இத்தாலி பலர்மோ தமிழ் தேசிய மாணவர்..............

இந்த நிகழ்வில் கலந்துகொண்டு கருத்து வழங்கிய கரைச்சி பிரதேச சபை உறுப்பினர் குமாரசிங்கம்,

மண்ணின் வாசத்தோடு இன்றைக்கும் வளமும் அறிவும் நிறைந்த கிராமமாக இருக்கும் திருவையாறு மாணவர்களின் கல் வி நிலைக்கு மேலும் ஊக்கம் தரும் வகையில் இந்த உதவிகள் உங்களை நாடி வந்துள்ளன.

நாமிருக்கும் தேசமும் நமது மொழியும் அதன் பண்பாடும் என்றும் நிலம் புகழும்படியாய் இருப்பதற்கு அறிவும் சிந்தனையும் அவசியம். கல்வி என்ற ஒன்றால் எம் அகத்துள் ஒளியும் ஒரு தெளிவும் நேரிய பார்வையும் ஏற்படும் என்பது சிந்தனையாளர்களும் கல்வியியலாளர்களும் கூறும் கருத்து.

தமிழ் மக்களை பொறுத்தவரை அவர்களை எப்போதும் அறியத்தருவது அவர்களின் கல்விசார்ந்த புலமையும் அதன்பால் எழுகின்ற சொந்த நிலம் பற்றிய வேட்கையுமே.

இன்றைக்கும் எமது கல்வி வரலாறுகள் மறைக்கப்பட்ட கல்வியாக உருவாக்கப்பட்டிருந்தாலும் நாம் காணும் சூழலும் அனுபவமும் ஒரு வரலாற்று பாடத்தை நமக்கு கற்றுத்தந்துள்ளது.

இந்த படிப்பினைகளின் அடிப்படையில் எம் எதிர்கால சந்ததி நமது வாழ்வை ராஜதந்திர ரீதியாக தீர்மானிக்கும் என்பதே நம்பிக்கை. என்றார்