தமிழின உணர்வாளரும், திரைப்பட இயக்குனரும் தாய்த்தமிழகத்தில் தமிழீழ விடுதலைப்போராட்டத்திற்கு வலுச்சேர்த்து வந்தவருமான அமரர் மணிவண்ணன் அவர்களின் பிரிவுச்செய்தி உலகத்தமிழ் மக்களையும், பிரான்சு மக்களையும் பெரும் வேதனைக்கு இட்டுச்சென்றிருந்தது.

அவரின் துயர் பகிரும் வகையில் பிரான்சின் புறநகர் பகுதிகளில் ஒன்றான சார்சல் பிரதேசத்தில் நடைபெற்றுவரும் 15.06.2013 சனிக்கிழமை தொடங்கியிருக்கும் தமிழ்ச்சோலை தலைமைபணியகத்தினதும், தமிழ் சங்கங்களின் கூட்டமைப்பும் இணைந்து நடாத்தும் மெய்வல்லுனர் போட்டி 2013ல் வணக்கம் செலுத்தப்பட்டது.

2ம் நாளாகிய இன்று காலை ஈகைச்சுடரினை வீரவேங்கை தனேந்திரனின் சகோதரி அவர்கள் ஏற்றி வைக்க அதனைத்தொடர்ந்து தமிழின உணர்வாளர் அமரர். மணிவண்ணன் அவர்களுக்காக ஈகைச்சுடரினை பிரான்சு ரிரிஎன் தமிழ்த் தொலைக்காட்சியின் நிகழ்ச்சித் ஒருங்கமைப்பாளரும், மணிவண்ணன் அவர்களின் உற்ற நண்பருமாகிய திரு. கணேசு தம்பையா அவர்கள் ஏற்றிவைத்திருந்தார்.

அதேநேரம் பிரான்சின் வெள்ளிக்கிழமை அகாலமரணமடைந்த மூதாளர் அமைப்பின் உறுப்பினரின் துணைவியார் திருமதி. nஐயக்குமார் கண்மணி அம்மா அவர்களையும் நினைவு கூரப்பட்டு அகவணக்கம் செலுத்தப்பட்டது.

இவரின் பிரிவுத்துயர் ஆற்றிய பிரான்சு தமிழர் ஒருங்கிணைப்புக்குழுவின் பரப்புரை மற்றும் மக்கள் தொடர்பு பொறுப்பாளர் திரு. மேத்தா அவர்கள் அமரர் மணிவண்ணன் அவர்களின் வரலாறு மற்றும் அவரின் தமிழ்மீதான பற்றும் விடுதலைப்போராட்டத்தில் அவருக்கு இருந்த பற்றுதல் பற்றியும் இறுவரை வெளிபடையாக தமிழீழ விடடுதலைப்போராட்டத்தையும், தலைவரையும்  எவ்வாறு நேசித்து அதனை துணிந்து குரல் கொடுத்து வாழ்ந்தவர் என்றும் இவரின் உயிர் இழப்பானது ஈழத்தமிழ் மக்களுக்கும், உலகத்தமிழ் மக்களுக்கும் ஓர் பேரிழப்பாகும் என்றும் இவரின் பிரிவால் துயருற்று இருக்கும் குடும்பத்தினரோடும், திரைப்பட கலைஞர்கள், தமிழின விடுதலை உணர்வாளர்கள், தமிழ்நாட்டு மற்றும் அனைத்து மொழி மக்களுடனும் பிரான்சுவாழ் தமிழீழ மக்கள் நாமும் பகிர்ந்து கொள்கின்றோம் எனத்தெரிவித்திருந்தார்.

இவ் நினைவு பகிர்வினை 1500 பாடசாலை மாணவர்கள் முன்னிலையில் பல நூற்றுக்கணக்கான மக்கள் முன்னினையில் நடைபெற்றிருந்து.

 

http://www.pathivu.com/news/25359/57/d,article_full.aspx

நல்ல விடயம்.

நட‌க்கும் நிகழ்வுக்கு முதல், சரியான நேரத்தில் செலுத்தப் பட்ட அஞ்சலி.