புதுடெல்லி: தேர்தல் வாக்குறுதிகளை நிறைவேற்றும் விதமாக இலவச குடிநீர் திட்டத்தை தொடர்ந்து, டெல்லியில் மின் கட்டணத்தையும் பாதியாக குறைத்து முதலமைச்சர் அரவிந்த் கெஜ்ரிவால் உத்தரவிட்டுள்ளார்.

 

காய்ச்சல் மற்றும் வயிற்று போக்கால் அவதிப்பட்டு வந்த டெல்லி முதலமைச்சர் அரவிந்த் கெஜ்ரிவாலை, அவரது இல்லத்தில் இன்று சந்தித்த டெல்லி சுகாதாரத்துறை அமைச்சர்  சத்யேந்திர ஜெயின், அவரது உடல் நலம் குறித்து கேட்டறிந்தார்.

 

அதன்பின்னர் டெல்லியில் செய்தியாளர்களிடம் பேசிய ஜெயின்,"

அரவிந்த் கெஜ்ரிவால் வேகமாக உடல் நலம் தேறிவருகிறார். நாளை அலுவலகம் வருவார் என நாங்கள் எதிர்பார்க்கிறோம்" என்றார்.

 

ஆனால்  இன்று மாலையே தலைமைச் செயலகத்திற்கு வந்து அமைச்சரவைக் கூட்டத்தை நடத்த உள்ளதாக  கெஜ்ரிவால் செய்தியாளர்களிடம் தெரிவித்தார்.

 

தேர்தல் வாக்குறுதிகளில் ஒன்றான 50 சதவீத மின்கட்டண குறைப்பை செயல்படுத்துவதற்கான நடவடிக்கையாக, டெல்லியில் மின்விநியோகம் செய்யும் 3 பெரிய மின் நிறுவனங்களில் முறைகேடுகள் நடந்துள்ளதா என்பதை கண்டறிய, அவற்றின் கணக்குகளை தணிக்கை செய்யப்போவதாக அறிவித்த கெஜ்ரிவால், இது தொடர்பாக இன்று மாலை நடைபெற உள்ள அமைச்சரவை கூட்டத்தில் முடிவெடுக்க உள்ளதாக  தெரிவித்திருந்தார்.

 

அதன்படி இன்று மாலை அமைச்சரவை கூட்டத்தை நடத்திய கெஜ்ரிவால், மின் கட்டணம் குறைப்பு குறித்து அமைச்சர்கள் மற்றும் அதிகாரிகளுடன் விவாதித்தார்.கூட்ட முடிவில் மின்கட்டணத்தை குறைப்பதற்கான முடிவு எடுக்கப்பட்டது.

 

அதனைத் தொடர்ந்து செய்தியாளர்களிடம் பேசிய கெஜ்ஜ்ரிவால், வீடு ஒன்றிற்கு மாதத்திற்கு 400 யூனிட் வரை மின்சாரம் பயன்படுத்துவோருக்கான கட்டணம்  50 சதவீதம் குறைக்கப்படுவதாகவும், இது நாளை முதல், அதாவது ஜனவரி 1 ஆம் தேதி முதல் அமலுக்கு வருவதாகவும் தெரிவித்தார்.

 

முன்னதாக உடல் நலக்குறைவு காரணமாக கெஜ்ரிவால் நேற்று அலுவலகம் வரவில்லை. அவரை குறைந்தது 2 நாட்களாகவது ஓய்வெடுக்குமாறு மருத்துவர்கள் அறிவுறுத்தி இருந்தனர். இருப்பினும் தேர்தல் வாக்குறுதியின்படி இலவச குடி நீர் வழங்கும் திட்டம் தொடர்பாக, அதிகாரிகளை நேற்று தமது வீட்டிற்கு வரவழைத்து  ஆலோசனை நடத்தினார் கெஜ்ரிவால். அதனைத் தொடர்ந்து தமது கட்சியின் தேர்தல் வாக்குறுதிகளின் ஒன்றான இலவச குடிநீர் திட்டம், ஜனவரி 1 ஆம் தேதி முதல் அமல்படுத்தப்படும் என அறிவித்தார் என்பது குறிப்பிடத்தக்கது.

 

http://news.vikatan.com/article.php?module=news&aid=22917

சபாஸ் சரியான முடிவு.

டெல்லியில் பாதி நேரம் மின்சாரம் இல்லையென்றபடியால் அரை விலை சரி.