பரிஸ் தமிழ் வர்த்தகர்களிற்கும் மக்களிற்கும்... - அநபாயன்

மாநரகரசபையும் பரிஸ் 10 பகுதியின் வர்த்தகர்களும் கலந்து கொண்ட ஒரு கருத்தரங்கில் பரிஸ் 10 மாநகரசபையிடம் வர்த்தகர்கள் தமது வர்த்க நிலையங்களின் பாதுகாப்புப் பற்றிய அச்சத்தினை வெளிப்படுத்தி அதற்கான பொறுப்பை மாநகரசபையும் காவற்துறையினரும் ஏற்றுக்கொள்ளும்படியும் கேட்டுக் கொண்டார்கள்.

அதற்குரிய நடவடிக்கைகளைத் தாம் எடுப்பதாக உறுதி கூறிய மாநகரசபை முதல்வர் வர்த்கர்கள் சட்ட ஓழுங்குகளிற்கு அமைய தமது நடவடிக்கைகளை ஒழுங்கமைக்க வேண்டும் எனக் கேட்டுக் கொண்டார். பாரிய சட்ட விதி மீறல்களைப் பலர் செய்வதாகவும் அவை உடனடியாக ஒழுங்கிற்குள் கொண்டு வரப்படல் வேண்டும் எனவும் தெரிவித்தார்.

இந்தச் சட்டபூர்வமான நடவடிக்கைகளைப் பரிஸ் 10 இன் வர்த்கர்களிடம் கேட்டுக் கொண்டாலும் அது அனைத்துப் பகுதி வர்த்கர்களிற்கும் மேலும் சில பொது மக்களின் வீட்டுத் திருத்த வேலைகளிற்கான நிர்வாக நடைமுறைகளை ஒழுங்குபடுத்தவும் உதவும் என்பதால் அவற்றைப் பல பகுதிகளாகத் தொடர்ச்சியாக உங்களுக்குத் தர உள்ளோம். பல வர்த்தகர்கள் இம் முக்கிய சந்திப்பில் கலந்து கொள்ளாமையினாலும் இதனை அவர்களிற்கும் சேர்த்து வழங்குகின்றோம்.

முக்கியமாக கடைகளின் முற்பக்கங்கள், விளம்பரப்பலகைகள், கடைகளின் முன்னால் அடுக்கி வைக்கப்பட்டிருக்கும் பொருட்கள், மற்றும் நகரசபையின் திட்டமிடல் இயக்குநரகத்தின் (Direction d'urbanisme) சட்ட விதிகளை மதியாமை, அனுமதி பெறாது திருத்தவேலைகளை மேற்கொள்வது, தெருக்களில் இஞைர்கள் தேவையின்றி நின்று பொது மக்களின் வழியை இடைஞ்சல் செய்வது, குழுக்களின் மோதல்கள், சுவரொட்டிகளால் இப்பகுதியின் அழகியல் பாதிக்கப்படல், விளம்பர வரியின்றி விளம்பரம் செய்தல் போன்றவற்றால் அப்பகுதியில் வசிக்கும் மக்கள் பெரிதும் இன்னல்களிற்கு உட்படுவதாகவும் அதற்கான முறைப்பாடுகளைத் தமிழ் வர்த்தகர்கள் மீதும் தமிழ் மக்களின் மீதும் அப்பகுதி மக்கள் பல நு£ற்றுக்கணக்கில் வழங்கி இருப்பதாக மாநகரசபை முதல்வர் வலியுறுத்தினார்.

இனத்துவேசமாக மட்டும் வந்த முறைப்பாடுகளைத் தான் து£க்கி எறிந்து விட்டதாகவும் ஆனால் சட்ட ஒழுங்கு மீறல்களும் நடைமுறைச் சிக்கல்களும் தொடர்பான முறைப்பாடுகளின் மீது தாம் மிகவும் தீவிரமான நடவடிக்கைகளை எடுக்கப்போவதாகவும் கூறினார். முக்கியமாக தெருக்களில் வெற்றிலை எச்சில்கள் துப்புவதும் மதுபோதையில் திரிவதும் பொதுப்பாதையில் இருந்து மது அருந்தி இடைஞ்களை ஏற்படுத்துவதும் முறைப்பாடுகளில் அடக்கப்பட்டது.

முதற்கட்டமாகப் பாதையெங்கும், கடைகள் முழுவதும் சுவரொட்டிகளை ஒட்டுவதென்பதும் மிகவும் பாரது£ரமான பிரச்சினையாகப் பார்க்கப்பட்டது. சில மரண அறிவித்தல்களைச் சகித்துக் கொண்டாலும் தொலைபேசி அட்டைகளின் விளம்பரப் போட்டியால் மிகவும் மோசமாகச் சுவரொட்டிகளை ஒட்டுவதென்பது பெரும் பிரச்சினையாக உள்ளதாகவும்  பல சமயங்களில் சுவரொட்டிகள் மரங்களின் மீதும் வீதிப் பெயர்ப்பலகைகள் மீதும் அறிவித்தல் பலகைகள் மீதும் ஒட்டப்படுகின்றது எனவும் இது நகரத்தின் அழகைச் சீர்குலைப்பதோடு சட்டவிரேதமானதும் எனத் தெரிவித்தார்.

இந்த நாட்டில் ஒவ்வொரு விளம்பரத்திற்கும் முறையாகத் திட்டமிடல் இயக்குநரகத்தின் அனுமதியுடன் அதற்கான விளம்பர வரி செலுத்தப்பட்ட பின்னரே அனுமதிக்கப்படும். ஆனால் அந்தச் சட்ட நடைமுறைகள் எதுவும் மதிக்கப்படாமலேயே இப்குதியில் விளம்பரங்கள் குவிந்து கிடக்கின்றன. கடைகளை மூடியபடி விளம்பரங்கள் உள்ளன. இவற்றை வர்த்கர்கள் தடுக்க வேண்டும். இது அந்தப் பகுதியின் அழகை மோசமாகக் கெடுக்கின்றது.

இதற்குரிய குற்றத்தினை வர்த்தகர்களே ஏற்கவேண்டும். அவர்கள் அனுமதிப்பதனாலேயே இது ஒட்டப்படுகின்றது. இது வர்த்தகர்களிற்கும் அவர்களின் பொருட்கள் வெளியே தெரியதாவாறு அவர்களின் கண்ணாடிகளை இவை மறைக்கின்றன. இதனால் வர்த்தகர்களின் வியாபாரமும் பாதிக்கப்படும். இதில் சில சுவரொட்டிகள் பரிஸ் பகுதியில் சுற்றுலாப்பயணிகளிற்காக வைகக்ப்பட்டிருக்கும் வரலாற்று அறிவித்தல்களின் மீது கூட ஒட்டப்டுகின்றது. பொதுச் சுவர்கள் எங்கும் இதுவே உள்ளது. இப் பகுதி மக்கள் அதன் மீதான முறைப்பாட்டை மிகவும் பாரது£ரமாக வைத்துள்ளனர். இனிமேல் இது சகிக்கப்பட மாட்டாது. இது இனிமேல் தண்டணைக்குரிய விடயமாகவே பார்க்கப்படப் பேகின்றது.

இதற்கான தனிக் காவற்துறைப் படையணி ஒன்று செயற்பட உள்ளது. மரண அறிவித்தல்களைச் சுவரொட்டிகள் மூலம் அறிவிக்கும் கலாச்சாரம் பல்லின மக்களிடம் உள்ளது. ஆனாலும் அதனை முறைப்படி ஒட்ட வேண்டும். வர்த்தகர்கள் தமது கண்ணாடியில் சிறிது இடம் இதற்காகவும் பொது அறிவித்தல்களிற்காவும் ஒதுக்குவதன் மூலம் அதில் ஒட்டப்படும் அறிவித்தல்கள் மட்டும் சகித்துக் கொள்ளப்படும். இதில் விளம்பரங்கள் அடங்கலாகாது என அறிவுறுத்தப்பட்டுள்ளது.

இது ஒரு பகுதி மட்டுமே. அடுத்த விடயத்திற்கான சட்ட ஒழுங்குகளையும் அடுத்த வாரம் பார்ப்போம்.

- அநபாயன்  

நன்றி: ஈழமுரசு

http://www.sankathi24.com/news/32453/64//d,fullart.aspx