அரிய கலை பொருட்களை உள்ளடக்கி சிங்கப்பூரில் இந்திய பண்பாட்டு மையம்: பிரதமர் லீ சீன் லூங் இன்று திறந்து வைக்கிறார்

 

இந்திய கலாச்சாரம், வரலாற்றினைச் சிறப்பிக்கும் வகையில் அரிய காட்சிப் பொருட்களைக் கொண்டு சிங்கப்பூரில் அமைக்கப்பட்டுள்ள இந்திய பாரம்பரிய மையத்தினை, சிங்கப்பூர் பிரதமர் லீ சீன் லூங் இன்று திறந்து வைக்கிறார்.

 

சிங்கப்பூர் அரசால் அமைக்கப்பட்டுள்ள இந்திய பாரம்பரிய மையத்தினை, அந்நாட்டின் தேசிய பாரம்பரிய வாரியம் நிர்வகிக்கும். இம்மையமானது, இந்திய சமுதாயத்தைப் பிரதிபலிக்கும் வகையிலும், இந்தியர்களின் பரந்துபட்ட பன்முக வரலாற்றைப் பார்வையாளர்கள் அறிந்துகொள்ளவும் பெரிதும் உதவிகரமாக இருக்கும்.

 

சிங்கப்பூரில் தமிழர்கள் உள்ளிட்ட இந்தியர்கள் வசிக்கக் கூடிய லிட்டில் இந்தியாவின் இதயப்பகுதியில், புதிதாகக் கட்டப்பட்ட நான்கு மாடிக் கட்டிடத்தில் இம்மையம் அமைக்கப் பட்டுள்ளது. இக்கட்டிடம், இந்தியா வில் உள்ள ‘பாவ்லி’-யை (படிகளுடன் கூடியது) பிரதிபலிக் கும் வகையில் கட்டப்பட்டுள் ளது. லிட்டில் இந்தியா பகுதி யில் இம்மையம் அமைக்கப் பட்டிருப்பதன் மூலம் இந்திய- சிங்கப்பூர் வரலாறு தொடர்பான ஆவணங்களையும், பொருட் களையும் அதிகமானோர் காண வழிவகை செய்யப்பட்டுள்ளது. இம்மையத்தை நாளை முதல் பொதுமக்கள் பார்வையிட ஏற்பாடு செய்யப்பட்டுள்ளது.

 

இம்மையம் திறக்கப்படுவதை யொட்டி, நாளை தேதி முதல் மே 31-ம் தேதி வரை, அங்கு இந்திய கலாச்சார திருவிழா நடைபெறுகிறது. அதில், இந்திய பாரம்பரியம் மற்றும் கலாச்சாரத்தின் பல்வேறு அம்சங்களை பார்வையாளர்கள் அறிந்துகொள்ளும்வகையில் நிகழ்ச்சிகளுக்கு ஏற்பாடு செய்யப் பட்டுள்ளது. இது தொடர்பாக மேலும் விவரங்களுக்கு, www.indianheritage.org.sg என்ற இணையதள முகவரியைப் பார்க்கலாம்.

 

இம்மையத்தில் உள்ள காட்சிப் பொருட்களின் வரிசை, முதலாம் நூற்றாண்டு முதல் 21-வது நூற்றாண்டு வரையில், ஐந்து பிரிவுகளாகப் பிரிக்கப்பட்டுள்ளது.

 

ஆசிய வரலாறு, குறிப்பாக, தெற்காசிய நாட்டவர், தென்கிழக்கு ஆசியர்கள் மற்றும் கிழக்கு ஆசிய நாட்டவர்களுடன் தொடர்பு ஏற்படுத்திக் கொண்ட பிறகு உள்ள தகவல்கள் மற்றும் அது தொடர்பான ஆவணக்காட்சியகப் பொருட்கள் இம்மையத்தில் அதிகளவில் இடம்பெற்றிருக்கும். இந்தியா-சிங்கப்பூர் இடையே ஆங்கிலேய ஆட்சிக்காலத்தில்தான் உறவு அதிகரித்தது. அப்போதுதான் புலம்பெயர்தலும் அதிகரித்தது. அதனால், சிங்கப்பூர் வாழ் இந்தியர்களின் வாழ்க்கை முறை, சிங்கப்பூர் பற்றிய அவர்கள் கருத்துக்கள் போன்றவை இம்மையத்தில் இடம்பெற்றிருக்கிறது. அது தொடர்பான அரிய காட்சிப்பொருட்களும், பார்வைக்கு வைக்கப்பட்டிருக்கும். ஒவ்வொரு தளத்துக்கும், ஒரு கருப்பொருளை அடிப்படையாக வைத்து பழங்காலப் பொருட்கள் காட்சிக்கு வைக்கப்பட்டுள்ளன.

 

பின்னணி என்ன?

 

கடந்த 2008-ம் ஆண்டில், சிங்கப்பூரில் அமைந்துள்ள சன் யாட் சென் நான்யாங் நினைவுக்கூடம் மற்றும் மலாய் பாரம்பரிய மையங்களை, சிறப்பான வசதிகளை ஏற்படுத்துவதற்காக இடமாற்றம் செய்யத் திட்டமிடப்பட்டது. மேற்கண்ட இரண்டு சமூகங்களின் வரலாறு மற்றும் பாரம்பரியத்தையும், நாளை திறக்கப்படவுள்ள இந்திய பாரம்பரிய மையத்தின் மூலமாகவும், அந்தச் சமுதாயங்களின் பாரம்பரியச் சிறப்பையும் மிகச் சிறந்த அவர்களின் கலாச்சாரத்தைப் பிரபலப்படுத்தவும், சிங்கப்பூர் தகவல், தொலைத்தொடர்பு மற்றும் கலை அமைச்சகம் முடிவு செய்தது. இது தொடர்பாக மேற்கண்ட மூன்று நாடுகளின் முக்கிய பிரமுகர்களுடன் புரிந்துணர்வு ஒப்பந்தங்கள் கையெழுத்திடப்பட்டது. இம்மூன்று மையங்களையும் சிங்கப்பூர் பிரதமர் லீ இன்று திறந்து வைக்கிறார்.

 

இந்திய பாரம்பரிய மையத்தின் கட்டுமானப் பணி நடந்துகொண் டிருக்கும்போதே, இந்திய பாரம் பரியத்தை விளக்கும் வகையில், இந்தியாவிலிருந்து வந்த பல்வேறு அமைப்புகள், கலைஞர்களைக் கொண்டு வெவ்வேறு இடங்களில் கலை, கலாச்சார நிகழ்ச்சிகள் நடத்தப்பட்டுவந்தன.