மாணவிகளுக்கு பாலியல் தொல்லை: கைதான ஆசிரியர்கள் மீது தாக்குதல்.

மதுரை குலமங்கலத்தில் உள்ள அரசு மேல்நிலைப் பள்ளியில் தபால்தந்தி நகரைச்
சேர்ந்த ஹெரன்ஸ் (வயது51), ஆத்திக்குளத்தைச் சேர்ந்த விஜயகுமார் (35)
ஆகியோர் ஆசிரியர்களாக பணிபுரிந்து வருகின்றனர்.

இருவரும்
மாணவிகளுக்கு பாலியல் தொந்தரவு கொடுத்ததாக புகார் எழுந்தது. இதுகுறித்து
அனைத்திந்திய ஜனநாயக மாதர் சங்கத்தின் புறநகர் செயலாளர் பொன்னுத்தாய்
கொடுத்த புகாரின்பேரில் மாவட்ட போலீஸ் சூப்பிரண்டு பாலகிருஷ்ணன் நடவடிக்கை
மேற்கொண்டார்.

போலீசார் மாணவிகளிடம் விசாரணை நடத்தியதில் பாலியல்
தொல்லை கொடுத்திருப்பது உண்மை என தெரியவந்தது. இதையடுத்து ஆசிரியர்கள்
ஹெரன்ஸ், விஜயகுமார் ஆகிய இருவரையும் பாலியல் வன்முறை தடுப்பு சட்டத்தில்
கூடல்நகர் போலீசார் கைது செய்தனர்.

கைதான ஆசிரியர்களை போலீசார்
நேற்று மதுரை ஜே.எம். கோர்ட்டில் ஆஜர்படுத்தினர். அவர்கள் முகத்தை
மறைத்துக் கொண்டு கோர்ட்டுக்கு வந்தனர். அப்போது அங்கிருந்த வக்கீல்கள்,
ஆசிரியர்களின் முகத்திரையை அகற்ற முயன்றனர். இதற்கு உடன் வந்த பிற
ஆசிரியர்கள் மற்றும் உறவினர்கள் தடுத்தனர்.

இதனால்
வக்கீல்களுக்கும், அவர்களுக்கும் மோதல் ஏற்பட்டது. இதில் கைதான
ஆசிரியர்களுக்கும், அவர்களுக்கு ஆதரவாக வந்த மற்றவர் களுக்கும் அடி-உதை
விழுந்தது. அங்கிருந்த போலீசார் அவர்களை தடுத்து சமரசப்படுத்தினர்.

கோர்ட்டில் ஆஜர்படுத் தப்பட்ட ஆசிரியர்களை வருகிற 22-ந்தேதி வரை காவலில் வைக்க மாஜிஸ்திரேட்டு ராஜலிங்கம் உத்தரவிட்டார்.

http://dinaithal.com/index.php?option=com_content&view=article&id=13244:madurai-rape&catid=5:business-general&Itemid=101