வட மகாணசபைத் தேர்தல் வாக்களிப்பு - தேர்தல் கண்காணிப்பாளர்கள் முன்னிலையில் அடாவடித்தனம்

தென்மராட்சியின் வறனிப் பகுதியில் தமிழ்த் தேசியக் கூட்டமைப்பின் ஆதரவாளர்களின் வாகனம் மீது துப்பாக்கிச் சூட்டுச் சம்பவம் நடத்தப்பட்டுள்ளது. இந்தத் துப்பாக்கிப் பிரயோகத்தில் எவரும் உயிரிழந்ததாகவோ காயம் அடைந்துள்ளதாகவோ தகவல் இல்லை.

தமிழ்த் தேசியக் கூட்டமைப்பின் கொடிகாமம் பிரதேச சபையின் உபதலைவரை இராணுவப் புலனாய்வுப் பிரிவினர் வாக்களிக்கச் சென்ற வேளை சிறைப்பிடித்து கட்டடம் ஒன்றில் மறைத்து வைத்து சித்திரவதை செய்செய்ததாக குளோபல் தமிழ்ச் செய்தியாளர் தெரிவித்துள்ளார். 

சம்பவம் இடம்பெற்றதை அறிந்த தமிழ்த் தேசியக் கூட்டமைப்பின் ஆதரவாளர்கள் திரண்டு சென்று அவரை மீட்க முற்பட்ட வேளை அங்கிருந்த படைப் புலனாய்வாரள்கள் 55 படைப்பிரிவின் முகாமுக்குள் தப்பிச் சென்றனர். அப்படியிருந்த போதும் அவர்களைத் துரத்திச் சென்ற ஆதரவாளர்களை நோக்கி படை முகாமில் இருந்து வெளிச் சென்ற படையினர் துப்பாக்கிப் பிரயோகத்தை மேற்கொண்டதனால் வாக்களிக்க நின்ற நூற்றுக் கணக்கான மக்கள் தப்பி ஓடினர். வாகனம்  பலத்த சேதம் அடைந்ததாயினும் எவரும் காயம் அடையவில்லை. 

இதேவேளை வடக்கின் அனைத்து வாக்களிப்பு மையங்களிலும் படைப் புலனாய்வளர்கள் தரையிறக்கப்பட்டு வாக்காளர்களை மிர்டும் மற்றும் துரத்தும் நடவடிக்கைகள் முடக்கி விடப்பட்டுள்ளன. 

வாக்களிப்பு மையங்களுக்குள்ளும் படைப் புலனாய்வாரள்கள் தேர்தல் அதிகாரிகள் போல் நின்று மக்களை விரட்டும் பணியில் ஈடுபட்டுள்ளனர். அந்த வேளையில் தான் கொல்லங்கலட்டிப் பகுதியில் படைப் புலனாய்வார் ஒருவர் கைது செய்யப்பட்டுள்ளார். கொடிகாமம் பகுதியிலும் சுரேஸ பிரேமச் சந்திரனின் ஆதரவாளர்களால் ஒருவர் பிடிக்கப்பட்டுள்ளார்.  இவர் தேர்தல் கண்காணிப்பாளர்களிடம் ஒப்படைக்கப்பட்டு உள்ளார்.