வேலை, குடும்பம் சமநிலை ஆனால் முன்னேறலாம்!

சென்னை ஐ.ஐ.டி., பேராசிரியர் தில்லைராஜன்: வாழ்க்கை - வேலை இரண்டுமே முக்கியமான விஷயங்கள் தான். ஒரு நாளில் எத்தனை மணி நேரம் அலுவலக வேலைகளை கவனிக்க வேண்டும், எவ்வளவு நேரம் குடும்பத்தோடு செலவிட வேண்டும் என்பதைத் திட்டமிட்டால், உங்களது வேலை மற்றும் குடும்பத்துடனான நேரம், சம நிலையில் அமையும்.

 

ஒரு வேலையை செய்து முடிக்க, அதிக நேரம் தேவைப்படுகிறது அல்லது நீங்கள் திட்டமிட்ட நேரத்துக்குள் அந்த வேலையை முடிக்க முடியவில்லை எனில், உங்களுக்கு சோர்வு தான் ஏற்படும். இவ்வாறான சூழ்நிலையில், அந்த வேலைக்கு சிறிது அவகாசம் தந்து, நீங்கள் புத்துணர்ச்சி அடைந்தவுடன் அதே வேலையை செய்தால், எந்தத் தவறும் இல்லாமல் சிறப்பாக செய்து முடிக்கலாம்.

 

வேலையே கதி என்று இருந்து விடாமல், ஊரில் நடக்கும் திருவிழா அல்லது உங்கள் உறவினர்கள் வீட்டு நிகழ்ச்சிகளுக்கு, அலுவலக வேலைகளை முன்னரே திட்டமிட்டு முடித்து, அந்த நிகழ்ச்சிகளுக்குத் தவறாமல் சென்று வாருங்கள்.

 

அலுவலகத்தில் குடும்பம் பற்றிய நினைப்பு வேண்டாம்; வீட்டுக்கு வந்தவுடன் அலுவலகம் பற்றிய சிந்தனை வேண்டாம். உங்கள் வேலையை முழு கவனத்துடன் செய்யும்போது, உங்கள் வேலையும் துரிதமாக முடியும்; நீங்கள் குடும்பத்துடன் சேர்ந்து செலவழிக்கும் நேரமும் அதிகமாகும். வீட்டில் உள்ள கோபத்தை அலுவலகத்திலோ அல்லது அலுவலகத்தில் ஏற்பட்ட மனக் கவலையை வீட்டிலோ காட்டாதீர்கள். வீடு வேறு, அலுவலகம் வேறு என, நீங்கள் நினைத்து செயல்பட்டால் மட்டுமே, வீட்டில் குழந்தைகளை கொஞ்சி விளையாடவும் முடியும்; அலுவலகத்தில் சக ஊழியர்களுடன் சிரித்துப் பேசி, வேலையை, 'கிரியேட்டிவ்' ஆக செய்யவும் முடியும்.

 

ஒரு சிலர், வேலை வேலை என, வேலை போதையிலும், வேறு சிலர், வானம் லேசாக இருட்டினாலும், 'சார்... மழை வரும்போல இருக்கு; நான் கொஞ்சம் சீக்கிரமா வீட்டுக்குக் கிளம்பலாமா...' என்று கேட்பர். இந்த இரண்டு மனோபாவமும் தவறு. அலுவலகம், வீடு என, இரண்டுக்கும் சமமான கவனத்தைக் காட்டினால் தான், முன்னேற முடியும். ஒரு வாரத்துக்கு மொத்தம், 168 மணி நேரம். இதில், நாள் ஒன்றுக்கு, 10 மணி நேரம் என உழைத்தால், ஆறு நாட்களில், 60 மணி நேரம் போய்விடும். நாள் ஒன்றுக்கு, எட்டு மணி நேரம் துாங்கினால், 56 மணி நேரம் போய்விடும். மீதமுள்ள, 52 மணி நேரத்தை, அடுத்த வாரத்துக்கு தம்மைத் தயார் செய்து கொள்ள செலவழிக்க வேண்டும். கண்ணுக்கு ஓய்வு, கை, காலுக்கு ஓய்வு, மொத்த உடலுக்கும், மனதுக்கும் ஓய்வு தருவதன் மூலமே