பாடசாலை மாணவ மாணவியரை நல்வழிப்படுத்தி ஒழுக்கசீலர்களாக உருவாக்க வேண்டுமானால்

அவர்களுக்கு முறையான உளவள ஆலோசனைகள் வழங்கப்பட வேண்டும் . மாறாக , இராணுவ ஒழுக்கக் கோவையினால் அதனை ஏற்படுத்த முடியாது என இலங்கை ஆசிரியர் சங்கத்தின் செயலாளர் ஜோஸப் ஸ்டாலின் தெரிவித்தார் .

 

இலங்கை கல்வி நிர்வாக சேவை தரம் 1 , தரம் 11 போன்ற பதவி நிலைகளுக்குத் தெரிவு செய்யப்படுகின்றவர்களுக்கு கேர்ணல் மற்றும் லெப்டினன்ட் கேர்ணல் போன்ற பதவி நிலைகளை வழங்கி கல்விச் சேவையை இராணுவமயமாக்குகின்றனர் . இது ஏற்புடைய ஒன்றல்ல எனவும் அவர் தெரிவித்தார் . இது தொடர்பில் அவர் மேலும் தெரிவித்தாவது , கல்வி நிர்வாக சேவையில் இவ்வாறான பதவி நிலைகளை வழங்கும் போது அவர்கள் , இராணுவ ஒழுக்கக் கோவை போன்ற கடுமையான செயற்பாடுகளை பாடசாலைகளில் முன்னெடுக்கின்றனர் . இதனால் மாணவ , மாணவியர் உளவியல் ரீதியாக பாதிக்கப்படுகின்றனர் .

 

பாடசாலை மாணவ , மாணவியர்கள் சுதந்திரமாக செயற்படுகின்றவர்கள் . எனவே , அவர்களின் பராயம் மற்றும் தன்மைக்கேற்ற ஒழுக்கக் கோவைகளை பயன்படுத்தி அவர்களை வழிநடத்துவதே சிறந்தது . அவ்வாறன்றி கடுமையான வார்த்தைப் பிரயோகங்களையோ கட்டளைகளையோ பிறப்பித்தல் சாதுரியமான ஒன்றெனக் கூறமுடியாது .

 

குருநாகல் ஸ்ரீமத் ஜோன் கொத்தலாவல கல்லூரி மாணவி வேனுசாவின் விவகாரமும் இந்தளவுக்கு மோசமாக செல்வதற்கு காரணம் என்னவென சிந்தித்துப் பார்த்தால் புரியும் . பாடசாலை அதிபர் குறித்த மாணவியை மிகவும் தகாத வார்த்தைகளால் கண்டித்துள்ளார் . அத்தோடு ஏனைய மாணவர்கள் முன்னிலையில் கடுமையான வார்த்தைப் பிரயோகங்களை பயன்படுத்தியுள்ளார் . இதனால் அந்த மாணவி மிகுந்த மன வேதனைக்குள்ளாகியிருக்கலாம் . எனவும் அவர் தெரிவித்தார் .

 

கொழும்பு நிருபர் .

 

 

http://www.ttnnews.com/flashnews/7798-2014-02-23-08-10-44

நான் முன்பு ஒருமுறை சாரணர் படை, இராணுவ சிறார் படையாக தொடங்கியது என்ற கூற்றை சிறி லங்கன் ஒருவர் நக்கலடித்தார்.

அவரின் அரிவரி வாத்திக்கு ஜெனெரல் பட்டம் கொடுக்கும் கொமெடி கட்டுரைகள் பக்கம் இப்போது தலை வைப்பதில்லை.