போதையில் உளறும் பறவைகள் 

 

மது உள்ளே போனதும் குடிகாரர்கள் உளறத்தொடங்கி விடுவார்கள். மனிதர்கள் மட்டுமல்ல, பறவைகளும் இப்படித்தான் உளறும் என்பது ஒரு ஆராய்ச்சியின் மூலம் அம்பலத்துக்கு வந்துள்ளது.

இதுதொடர்பான ஆராய்ச்சியை அமெரிக்காவில் உள்ள ஒரேகான் சுகாதாரம், அறிவியல் பல்கலைக்கழகத்தை சேர்ந்த விஞ்ஞானி கிறிஸ்டோபர் ஓல்சனும், குழுவினரும் மேற்கொண்டனர்.

ஒரு பிரிவு சிட்டுக்குருவிகளுக்கு அவர்கள் திராட்சை சாறு கொடுத்தும், மற்றொரு பிரிவு சிட்டுக்குருவிகளுக்கு சாராயம் கலந்த பல்வகை பானங்களை கலந்து கொடுத்தும் சோதித்தனர்.

இதில் சாராயம் கலந்த பல்வகை பானங்களை குடித்த சிட்டுக்குருவிகள், குடிகாரர்கள்போலவே உளறுவது போன்று ஒலி எழுப்பின. அவர்களின் ரத்தத்தை பரிசோதித்து பார்த்தபோது அதில் சாராயத்தின் தாக்கத்தையும் விஞ்ஞானிகள் கண்டனர்.

இதன்மூலம் மது உள்ளே போனால், மனிதர்களைப் போலவே பறவைகளும் உளறும் என்ற முடிவுக்கு விஞ்ஞானிகள் வந்துள்ளனர்.

–

நடைப்பயிற்சிக்கு சென்றவருக்கு அடித்தது யோகம் 

இங்கிலாந்து நாட்டில் ஆலன் பெல் என்பவர் லிங்கன்ஷயர் என்ற இடத்தில் வசித்து வருகிறார். இவர் சில தினங்களுக்கு முன் தனது செல்ல நாய்களுடன் நடைப்பயிற்சிக்கு சென்றார்.

வழியில் அவர் வானத்தில் இருந்து, ஹீலியம் வாயு நிரப்பிய ஆரஞ்சு நிறத்திலான பலூன் வந்து ஒரு புதரில் விழுந்ததை கண்டார். அதை பிரித்து பார்த்தபோது அதில் 12 ஆயிரம் பவுண்ட் (சுமார் ரூ.12 லட்சம்) மதிப்பிலான வைரக்கல் இருப்பதை கண்டெடுத்தார்.

அந்த வைரக்கல், கடந்த ஆகஸ்டு மாதம் 7–ந் தேதி பலூனில் வைத்து விண்வெளிக்கு அனுப்பி வைக்கப்பட்டதாகும். அது எதிர்பார்த்தபடி திரும்பிவரவில்லை. உடனே அதை அனுப்பி வைத்தவர்கள், பலூனுக்கு ஏதோ நேர்ந்து விட்டது, வைரக்கல்லும் தொலைந்து விட்டது என்று முடிவுக்கு வந்திருந்தனர்.

இந்த நிலையில்தான் அந்த பலூன் இப்போது திரும்பி வந்து, அதில் இருந்த வைரக்கல்தான் ஆலன் பெல்லுக்கு கிடைத்திருக்கிறது. இதுபற்றி அவர் கூறும்போது, ‘‘விண்வெளிக்கு பலூன் மூலம் வைரக்கல்லை அனுப்பி அது தொலைந்து விட்டது குறித்த செய்தியை டி.வி. மூலம் அறிந்தேன். வெளியே நடைப்பயிற்சி செல்கிறபோதெல்லாம், நோட்டம் விட்டுக்கொண்டே வந்தேன். கடைசியில் எனக்கு அது கிடைத்து விட்டது’’ என்றார். அந்த வைரக்கல்லை அவரே வைத்துக்கொள்ள அதை அனுப்பி வைத்தவர்கள் அனுமதி வழங்கி விட்டனர்.

 

http://www.dailythanthi.com/News/World/2015/01/05104644/Foreign-curious-Ularum-Add-intoxicatedWho-used-to.vpf

 

வானத்தில போற பறவைக்கு குடியைப் பழக்கினால் இனி அது தவறனைக்கு மேல கூடு கட்டி குடியும் குடித்தனமுமாய் வாழப் போகுது...!

 

வாழ்த்துக்கள் நன்பா, குடுக்கிற தெய்வம் பலூனைச் சரிச்சும் கொட்டும்...!