ஏர் ஏசியா விமானம் விபத்துக்குள்ளான போது அதை பிரெஞ்சு துணை விமானியே இயக்கியதாக கருப்புபெட்டியின் ஒலிப்பதிவின் மூலம் தெரியவந்துள்ளது.

கடந்த டிசம்பர் 28ம் திகதி இந்தோனேஷியாவிலிருந்து சிங்கப்பூருக்கு 162 பயணிகளுடன் சென்ற QZ8501 விமானம் ஜாவா கடலில் விழுந்து விபத்துக்குள்ளானதில் அனைவரும் பலியாகியுள்ளனர்.

இதனையடுத்து நடந்த மீட்பு பணியில் இதுவரை விமான விபத்திலிருந்து 72 உடல்கள் கண்டெடுக்கப்பட்டுள்ளன.

இந்நிலையில் விமானத்தின் கருப்புப்பெட்டியில் உள்ள ஒலிப்பதிவினை ஆய்வு செய்த இந்தோனேசிய விசாரணை அதிகாரிகள் இந்த வாரம் ஐ.நா.வின் சர்வதேச சிவில் விமான போக்குவரத்து அமைப்பில் தங்களின் முதல் அறிக்கையை சமர்பித்துள்ளனர்.

இது தொடர்பாக நேற்று தேசிய போக்குவரத்து பாதுகாப்பு குழு வெளியிட்ட அறிக்கையில், விமானம் விபத்துக்குள்ளாகும் போது அனுபவமிக்க இந்தோனேசிய விமானி இரியண்டோவுக்குப் (Iriyanto)பதிலாக பிரெஞ்சு துணை விமானி ரெமி ப்ளெசல் (Remi Plesel)விமானத்தை ஓட்டியிருப்பதாக தெரிவித்துள்ளது.

 

மேலும் விமானம் விபத்துக்குள்ளாவதற்கு முன்பு 30 நொடிகளில் 32000 அடியிலிருந்து 37400 அடிக்கு உயர்ந்து திரும்ப 32000 அடிக்கு வந்து கிழே விழுந்துள்ளது என தெரிவிக்கப்பட்டுள்ளது.   

- See more at: http://www.canadamirror.com/canada/37356.html#sthash.Duba7d3o.IYUF37Zx.dpuf

ஏர்ஏசியா விமானம் கடலில் விழும் முன்பு சீட்டை விட்டு எழுந்து சென்ற கேப்டன்

 

(தத்ரூபமான தொழில் நுட்பத்தில் நீருக்குள் விமானம் )

 

 

ஜகர்தா: ஏர்ஏசியா விமானம் கட்டுப்பாட்டை இழந்து கடலில் விழும் முன்பு கேப்டன் தனது இருக்கையில் இருந்து எழுந்து சென்றுள்ளது தெரிய வந்துள்ளது. கடந்த மாதம் 28ம் தேதி இந்தோனேசியாவின் சுரபயா நகரில் இருந்து 162 பேருடன் சிங்கப்பூருக்கு சென்ற ஏர்ஏசியா விமானம் க்யூஇசட் 8501 ஜாவா கடலில் விழுந்து மூழ்கியது. இதில் அந்த விமானத்தில் இருந்த 162 பேரும் பலியாகினர். ஜாவா கடலில் இருந்து இதுவரை 70 பேரின் உடல்கள் மட்டுமே மீட்கப்பட்டுள்ளது. விமானத்தின் கருப்பு பெட்டிகள் உள்ளிட்ட சில பாகங்கள் மீட்கப்பட்டுள்ளன. விமானம் கடலுக்குள் விழுகையில் அதை துணை விமானி ஓட்டியது தெரிய வந்துள்ளது. விமானத்தை கட்டுப்படுத்தும் கப்யூட்டரில் ஒரு வாரத்திற்கும் மேலாக கோளாறு இருந்துள்ளது. கோளாறுடனேயே விமானத்தை ஓட்டியுள்ளனர். இந்நிலையில் கடந்த 28ம் தேதி கோளாறு அதிகரிக்கவே கேப்டன் இரியான்டோ கட்டுப்பாட்டு கம்பூயூட்டர் சிஸ்டத்தை செயல் இழக்கச் செய்துள்ளார். அவர் அந்த சிஸ்டத்தை செயல் இழக்கச் செய்ய தனது இருக்கையில் இருந்து எழுந்து சென்றுள்ளார். அப்போது துணை விமானி ரெமி பிளெசலின் பொறுப்பில் இருந்த விமானம் கட்டுப்பாட்டை இழந்து கடலில் விழுந்துள்ளது. கேப்டனின் இந்த செயல் விமான போக்குவரத்து துறை நிபுணர்களை வியக்க வைத்துள்ளது. இந்த சம்பவம் பற்றி விசாரணை நடந்து வருவதால் இது குறித்து கருத்து தெரிவிக்க ஏர்ஏசியா நிறுவனம் மறுத்துவிட்டது.

Read more at: http://tamil.oneindia.com/news/international/airasia-captain-left-seat-fix-computer-problem-before-jet-lost-control-reports-220065.html

Edited February 1, 201510 yr by BLUE BIRD

மலேசியா விமான விபத்து: துணை பைலட் உடல் மீட்பு

 

மலேசியாவுக்கு சொந்தமான ஏர்ஏசியா விமானம் கடந்த டிசம்பர் மாதம் 28–ந் தேதி இந்தோனேசியாவில் இருந்து சிங்கப்பூர் சென்றது. அப்போது ஜாவா கடல் பகுதியில் விமானம் விழுந்து நொறுங்கியது. அதில் இருந்த 162 பயணிகளும் பலியானார்கள்.

விமானம் விழுந்த இடம் கண்டுபிடிக்கப்பட்டு அதன் கறுப்பு பெட்டி மீட்கப்பட்டது. பல பயணிகள் உடல்களும் மீட்கப்பட்டன. விமானத்துக்குள் பிணமாக கிடப்பவர்களை மீட்கும் பணி தொடர்ந்து நடந்து வருகிறது. இதுவரை 101 பேரின் உடல்களை மீட்டுள்ளனர்.

இந்த நிலையில் மீட்பு குழுவினர் விமானத்தில் பைலட்டுகள் அமரும் முன் பகுதியை கண்டுபிடித்தனர். அதற்குள் சென்று தேடிய போது ஒரு உடல் கிடைத்தது. அது சிதைந்த நிலையில் இருந்தது. உடலில் பைலட்டுகள் அணியும் சீருடை இருந்தது. எனவே இது துணை பைலட் ரெமி பலேஷல் உடலாக இருக்கலாம் என கருதப்படுகிறது. பிரான்சு நாட்டை சேர்ந்த இவர் இந்த விமானத்தில் துணை பைலட்டாக பணியாற்றி வந்தார்.

- See more at: http://www.canadamirror.com/canada/37693.html#sthash.mWuPWLdz.dpuf