தமிழ் சினிமாவில் இப்போதுள்ள டைரக்டர்கள் அனைவரும் தமிழ் பெயர்களையும் தாண்டி சங்கத் தமிழ் வரைக்கும் சென்று பட தலைப்பை வைக்க சென்றுள்ளார்கள்.தமிழ் பட டைரக்டர்களுக்கு தமிழ் பற்று பொங்கி வழிகிறது. சங்க இலக்கியத்திருந்தெல்லாம் சொற்களை கண்டுபிடித்து படத்துக்கு டைட்டிலாக வைக்க ஆரம்பித்திருக்கிறார்கள். இதற்கு முன் வாரணம் ஆயிரம், பொன்மாலை பொழுது, விண்ணைத்தாண்டி வருவாயா என கவுதம் மேனன்தான் அழகு தமிழில் பெயர் வைப்பார். லிங்குசாமி இயக்கத்தில் சூர்யா நடிக்கும் படத்திற்கு அஞ்சான் என்று பெயர் வைத்திருக்கிறார்கள். அஞ்சான் என்றால் எதற்கும் அஞ்சாதவன், பயப்படாதவன் என்ற பொருள். கே.வி.ஆனந்த் டைரக்ஷனில் தனுஷ் நடிக்கும் படத்திற்கு அனேகன் என்று டைட்டில் வைத்திருக்கிறார். அனேகன் என்றால் அனைத்தும் அறிந்தவன் என்று பொருள் . மகிழ்திருமேனி டைரக்டஷனில் ஆர்யா நடிக்கும் படத்திற்கு மீகாமன் என்பது டைட்டில். மீகாமன் என்றால் கப்பல் தலைவன் என்று பொருள். அதாவது கேப்டன், மாலுமி. ஒளிப்பதிவாளர் ரவி.கே.சந்திரன் டைரக்ஷனில் ஜீவா நடிக்கும் படத்திற்கு யான் என்ற டைட்டில். யான் என்றால் நான் என்று பொருள். விஜய் நடித்த அழகிய தமிழ் மகன் படத்தை டைரக்ட் செய்த பரதன் இப்போது காக்டெயில் மலையாளப்படத்தை தமிழில் ரீமேக் செய்து வருகிறார். அதற்கு அதிதி என்று டைட்டில் வைத்துள்ளார். இதற்கு அழையா விருந்தினர், அல்லது திடீர் விருந்தினர் என்று பொருள். வில்லன் நடிகர் டேனியல் பாலாஜி ஒரு படம் டைரக்ட் செய்ய இருக்கிறார். அதற்கு குறோணி என்று டைட்டில் வைத்திருக்கிறார். குறோணி என்றால் அசுரன் என்று பொருளாம். இன்னும் நிறைய சங்கத்த தமிழ் பெயர்கள் வரப்போகிறது. வாழ்க டைரக்டர்களின் தமிழ்த் தொண்டு. - ஆசிரியர் சினிமா பகுதி - படங்கள் நன்றி: ஜெயாரீ - தமிழ் அவுஸ்திரெலியன்

Edited February 2, 201411 yr by கந்தப்பு

இதில் சங்கத்தமிழ் எங்கே வாழுது. கருப்புப்பணத்தை மேலும் கருப்புப்பணமாக்கவும் வரிச்சலுகை பெறவுமே இந்தத் தில்லாலங்கடி எல்லாம்.

 

மத்தப்படி குத்துப்பாட்டு, மூன்றுகிலோமீற்றர் தூரத்திலுள்ள தொடரூந்தை பறந்தே சென்றடைவது, கேனப்பயலுகள் என நினைத்து கார்ட்டூன் படம் காண்பிப்பது, கோயில் நந்தி நிற்பதுபோல் துப்பாக்கித் தோட்டாக்களுக்கு எதிர்நிற்பது இவையே தமிழ்த் திரைப்படத்தின் இன்றைய பரிணாம வளர்ச்சி.

யதார்த்தமே இல்லாமல் சில இடங்களில் தோன்றுவதை சகிக்க முடியவில்லைத் தான். ஆனால் சினிமா என்றால் அப்படித் தான் நண்பரே. சிலந்தி மனிதன்(Spider man) நியுயோர்க் முழுக்க தொங்கிக் கொண்டு திரிவார் என்றபதற்காக நகரமே சிலந்தி வலைகளால் மூடப்படாமல் சுத்தமாக இருப்பதாகக் காட்டினால் ஏற்றுக் கொள்கின்றோம் தானே. அவரின் வலைகளை யார் சுத்தம் செய்தார்கள் என்று கேள்வி எழுப்பவில்லையே.