கிறிஸ்துமஸ் ஃபுரூட் கேக்

[நவீனன்]

கிறிஸ்துமஸ் ஃபுரூட் கேக்

 

கேக் என்று வரும் போது அதில் எத்தனை வெரைட்டிகள் இருந்தாலும், ஃபுரூட் கேட் தான் எப்போதுமே சிறந்தது. அதிலும் இங்கு கொடுக்கப்பட்டுள்ள ஃபுரூட் கேக்கிற்கு பழங்களை ரம் மற்றும் பிராந்தியில் 1 மாதத்திற்கு முன்பு ஊற வைத்து செய்தால், அதன் சுவையே தனி. அதற்கு நேரம் இல்லாவிட்டால், குறைந்தது 1 வாரத்திற்காவது ஊற வைத்து செய்யுங்கள். அதிலும் இந்த கேக்கை கிறிஸ்துமஸ் பண்டிகைக்கு செய்து சாப்பிட்டால், இன்னும் அருமையாக இருக்கும். சரி, இப்போது அந்த ஃபுரூட் கேக்கை எப்படி செய்வதென்று பார்ப்போமா!!!

தேவையான பொருட்கள்:

 

ரம் மற்றும் பிராந்தியில் ஊற வைத்த பழங்கள் - 3 கப்

 

கேரமலுக்கு...

 

சர்க்கரை - 1 கப்

 

தண்ணீர் - 1 கப்

 

கேக்கிற்கு..

 

 மைதா - 2 1/2 கப்

 

இன்ஸ்டன்ட் காபி தூள் - 1 டீஸ்பூன்

 

பேக்கிங் பவுடர் - 2 டீஸ்பூன்

 

பட்டை தூள் - 1 டீஸ்பூன்

 

கிராம்பு தூள் - 1 டீஸ்பூன்

 

ஏலக்காய் பொடி - 1/2 டீஸ்பூன்

 

ஜாதிக்காய் பொடி - 1/2 டீஸ்பூன்

 

உப்பு - 1/4 டீஸ்பூன்

 

உப்பில்லாத வெண்ணெய் - 1 கப்

 

நாட்டுச்சர்க்கரை - 1 1/2 கப்

 

முட்டை - 5

 

வென்னிலா எசன்ஸ் - 2 டீஸ்பூன்

 

கேரமல் - 1 கப்

 

ஊற வைத்த பழங்கள் - 3 கப்

 

ரம் - 2 டீஸ்பூன்

செய்முறை

 

கேரமல் செய்ய...

 

முதலில் ஒரு வாணலியில் சர்க்கரையைப் போட்டு, அடுப்பில் வைத்து சர்க்கரை கரைய வைக்க வேண்டும். குறிப்பாக இந்நிலையில் கரண்டியைப் பயன்படுத்த வேண்டாம்.

 

* சர்க்கரையானது நன்கு கரைந்து பொன்னிறமாகும் வரை அடுப்பில் வைக்க வேண்டும். முக்கியமாக சர்க்கரை அடிப் பிடிக்காமல் பார்த்து கவனமாக செய்ய வேண்டும்.

 

* சர்க்கரையானது கரைந்து பொன்னிறமான பின்னர், அதனை அடுப்பில் இருந்து இறக்கி, அதில் தண்ணீர் ஊற்றி, பின் கரண்டி கொண்டு கிளறி, மீண்டும் அடுப்பில் வைத்து, ஒரு நிமிடம் கிளறி இறக்கி கலவையை குளிர வைக்க வேண்டும்.

 

 கேக் செய்ய...

 

* முதலில் ஓவனை 160 டிகிரி செல்சியஸில் சூடேற்றிக் கொள்ள வேண்டும்.

 

* பின்னர் 2, 8x2 இன்ச் பேனில் சிறிது வெண்ணெய் தடவிக் கொள்ள வேண்டும்.

 

* அடுத்து ஒரு பௌலில் மைதா, காபி பவுடர், பேக்கிங் பவுடர், ஏலக்காய் பொடி, பட்டை தூள், கிராம்பு தூள், ஜாதிக்காய் பொடி மற்றும் உப்பு போட்டுக் கொள்ள வேண்டும்.

 

 * பின்பு மற்றொரு பௌலில் வெண்ணெய் மற்றும் சர்க்கரை சேர்த்த, எலெக்ட்ரிக் பீட்டர் கொண்டு நன்கு 5 நிமிடம் மென்மையாகும் வரை அடித்துக் கொள்ள வேண்டும்.

 

* அடுத்து அதில் முட்டையை ஒவ்வொன்றாக உடைத்து உற்றி நன்கு அடிக்க வேண்டும்.

 

* பின் வென்னிலா எசன்ஸ் மற்றும் குளிர வைத்துள்ள கேரமல் சேர்த்து நன்கு கிளறி விட வேண்டும்.

 

 * பிறகு அதில் மைதா கலவையை கட்டி சேராதவாறு சேர்த்து கிளறி விட வேண்டும். * பின் ஊற வைத்துள்ள பழங்களை சேர்த்து கிளறி, பேக்கிங் செய்யக்கூடிய பேனில் ஊற்ற வேண்டும்.

 

 * இறுதியில் அதனை ஓவனில் வைத்து, 1 மணிநேரம் பேக் செய்ய வேண்டும். இவ்வளவு நேரம் பேக் செய்த பின்னர், அதனை திறந்து ஒரு டூத்பிக் கொண்டு குத்தி பார்க்கும் போது, அதில் மாவு ஒட்டியிருந்தால், மீண்டும் பேக் செய்ய வேண்டும்.

 

* பின்னர் அதனை ஓவனில் இருந்து வெளியே எடுத்து குளிர வைத்து, பின் பேனில் இருந்து ஒரு தட்டிற்கு மாற்ற வேண்டும்.

 

* பின் கேக்கின் ஆங்காங்கு லேசான ஓட்டைகளைப் போட்டு, கேக்கின் மேல் ரம்மை தெளித்துவிட்டு, காற்றுப்புகாத ஒரு டப்பாவில் போட்டு வைத்து, 2-3 நாட்கள் கழித்து சாப்பிட்டால் சூப்பராக இருக்கும்.

 

http://tamil.boldsky.com/recipes/sweets/christmas-fruit-cake-plum-cake-004694.html

[ரதி]

நாங்கள் சுத்தமான,நொன் அட்ககோலிக்

[நவீனன்]

நாங்கள் சுத்தமான,நொன் அட்ககோலிக்

 

ஒரு நாளைக்கு பரவாயில்லை   கண்ணை மூடிகொண்டு சாப்பிடுங்கோ

 

[ரதி]

சில நேரங்களில பியர் குடிச்சுப் பார்க்கோனும் என்று நினைக்கிறது ஆனால் இது வரை குடிக்கேல்ல

[நவீனன்]

சில நேரங்களில பியர் குடிச்சுப் பார்க்கோனும் என்று நினைக்கிறது ஆனால் இது வரை குடிக்கேல்ல

 

நெடுக நினைத்து போட்டு விடாமல், இந்த கிறிஸ்துமஸ்க்கு ஒரு பியரை குடிச்சு பாருங்கோ