விடுதலைப் புலிகள் மீண்டும் வருவார்கள்..! இந்திய உள்துறை அறிவிப்பு..! ஈழதேசம் செய்தி..!

விடுதலைப் புலிகள் மீண்டும் வருவார்கள்..! இந்திய உள்துறை அறிவிப்பு..! ஈழதேசம் செய்தி..!

விடுதலைப் புலிகள் அமைப்பு எப்பொழுது வேண்டுமானாலும் இலங்கையில் எழுவார்கள் வருவார்கள், தனி ஈழம் கேட்பார்கள். ஏனெனில் தனி ஈழம் கோரிக்கையை விடுதலைபுலிகளின் ஆதரவளார்கள் அணையாமல் பாதுகாத்து வருகின்றனர். எனவே இந்தியாவிற்கு அவர்களால் ஆபத்து என்று கூறியுள்ளார் இந்திய உள்துறையின் இயக்குனர் ஆர்.கே.சுமன் அவர்கள். தமிழ் நாட்டின் கியூ பிரிவு தலைவர் சம்பத் குமார் அவர்களும் விடுதலைப் புலிகளால் இந்திய மண்ணில் தமிழ் நாட்டில் மிகவும் ஆபத்தான விளைவுகள் ஏற்படும் என்றார். என்ன மாதிரியான ஆபத்து என்று திரு வைக்கோ அவர்கள் குறுக்கு விசாரணை செய்ததில் அதெல்லாம் உங்களுக்கு தெரிவிக்க முடியாது என்றார்.

கடந்த 24 மாதங்களில் என்னென்ன வழக்குகள் விடுதலைப் புலிகளால் போடப்பட்டன, அல்லது உள்நட்டு குந்தகம் விளைவிக்கும் அளவிற்கு ஏதேனும் வழக்குகள் உள்ளனவா..? என்று கேட்டதற்கு நீதிபதி ஜெயின் அவர்களுக்கு அபிடவிட் மூலம் தெரிவித்துள்ளோம் என்றார் திரு.சம்பத் குமார். விடுதலைப் புலிகள் மீதான தடை நீட்டிப்பு குறித்த வழக்கு விசாரணையில் ஒரு நபர் கமிசன் அமைக்கப்பட்டு விசாரணை செய்து வரும் நிலையில், விடுதலைப் புலிகளின் மீதான தடையை நீக்க வேண்டும் என்று முயற்சித்தும் வழக்காடியும் வரும் வைக்கோ அவர்கள், உள்துறை இயக்குனர் தெரிவித்துள்ள மனுவை எங்களுக்கு தெரிவிக்க வேண்டும் என்றார்.

திரு வைக்கோவின் கோரிக்கையை கேட்ட நீதிபதி ஜெயின், இரண்டு நாட்கள் வழக்கு விசாரணை சென்னையிலும் எஞ்சிய ஒருநாள் ஊட்டியிலும் நடைபெற உள்ளது. உங்களது கோரிக்கை குறித்து மூன்று நாள் நடக்கும் விசாரணையில் பரிசீலிப்போம் என்றார். அதென்ன பரிசீலனை..?

( லட்சம் கோடிகளில் ஊழல் நடந்துள்ளது, அது அரசின் கொள்கை முடிவு..? எங்கும் ஊழல் எதிலும் ஊழல்... ஊழல் ஒன்று தான் ஆட்சி முறை, இந்த ஊழல் ஆட்சி முறையை சட்ட பூர்வமாக பாதுகாக்க உயர் நீதி மன்றம், உச்ச நீதி மன்றம் என்று நாம் எழுதினால்...புலி ஆதரவாளன் என்று சொன்னாலும் சொல்வார்கள்..? எனவே செய்தியை மட்டும் சொல்லுவோம்..! ) இலங்கைக்கு மருந்துகள் சில தடை செய்யப்பட்ட பொருட்கள் கடத்துகிறார்கள் என்கிறது இந்திய உள்துறை..? அதுதான் என்ன என்று கேட்டுள்ளார் திரு வைக்கோ அவர்கள்.

எனவே, அடுத்து வரும் விசாரணையில் தெரிந்து கொள்ளலாம். தடை வருமா..? தடை நீக்கப்படுமா..? என்று.

விடுதலைப் புலிகளின் மீதான தடை நீட்டிப்பு குறித்து ஒரு மூத்த பத்திரிக்கையாளர் ஒருவரிடம் கேட்டதற்கு, அவர் இவ்வாறு கூறினார். அட என்னப்பா நீ..! இந்தியாவின் காந்தியை பேட்டி கண்ட மிகப்பெரும் மூத்த பத்திரிக்கையாளர் குல்தீப் நய்யார் என்ன கூறியிருக்கிறார் என்று தெரியுமா..? விடுதலை புலிகள் அமைப்பு தனி ஈழம் கேட்டார்கள், அவர்களின் மக்களுக்கு. அவர்கள் இலங்கைப் போரில் தோற்றது எனக்கு மிகுந்த வருத்தத்தை உருவாக்கியது என்று கூறியுள்ளார். இந்த இவரின் கூற்றை மறுத்தால் நான் ஒரு பத்திரிக்கையாளன் என்று கூறிக்கொள்ள முடியுமா..? என்றார்.

விடுதலைப் புலிகள் வந்தால் தான் என்ன..? ஒரே பொய்யா சொல்லி வருகிறது இந்திய உள்துறை...இந்திய உள்துறையில் எங்கு திரும்பினாலும் பார்ப்பனக் கூட்டமாக உள்ளதாமே..? உண்மையா என்று தெரியவில்லை. அவர்களுக்கு தமிழ், தமிழ் மொழி, தமிழ் இனம் என்று பேசினால் உள்ளங்காலில் இருந்து உச்சந்தலை வரை சும்மா கிர்.. கிர்.. என்று கோபம் வருமாமே..? இவ்வாறாக ஒரே பொய்யா சொல்லி விடுதலைப் புலிகளுக்கு தடை வேண்டும் என்று கூறுகிறார்கள். காசா பனாமா...இதில் புதுசாக ஒரு பொய் ஒன்றை சேர்த்துக் கொண்டிருக்கிறார்கள். இந்தியாவில் உள்ள மாவோஸ்ட்களுடன் சேர்ந்து தனி ஈழம் வாங்கி விடுவார்கள் என்கிறது இந்திய உள்துறை. என்று கூறினார் அந்த மூத்த பத்திரிக்கையாளர்.

சங்கிலிக்கருப்பு