இரண்டு உலகபோர்களை பார்த்த பிரிட்டனின் மிக அதிக வயதான 110 வயது முதியவர் மரணம்

இரண்டு உலகப்போர்களை பார்த்த பிரிட்டனின் மிக அதிக வயதான 110 வயது முதியவர் சனிக்கிழமை மரணமடைந்தார். அவரது இறுதியஞ்சலியை நண்பர்கள் நடத்தி வைத்தனர்.

 

 

(தன்னுடைய மகன் கிறிஸ்டோபருடன் 110 வயது முதியவர்)

பிரிட்டனிலேயே அதிக வயதுடைய மனிதராக வாழ்ந்து கொண்டிருந்த Reverend Reg Dean என்பவர், தன்னுடைய 110 வது வயதில் சென்ற சனிக்கிழமை மரணமடைந்தார். இவருக்கு சரியாக வயது 110 வருடங்களும் 63 நாட்களும் ஆகின்றது. கடந்த 2010 ஆம் ஆண்டு முதல் பிரிட்டனின் அதிக வயதுடையவர் என்ற பெருமையை தக்கவைத்திருந்த அவர், இரண்டாம் உலகப்போரின் போது நண்பராக கிடைத்த இந்திய மருத்துவர் ஒருவரின் ஆலோசனையின் பேரிலேயே தாம் மிகவும் அதிக வயதுவரை ஆரோக்கியமாக வாழ்ந்ததாக ஒரு பேட்டியில் தெரிவித்திருந்தார்.

 

 

இவர் தன்னுடைய 110 வது பிறந்தநாளை கொண்டாடிய இரண்டு மாத காலத்திற்குள் மரணமடைந்துவிட்டார். இவர் தன்னுடைய வாழ்நாளில் 26 பிரிட்டன் பிரதம மந்திரிகளை பார்த்துள்ளார். மேலும் இரண்டு உலகப்போரையும் பார்த்துள்ள இவருக்கு இங்கிலாந்து ராணியிடம் இருந்து ஏழு கடிதங்கள் வந்துள்ளது. இவர் ஒரு முன்னாள் பிரிட்டன் ராணுவத்தின் போர்வீரராக விளங்கியவர்.

 

 

 

(11 மாத கைக்குழந்தையாகவும் 12 வயது சிறுவனாகவும் பிரிட்டன் ராணுவத்தில் பணிபுரிந்த போதும்  எடுத்த படம்)

இவர் 1902ஆம் ஆண்டு நவம்பர் மாதம் பிறந்தார்.அதாவது இங்கிலாந்தின் முன்னாள் மகாராணி விக்டோரியோ இறந்து இரண்டு வருடங்களுக்குப் பின் பிறந்தவர். இரண்டாம் உலகப்போரின்போது இவர் பர்மா போர்க்களத்தில் பணியாற்றியுள்ளார். அந்த சமயத்தில் இந்திய மருத்துவர் ஒருவரின் நட்பு ஏற்பட்டு, அவரிடம் இருந்து ஆரோக்கியமாக நீண்ட நாள் வாழ்வதற்கு உண்டான ஆலோசனைகளை பெற்று அதனை பின்பற்றி வாழ்ந்துள்ளார். இவருக்கு மூன்று முறை திருமணம் நடந்துள்ளது.