பாகிஸ்தானில் அமெரிக்கா நடத்திய ஆளில்லா உளவு விமானத் தாக்குதல்களில் தீவிரவாதிகள் 2,160 பேரும், பொதுமக்கள் 67 பேரும் கொல்லப்பட்டு உள்ளதாக பாகிஸ்தான் அரசு தெரிவித்துள்ளது.இதுகுறித்து இஸ்லாமாபாதில் மேலவையில் உள்துறை அமைச்சர் சௌத்ரி நிசார் அலி கான் புதன்கிழமை கூறியது:பாகிஸ்தானில் தீவிரவாத சம்பவங்கள் மூலம் 12,404 பேர் கொல்லப்பட்டு உள்ளனர். பழங்குடியினர் வசிக்கும் பகுதிகளில் ஆளில்லா உளவு விமானத் தாக்குதல் நடைபெற்று வருகிறது. சி.ஐ.ஏ. நடத்திய அத்தாக்குதல்களில் இதுவரை 2,160 தீவிரவாதிகளும், 67 பொதுமக்களும் கொல்லப்பட்டனர்.

  

இதுவரை 6,149 தீவிரவாதிகள் கைது செய்யப்பட்டுள்ளனர். 2002ஆம் ஆண்டிலிருந்து இதுவரை 13,223 பேருக்கு மரண தண்டனை விதிக்கப்பட்டுள்ளது. அதில் 501 பேரின் தூக்கு தண்டனை நிறைவேற்றப்பட்டது.மரண தண்டனை விதிக்கப்பட்டவர்களின் தண்டனையை ஆயுள் தண்டனையாக குறைக்கும் எந்தவிதமான பரிந்துரையும் அரசிடம் இல்லை. தீவிரவாத எதிர்ப்புச் சட்டத்தில் தேவையான திருத்தங்கள் மேற்கொள்ளப்பட்டு உள்ளன என்றார் சௌத்ரி நிசார்.

அமெரிக்காவின் ஆளில்லா உளவு விமானத் தாக்குதலில், அப்பாவி பொதுமக்கள் ஏராளமானோர் கொல்லப்படுவதற்கு சர்வதேச மனித உரிமை அமைப்புகள் கண்டனம் தெரிவித்து வரும் நிலையில், பாகிஸ்தான் உள்துறை அமைச்சர் தெரிவித்த தகவல் வெளியாகி உள்ளது. உளவு விமானத் தாக்குதல்கள் போர்க் குற்றங்களுக்கு இணையானது என ஆம்னெஸ்டி இண்டர்நேஷனல் அமைப்பும் அண்மையில் குற்றம்சாட்டி உள்ளது.

கடந்த அக்டோபர் 23-ஆம் தேதி, அமெரிக்க வெள்ளை மாளிகையில் நடைபெற்ற சந்திப்பின் போது ஆளில்லா உளவு விமானத் தாக்குதல் பிரச்னை குறித்து, அதிபர் பராக் ஒபாமாவிடம் பாகிஸ்தான் பிரதமர் நவாஸ் ஷெரீப் கேள்வி எழுப்பியது குறிப்பிடத்தக்கது.

 

http://www.seithy.com/breifNews.php?newsID=96123&category=WorldNews&language=tamil

இதுவரை 2,160 தீவிரவாதிகளும், 67 பொதுமக்களும் கொல்லப்பட்டனர்.

 

இறந்த 67 பேருக்கு எற்றுக்கொள்ள முடியாமல் இருக்கும். ஆனால் 2167 மத வெறி தலைக்கடாவுகள் போனது நல்ல மனித நேய வெற்றியே.

மல்லை, நீங்கள் சொல்லியது சரிதான். ஆனாலும் ஒரு சின்ன உறுத்தால், எங்களை அழிக்கும்போது கூடச் சிங்களவனும் இதைத்தானே சொன்னான்??  ஆனால் ஒன்று, எங்களுக்கு முஸ்லீம் அடிப்படைவாதிகளுக்குமிடையே மிகப்பெரிய வேறுபாடு இருக்கிறது. 

கறுப்பு எல்லாம் காகங்களே என்று சிலர் வாதாடுகிறார்கள். ஆனால் நமக்கு தெளிவாகத்தெரியும் காகங்கள் கறுப்பு மட்டும்தான் என்பது. நாம் ஏன் குழம்புவான்? 

 

அல்கைடாவின் பெயரால் அடிவாங்கியவர்கள் நாம். நாங்கள் போன அதேதெருவில் போன வெறிகாறன் காட்டின சண்டித்தனத்தால் அவ்வழியே வந்த பொலிஸ் எங்களுக்கும் வெறி, நாங்களும் சண்டித்தனத்தில் பங்கு என்று எங்களையும் உள்ளே போட்டுவிட்டால் எங்களுக்கு இரண்டு வழிகள் உண்டு. வெறிகாறனுடன் ஐக்கியமாகி, "வாட மச்சான் உன்னையும் என்னையும் உள்ளே போட்ட பொலிசுடன் சண்டை போடலாம்" என்று கூறலாம். இல்லையேல் பொலிசிடம் "எனக்கு அவனை தெரியாது. என்னை உள்ளே போட்டது உனது தப்பு நீ எனக்கு நட்டப்பணம் தா" என்று வாதாடலாம். 

 

ப்லத்தீன விடுதலை இயக்கத்தை அல்கைதாவுடன் தடுமாறக்கூடாது. மதவெறியர்களான அலகைடாவை நியாமான முறையில் அடக்க நாம் யாருக்கும் உதவ தயாராக இருக்க வேண்டும். அமெரிக்க கொள்கைகளில் இருந்த ஓட்டைகளால் புஸ் 200 ஆண்டுகளில் இருந்த அதிபர்களில் நான்காவது தரம் கெட்ட அதிபர் என்ற பட்டத்துடன் பதவி விட்டு போனார். அமெரிக்க கொள்கைகள் மாறிவிட்ட்ன. ஒபாமா பலதவைகள் விக்கினேஸ்வரன் சந்தித்த எதிர்ப்பு பிரசாரத்தை சந்திக்கிறார். ஆனால் அவர் முதலாவது, கறுப்பு அதிபர் மட்டும் அல்ல, ஏற்கன்வே திறமையான முதல் பத்து அதிபர்களுக்குள் வந்துவிட்டார் என்பதும் அல்ல. சட்டங்கள் திருத்தப்பட்ட பின்னர் வரும் 3 தவணை அதிபராக மாறும் சந்தர்ப்பம் கூட இருக்கிறதாக கதை. 

 

நாம் நமது பாதையை தெரிந்து கொள்ள வேண்டியதுதான். பாகிஸ்தான் திருந்தாவிட்டால் தலை எடுக்க கூடாத நாடு.