அசோக ஹந்தகமவின் அரசியல் பார்வை - TAKE THIS ROAD

தாஸ்த்தா யோவ்ஸ்கியையும் மக்சீம் கார்க்கியையும், டோல்ஸ்டோயையும் படித்து வைத்திருக்கிறோம்.

உமர் கையாமையும் கலீல் ஜிப்ரானையும் மஃமூத் தர்வேஷையும் உணர்ந்து வைத்திருக்கிறோம்.

காஃப்கா, மார்க்வெஸ், நெரூடா. எழுத்தை விடுவோமே!

சினமா அத்தனை இலகுவாக எந்தக் கசப்புமின்றி மிக விரைவாக உள் நுழைந்துவிடத்தக்கது. அதிலும்கூட அகிரா குரோசோவா, அல்ஃப்ரட் ஹிட்ச்கொக், லுõயிஃ புனுவலையெல்லாம் விட்டாலும் ஆகர்ஷிக்கப் பட்டிருப்பது ஈரானின் மஜீத் மஜீதி, பெங்காலி யில் சத்யஜித்ரே, ஹிந்தியில் ஷ்யாம் பெனகல், மிருனாள் சென் இப்போது சேகர் கபூர் மீரா நாயர் தீபா மேத்தா சந்தோஷ் சிவன் சஞ்சய்லீலா பன்சாலி, மலையாளத்தில் அடூர் கோபாலகிருஷ்ணன், அரவிந்தன், பாசில் தமிழில் பாலுமகேந்திரா பாரதிராஜா மணிரத்னம் முதல் ஷங்கர், பாலா, செல்வராகவன் வரை அத்தனையும்

எங்கிருந்தென்று ஒருமுறை திரும்பிப் பார்க்க வேண்டும்.

ஆசியாவின் மிகப் பெரிய சினமா சிற்பிகளுள் ஒருவராக நாம் லெஸ்டர் ஜேம்ஸ் பீரிஸைத் தெரிந்து கொண்டுள்ளோமா? தர்மசேன பத்திராஜ (தமிழிலும் பொன்மணி என்றொரு திரைப் படத்தை இயக்கியிருந்தார்) வசந்த ஒபயசேகர தர்மசிறி பண்டாரநாயக்க (பவதுக பவகர்ம என இரு அருமையான திரைக் காவியங்கள்) என்று ஆளுமையான இயக்குநர்கள் பலர்.

தரமான மற்றும் கலைத்துவ மான திரைப்படங்கள் சர்வதேச திரைப் பட விழாக்களில் கவனத்தையீர்த்தவையென்று பார்த்தாலும் செயிலம, மாருதய, மீஹரக்கா ஜூலியட்கே பூமிகாவ, தொரகட மாறாவ என நீளும் பட்டியல்...

அத்தனையும் 90களுக்கு முந்திய அல்லது 90களுக்குரியவையென்று தப்பிச் செல்ல முயன்றாலும் மிக அண்மைக் காலத்தில் கொழும்புத் திரையரங்குகளையும் சர்வதேச திரைப்பட நிகழ்வுகளையும் அதிரச்செய்த சிஹின தேசயன், மில்லசொயா (பூதி கீர்த்திசேன) புற ஹந்த களுவர, இர மெதியம (ப்ரசன்ன விதா னகே) மே மகே சந்தய் தனி தடுவென் பியாம்பன போன்ற எத்தனையை நாம் நெருங்கிப் பார்த்திருக்கிறோம்.

ஆனால் அலெக்ஸாண்டரும் கிங்கொங்கும் லகானும் மங்கல் பண்டியும் நம் கவனத்திலிருந்து தப்பிச் சென்றுவிடவில்லை!

வரலாற்றின் தொடக்கத்திலிருந்து சிங்களத்துடன் நமக்கு நேர்ந்துவிட்ட அந்நியம் நமது விலா என்பைவிட நெருக்கமாக வாழ்ந்து வருகின்ற நமது அயலின் இலக்கியம், ஓவியம், சிற்பம் இசைபோன்ற கலையின் அத்தனை துறையையும் போல அவர்களது ஆழமான சினமாவையும் அதன் ஆன்மாவையும் சாபக்கேடாக நமக்குத் தவிர்த்து விட்டது. ஓவ்வொன்றிலும் தனித் தனியாகி (தனித் தமிழ்த் தொலைக்காட்சி பெற்று நாமடைந்த துயரங்கள் வேறாகக் கூடி அழ வேண்டியவை) தனித்துவமாக தமிழ் அடைந்த வளர்ச்சிகள் ஒருபுறமிருக்க அவற்றின் பக்க விளைவாகத் தோன்றி வளர்ந்த சிங்கள ஒவ்வாமை இன்று நம்மைப் பாதித்து தமிழில் ஆரோக்கியமான விளைவுகளைத் தரத்தக்க அதன் காத்திரமான அம்சங்களின் உள் வருகையையும் தடுத்து விட்டிருக்கிறது.

2. நவீன சிங்கள சினமாவில் புதிய தலை முறையில் தோன்றிய ஆற்றல் மிக்க படைப்பாளிகளுள் ஓருவர்தான் அசோக ஹந்தகம.

இலங்கையின் கடந்த இருபத்தைந்தாண்டுகால எரியும் பிரச்சினையைத் தன் திரைப்படங்களினுாடாகத் தொடர்ந்தும் வெவ்வேறு புதிய பரிமாணங்களில் அரசியல் விமர்சனம் செய்துவருபவர். சினமாவின் இறுகித் தோய்ந்த மரபுகளின் மீது துணிச்சலான பரிசோதனை அதிர்வுகளைச் செய்பவர்.

அவரது ஆளுமை சிறப்பாக வெளிப்பட்ட முதல் சந்தர்ப்பமென "மே மகே சந்தய'வைக் குறிப்பிடலாம்

இது அவரது முதலாவது திரைப் படமல்ல ஏற்கனவே அவர் "சந்த கின்னரே' "சந்த தடயம' என இரு திரைப்படங்களை எடுத்திருந்தார். "மே மகே சந்தய'வில் அவர் மிகப் புதுமையாக காட்சிக் கோணங்களின் "தொடர்ச்சியற்ற அடுக்குதலை' தொழினுட்ப ரீதியாகத் தனக்குச் சாதகமான உத்தியாகப் பயன்படுத்தியிருந்தார்.

திரைக்கதையையும் தொடர்ந்தும் நேர்கோட்டில் மாத்திரமேயே விபரித்துக் கொண்டிராமல் சினமாவை ஒரு கதை வெளிப்படுத்தலாக அல்லாமல் பார்வையாளனுடன் உரையாடல் தளத்தில் நிகழ்வதாகவும் கொண்டு அவர் திரையில் செய்த அளிக்கை பிரமிப்பூட்டுவதாகும்..

அவரது மற்றொரு பரிசோதனையான "சினா மாத் தொடர்' தான் "இவ்வழியால் வாருங்கள்'. யங் ஏசியா டெலி விஷன் நிறுவனத்தின் தயாரிப்பில் அசோக ஹந்தகமவினால் நெறி யாள்கை செய்யப்பட்ட படைப்பு இது. "விழிப்பு' என்ற காத்திரமான தொலைக் காட்சி அரசியல் சஞ்சிகை நிகழ்ச்சியைத் தயாரித்து வழங்கி வரும் யங் ஏசியா நிறுவனத்தின் ஆழமான இலத்திரனியல் ஊடக சமூகவியல் அணுகுமுறையாக இதனை நாம் கருத முடியும்.

இப்படைப்பு சிறந்த இயக்கம் சிறந்த பிரதி சிறந்த நடிப்பு, சிறந்த தொகுப்பு, சிறந்த இசைய மைப்பு, சிறந்த தயாரிப்பு மற்றும் நடிப்பிற்கான விசேட விருது என கடந்த ஆண்டுக்கான "றைகம்' தொலைக்காட்சி விருதுகளில் 7 விருதுகளை வென்றிருந்தமையும் குறிப்பிடத் தக்கது.

3. மூன்று வெவ்வேறு புள்ளிகளிலிருந்து புறப்படும் ஆனால் ஒரே குவிமையத்தைக் கொண்ட பிரச்சினைகளையுடைய சிங்கள, தமிழ், முஸ்லிம் குடும்பங்கள் மூன்றை அடிப்படையாக வைத்து இலங்கையின் இனங்களுக்கிடையிலான முரண் பாடுகளையும்,அவை விளைவித்த, நினைத்தால் உயிர்கொல்லும் ஆறாத வடுக்களையும் வாழ் வெரிந்த சாம்பல் மேடுகளின் மேல் மீளத் துளிர் விடும் மனிதத் தன்மைகளையும், மன ஊடாட் டங்களையும் உணர்வின் நுண்புலங்களில் "இவ் வழியால் வாருங்கள்' அழுந்தப் பதியச்செய்கிறது.

ஏராளமான கலந்துரையாடல்களுக்கூடாக கதை திட்டமிடப்பட்டிருக்கக் கூடுமெனினும் மூவித மனவோட்டங்களையும், அரசியல் மனோநிலைகளையும் ஒருங்கு சேர்த்து உரையாடலுக்குட்படுத்தத் தக்க வகையில் ஒழுங்குபடுத்திக் கொண்டதால் கதை நகர்வில் ஏற்பட்டிருக்கின்ற இலாவகம் குறித்துச் சொல்லப்பட வேண்டியது.

அசோக ஹந்தகம வழக்கமான தனது எல்லாத் திரைப்படங்களையும் போலவே இதனையும் கருத்துக்களின் மோதுகைக்களமாகவே உருவாக்கியிருப்பதற்காக அவரை மற்றுமொரு முறை பாராட்டுவது அதிகமாகாது. நிறைந்த அவரது சினமாக் கலையாக்க ஈடுபாடு அவரை யறியாமலே தொலைக்காட்சித் தொடராக உருவாக்க உத்தேசிக்கப்பட்டிருக்கக் கூடிய இத் தொடரை அவரை மீறி சினமாத் தொடராக வழி நடத்திச் சென்றிருக்கிறதெனலாம். இதனைச் சாத்தியப்படுத்தியிருப்பதில

இங்கு இணைத்து தகவலை பகிர்ந்தமைக்கு நன்றி. சிங்கள திரைப்படங்கள், தொலைக்காட்சி நாடகங்கள் யதார்த்தை சொல்லுபவையாக, இருப்பதாக பலரும் சொல்ல கேட்டிருக்கிறேன். மிக சிறுவயதில் ரூபவாகினியில் மொழி புரியாமல் பார்த்த சிங்கள நாடகங்களை தவிர வேறு எதையும் இது வரை பார்க்க கிடைக்கவில்லை.

நன்றி அஜீவன் அண்ணா

இணைப்பிற்கு நன்றி அஜீவன்.

இலங்கையில் தயாரிக்கப்பட்ட முதல் சிங்களப்படத்தின் தயாரிப்பாளர் ஒரு தமிழர்.

அதேபோல் இலங்கையில் தயாரிக்கப்பட்ட முதல் தமிழ்ப்படத்தின் தயாரிப்பாளர் ஒரு சிங்களவர் என்பது எத்தனை பேருக்குத் தெரியும்????

அனைவருக்கும் நன்றி!