உலக சிறுவர் புத்தக தினம்

உலக சிறுவர் புத்தக தினம் (International Children's Book Day) ஒவ்வோர் ஆண்டும் ஏப்ரல் 2 ஆம் நாள் கொண்டாடப்படுகிறது. புத்தகங்கள் படிப்பது என்பது தற்போது மறைந்து வரும் பழக்கமாகி வரும் நிலையில், சிறுவர்களை புத்தகம் படிக்க தூண்டும் வகையில் இந்த தினம் கடைபிடிக்கப்பட்டு வருகிறது.

உலக சிறுவர் புத்தக தினம் ஒவ்வொரு ஆண்டும் ஏப்ரல் 2ம் தேதி கொண்டாடப்படுகிறது. குழந்தைகளுக்கு என ஏராளமான சிறு கதைகளை எழுதியுள்ளவரும், எழுத்தாளரும், கவிஞருமான ஹான்ஸ் கிறிஸ்டியன் ஆன்டர்சென்னின் பிறந்த நாளே உலக சிறுவர் புத்தக தினமாகக் கொண்டாடப்பட்டு வருகிறது.

புத்தகங்கள் படிப்பது என்பது தற்போது மறைந்து வரும் பழக்கமாகி வரும் நிலையில், சிறுவர்களை புத்தகம் படிக்க தூண்டும் வகையில் இந்த தினம் கடைபிடிக்கப்பட்டு வருகிறது.

ஒரு பண்பாட்டிற்கும், சமுதாயத்திற்கும் மூலாதாரம் மொழி. அதனால் தான் ஒரு சமுதாயத்தை அழிக்கவேண்டுமெனில், அதன் மொழியை அழி, என்ற கூற்று நிலவி வருகிறது. இன்று தமிழ் மொழி அப்படி ஒரு சோதனையை கண்டுகொண்டிருக்கிறது. புத்தகங்கள் வாசிக்கும் பழக்கம், அதுவும் தமிழ் புத்தகங்கள் வாசிக்கும் பழக்கம் மிகக்குறைந்துகொண்டே வருகிறது. சமீபத்தில் நடத்தப்பட்ட ஒரு ஆய்வில், ஆறாம் / ஏழாம் வகுப்பு படிக்கும் மாணவர்கள் தமிழ் மொழியைப் படிக்கத் திணறுவது தெரிய வந்துள்ளது. தமிழில் தான் எத்துனை படைப்புகள், எத்துனை தரமான எழுத்தாளர்கள், எத்தனை அறிவு பொருந்திய விஷயங்கள்.

இது மட்டுமன்றி, புத்தகங்கள் ஒரு குழந்தையின் குழந்தைப் பருவத்திற்கு இன்றியமையாத பல உன்னத நலன்களை அளிக்க வல்லது. புத்திக்கூர்மை, அறிவு, சமச்சீரான எண்ண ஓட்டம், ஆழ்ந்த உறக்கம், சகிப்புத்தன்மை, எண்ணத்தில் உறுதி என்று புத்தகங்களின் நலன்களை அடுக்கிக்கொண்டே போகலாம்.

இவைகள் மக்களை சென்றடையாதமைக்கு பல காரணங்கள் உண்டு. அவற்றில் சில: நல்ல புத்தகத்தை தேர்ந்தெடுப்பதில் உண்டாகும் சிரமங்கள், நேரமின்மை, மக்கள் புத்தகங்களுக்காக செலவிடும் தொகை, உயர்ந்து வரும் புத்தகங்களின் விலை மற்றும் பல.

இந்த நாளில், இணையதளம் வாயிலாக நூலக சேவை ஒன்று செயல்பட்டு வருவதை அறிந்து கொள்ள வேண்டும்.

மிகச்சிறந்த எழுத்தாளர்களின் உன்னதமான படைப்புகளை, வீடு தேடி, மிகக்குறைந்த சந்தாவில் சேர்க்க முடிவு செய்து இணையதள நூலகம் என்ற சேவையை தனது நண்பர்களின் உதவியோடு செய்து வருகிறார் சேதுராமன் என்பவர்.

2010-இல் தொடங்கிய இந்த பயணம் இன்று 10,000 புத்தகத் தலைப்பிற்கும் அதிகமான புத்தகங்களுடன், சென்னை முழுவதும் வீடு தேடி கொண்டு சேர்க்கும் பணியை செய்து வருகிறார்கள். புத்தகங்களை இணையதளமான www.readersclub.co.in மூலம் ஆர்டர் செய்து வீட்டிலேயே பெறலாம். படித்து முடித்த பின் அவர்களே சென்று புத்தகங்களை வாங்கி வருகிறார்கள. குழந்தைகள் முதல் வயது வந்தோர் வரை அனைவருக்கும் பயனளிக்கும் வகையில் இந்த சேவை உள்ளது. தமிழ் மொழிக்கு ஆதரவு அளிக்கும் வகையில், ரூ.750ஐ சந்தாவாக பெற்றுக்கொண்டு அதில் 100 புத்தகங்களை வீடு தேடி கொண்டு சேர்க்கப்படுகிறது. இது லாப நோக்கமற்ற பணியாக செய்யப்படுகிறது.

ஆங்கிலப் புத்தகங்கள், வெளிநாடுகளில் இருந்து இறக்குமதி செய்த  புத்தகங்கள், நாவல்கள், வரலாற்று புதினங்கள், கட்டுரைகள், ஆன்மிகம், ஆரோக்யம், உறவுமுறை, சுய சரிதம், சுய முன்னேற்றம், குழந்தைகளுக்கான புத்தகங்கள் என்று அனைத்து வயதினருக்கும் புத்தகங்களைக் கொண்டுள்ளது இந்த நூலகம்.

மாற்றுத் திறனாளிகள், வயதானவர்கள், குழந்தைகளை பராமரிப்போர் போன்றவர்கள் வெளியே சென்று நூலகத்தில் இருந்து புத்தகத்தை எடுத்து வந்து படிக்க இயலாமல் இருக்கலாம். இவ்வாறானவர்களுக்கு ஒரு வரப்பிரசாதமாக இந்த இணையதள நூலகம் அமைந்துள்ளது.

பயன்படுத்துவோம்.. பயன்பெறுவோம்...

http://dinamani.com/specials/magalirmani/article1525850.ece