதும் பெரும் போராட்டங்களை முன்னெடுத்தனர் என்பதை நாம் அனைவரும் அறிவோம். சென்னையில் பத்தாயிரக்கணக்கில் அமெரிக்க அலுவலகத்தை முற்றுகை இட்டனர் தமிழக முஸ்லிம் மக்கள். ஒரு மூன்று நாள் சென்னையின் அமெரிக்க தூதரகம் லீவு விட்டு விட்டார்கள் என்றால் அவர்களின் கோபத்தை...பெரிய அளவில் வெளிப்படுத்தி இருந்தார்கள். அப்படி அவர் என்ன தான் அந்தப் படத்தில் முகமது நபியை கேவலப்படுத்தி இருந்தார். முகமது நபி என்பவர் ஒரு பெண் பித்தர் என்றும், மதத்தை உருவாக்கி ஒரு பெரும் மோசடியை செய்தார் என்றும் குழந்தைகளை செக்ஸ் ரீதியாக தொந்தரவு செய்தவர் என்று படத்தின் மையக் கருவாக எடுத்திருக்கிறார் பட இயக்குனர் நகோலா அவர்கள்.

இதற்கு தமிழக பாரதிய ஜனதா கட்சியின் மகளிரணி அமைப்பாளர் அவர்கள் இவ்வாறு கருத்து கூறினார் இந்த படத்தைப் பற்றி. உலகெங்கும் உள்ள முஸ்லிம்கள் தங்களைப் பற்றி புரிந்து கொள்ள வேண்டும். உலக நாடுகள் முழுதும் இஸ்லாத்திற்கு எதிராக உள்ளது. எனவே அவர்கள் வன்முறையை கைவிட்டு சமுக நீரோட்டத்தில் கலக்க வேண்டும், இப்பொழுதாவது இஸ்லாமியர்கள் புரிந்து கொள்ள வேண்டும் என்றார். எப்படி இருக்கிறது சங் பரிவார் வாய்ஸ்..?

சென்னையில் நடத்தப்பட்ட இந்த படத்திற்கான ஊர்வலத்தில் நிறைய பேர் மண்டை உடைக்கப்பட்டது. கை கால்களும் சேர்த்தே உடைக்கப்பட்டன போலீஸ் காரர்களின் லத்தியால். கடந்த 91 - ம் ஆண்டு தொடங்கப்பட்ட பொருளாதார சீர்திருத்தத்தால், அதாவது உலக மய கொள்கையால் பாதிக்கப்படும் சர்வதேச மக்களை திசை திருப்புவதற்காக உலக மகா பயங்கரவாத தீவிரவாத மதமாக இஸ்லாமும், இந்த மதத்தை பின்பற்றும் இஸ்லாமிய மக்கள் அனைவருமே பயங்கரவாதிகள் தான் என்றும் உலகமயத்தின் மறு கூற்றாக இன்றுவரை முன் மொழியப்படுகின்றன.

சென்னையில் இவ்வளவு பெரிய போராட்டமாக மாறிவிட்டது முஸ்லிம்களின் அமெரிக்க எதிர்ப்பு..? என்று கறுவிய பார்ப்பனிய அரசு, என்னடா செய்யலாம் என்று யோசித்த பொழுதுதான் திருச்சியில் சிக்கினார் தமீம் அன்சாரி.. பாகிஸ்தான் உளவாளி.. நிறைய புகைப்படங்களை வைத்திருந்தார் அதில் ஒன்று சிங்கள ராணுவத்திற்கு தொடர்ந்து பயிற்சி கொடுக்கும் ஊட்டியின் வெலிங்டன் ராணுவ பயிற்சி முகாம். அந்த ராணுவ முகாம் இருக்கும் இடத்தை படம் பிடித்து இலங்கையில் உள்ள பாகிஸ்தான் தூதரகத்தில் உள்ள ஐ.எஸ்.ஐ.என்ற உளவு அமைப்பிடம் ஏராளமான ரூபாய் நோட்டுக்களை பெற்றுக்கொண்டு உளவு வேலை பார்த்தார் என்று தமிழகத்தில் உள்ள கியூ பிரிவு போலீஸ் பல மீடியாக்களை கூப்பிட்டு வெளிச்சம் போட்டார்கள்.

அமெரிக்காவிற்கு எதிராகவா முஸ்லிம் மக்கள் போராடுகிறீர்கள்..? இதோ ஒரு முஸ்லிம் தீவிரவாதி என்று தமிழக மக்களிடம் ஒரு அப்பாவியை பிடித்து இந்தியாவிற்கு எதிராக மிகப்பெரும் சதி கண்டு பிடிக்கப்பட்டது என்று சொன்னது கியூ பிரிவு போலீஸ். ( இந்த கியூ பிரிவு போலீஸ் என்ற அமைப்பு, தமிழக மக்களுக்கு எதிராக என்னவெல்லாம் செய்கிறார்கள்..? என்ன செய்து கொண்டிருக்கிறது தமிழகத்தில் என்று பிறகு எழுதுவோம். ) தமிழக மக்கள் இந்த இஸ்லாமிய மக்களின் போராட்டத்திற்கு அதரவு கொடுக்கும் நிலை இருந்ததை மிக அருமையாக மடை மாற்றியது கியூ பிரிவு போலீஸ்.

இன்னும் எவ்வளவு காலத்திற்குத் தான் 'அந்த நபர் கம்யூனிஸ்ட் புத்தகம் வைத்திருந்தார், அந்த பில்டிங்கு புகைப்படம் வைத்திருந்தார் என்று அரதப் பழசான நொண்டிச் சாக்குகளை சொல்லி மக்களை ஏமாற்றி வருகிறது கியூ பிரிவு. அதையும் இந்த மீடியாக்கள் கேள்வி கேட்பாரின்றி அப்படியே மத துவேசத்தை வளர்க்கப்போகின்ற்ன..? என்று தெரியவில்லை. போகட்டும் இவைகள் எல்லாம்.

உலக அளவில் இஸ்லாமியர்களை தீவிரவாதிகள், பயங்கரவாதிகள் என்று மத துவேசத்தை வளர்த்த காரணத்தால் மிகவும் கொதித்து போயிருக்கும் இஸ்லாமிய மக்கள் தங்களது கடும் எதிர்ப்பை பதிவு செய்தார்கள் இந்த பட எதிர்ப்பு மூலம், இதன் விளைவு இவ்வளவு கடுமையாக இருக்கும் என்று சற்றும் எதிர்பாராத ஒபாமா அரசு, ஒரு நொண்டிச் சாக்கை சொல்லி நேற்று கைது செய்து உள்ளது நகோலாவை. என்னவாயிற்று முன்பு சொன்ன கருத்து சுதந்திரம்..? படைப்பாளியின் சுதந்திரம் என்ற சொற்றொடர்கள்..?

சங்கிலிக்கருப்பு

நபிகள் நாயகத்தை இழிவுபடுத்தி படம் எடுத்த அமெரிக்கர் திடீர் கைது.

லாஸ் ஏஞ்செலஸ்: நபிகள் நாயகத்தை இழிவுபடுத்தி படம் எடுத்து அதை யூடியூபில் வெளியிட்ட அமெரிக்கரான நகோலா பேசலி நகோலாவை அமெரிக்க போலீஸார் இத்தனை நாட்கள் விட்டு விட்டு இப்போது திடீரென கைது செய்துள்ளனர்.

உலகம் முழுவதும் இஸ்லாமியர்களிடையே பெரும் கொந்தளிப்பையும், கொதிப்பையும் ஏற்படுத்தியது நகோலா இயக்கிய இன்னொசன்ஸ் ஆப் முஸ்லீம்ஸ் என்ற திரைப்படம். இதில் நபிகள் நாயகத்தையும், இஸ்லாமியர்களையும் இழிவுபடுத்தும் வகையில் சித்தரித்திருந்தார் நகோலா. இதனால் இஸ்லாமியர்கள் கடும் கொந்தளிப்பையும், எதிர்ப்பையும் வெளிப்படுத்தினர். லிபியாவில் அமெரிக்க தூதரகத்தைத் தூக்கி அங்கிருந்த அமெரிக்க தூதரைக் கொலை செய்தனர்.

உலக நாடுகள் முழுவதிலும் அமெரிக்காவுக்கு எதிராக பெரும் போராட்டங்களும், ஆர்ப்பாட்டங்களும் வெடித்தன. இதையடுத்து அமெரிக்க அதிபர் ஒபாமா டிவி விளம்பரப் படம் மூ்லம் இஸ்லாமியர்களுக்கு விளக்கம் அளித்து வேண்டுகோள் விடுக்கும் நிலைக்குத் தள்ளப்பட்டார்.

இந்த நிலையில் சர்ச்சைக்குரிய நகோலாவை அமெரிக்க போலீஸார் திடீரென கைது செய்துள்ளனர். ஆனால் இந்த விவகாரம் தொடர்பாக அவர் கைது செய்யப்படவில்லை. கடந்த 2010ம் ஆண்டு அமெரிக்க கோர்ட் ஒன்று அவருக்கு ஒரு வழக்கில் 21 மாத சிறைத் தண்டனைக்கு விதித்திருந்தது. இருப்பினும் பின்னர் அது புரேபஷனாக அது மாற்றப்பட்டது - அதாவது காத்திருப்புக் காலம். இந்த காத்திருப்புக் காலத்தின்போது அவர் இணையதளத்தை தவறாகப் பயன்படுத்திய குற்றத்திற்காக தற்போது அவரைக் கைது செய்துள்ளனராம்.

காத்திருப்புக் காலத்தின்போது அவர் ஐந்து ஆண்டுகளுக்கு நீதிமன்றத்தின் அனுமதி இல்லாமல், கம்ப்யூட்டர், இணையதளம் ஆகியவற்றைப் பயன்படுத்தக் கூடாது என்று நிபந்தனை விதிக்கப்பட்டிருந்தது. அதை மீறியதற்காகத்தான் தற்போது கைது செய்துள்ளனர். மற்றபடி இஸ்லாமை இழிவுபடுத்திய குற்றத்திற்காக அவரைக் கைது செய்யவில்லை அமெரிக்க காவல்துறை.

நகோலாவை கைது செய்த போலீஸார் அவரை கோர்ட்டில் ஆஜர்படுத்தினர். அவர் சிறையில் அடைக்கப்படுவார் என்று தெரிகிறது.

இன்னொசன்ஸ் ஆப் முஸ்லீ்ம்ஸ் என்ற பெயரில் நகோலா இயக்கிய படத்தின் 14 நிமிட டிரெய்லர்தான் யூடியூபில் வெளியிடப்பட்டது. இதுதான் பெரும் பிரளயத்தை ஏற்படுத்தி விட்டது. அதில் நபிகள் நாயகத்தை பெண் பித்தர் போலவும், மத மோசடியாளர் என்பதாகும், குழந்தைகளை பாலியல் ரீதியாக சீரழித்தார் என்றும் கூறியுள்ளார் நகோலா.

கடந்த ஜூலை மாதம் இந்த டிரெய்லர் யூடியூபில் வெளியிடரபப்பட்டது. ஆனால் செப்டம்பர் 11ம் தேதிக்குப் பிறகுதான் பிரச்சினை பெரிதானது.

நகோலா ஒரு கிறிஸ்தவர் ஆவார், இந்த படத்தை தயாரிக்க உதவியதும் ஒரு கிறிஸ்தவ அமைப்பு என்பது குறிப்பிடத்தக்கது.

நன்றி தற்ஸ்தமிழ்.

அசாஞ்ச் நிலைமை மாதிரி.. வேறு ஒரு காரணத்துக்காக கைது..

அசாஞ்ச் நிலைமை மாதிரி.. வேறு ஒரு காரணத்துக்காக கைது..

ஆனால் இங்கே சந்தர்ப்பம் வேறு. இவர் பல குற்றங்களில் ஈடுபட்டவர். எகிப்தில் இஸ்லாமிய தீவிரவாதத்தால் மனம் பாதிக்கப்படவர். படம் தேர்தலின் முடிவை மாற்ற பயன் படுத்தப்பட்டிருக்கிறது. இவர் மொசாடின் உளவாளியா என்பதை அமெரிக்க அரசு கண்டு பிடிக்க வேண்டியது கடமை.

அசாஞ்ச் பெண்களுடன் குற்றத்தில் ஈடுபவில்லை. பெண்கள் அதை நிரூபிக்க முடியுமா தெரியாது. ஆனால் அமெரிக்காவுக்கு நாடுகடத்தப்பட்டால் அரச உளவுகளைதிருடிய குற்றத்திற்கு துணை போனதற்கு தூக்குவரையும் தண்டணை போகலாம். அசாஞ்ச் உண்மையில் ஒரு தத்துவத்தை நிரூபிக்க பாடுபடுகிறார். ஆனால் நகோலா நகோலா தனது இஸ்லாம் மீதான தனிப்பட்ட வெறுப்பை மட்டும் வெளிக்காட்டியிருந்தார். அசாஞ்ச் அமெரிக்காவில் தண்டிக்கப்பட சந்தர்ப்பம் இருக்கு. நகோலா மொசாட்டின் ஆள் இல்லையாயின் வெளியே வந்துவிடுவார். இவரின் பாதுகாபிற்காக இவரின் பெயர் ஏற்கனவே மாற்றப்பட்டுவிட்டதும் கூட.

Edited September 28, 201213 yr by மல்லையூரான்

இது பெரிய இடத்து விஷயம், என்னவாகவும் இருக்கலாம்