அவன்ட்கார்ட் பற்றி நான் கூறியவை அனைத்துமே உண்மை– திலக் மாரப்பன

 

 

அவன்ட் கார்ட் ஆயுதக் கப்பல் குறித்து தாம் கூறியவை அனைத்துமே உண்மையே என சட்டம் ஒழுங்கு அமைச்சர் மாரப்பன தெரிவித்துள்ளார்.
தமக்கு எதிராக சில தரப்பினரும் சில கட்சிகளும் செய்து வரும் விமர்சனங்களை கண்டு எந்த வகையிலும் அஞ்சப் போவதில்லை என அவர் சுட்டிக்கட்டியுள்ளார்.

ஊடகங்களில் பிரபல்யம் அடையும் நோக்கில் சிலர் தமக்கு எதிராக இவ்வாறு பிரச்சாரம் செய்து வருகின்றனர் என அவர் குறிப்பிட்டுள்ளார்.

இவ்வாறு பிரல்யம் அடையும் நோக்கில் பிரச்சாரத்தில் ஈடுபடுவோர் பற்றி மக்கள் நன்கு அறிந்து வைத்துள்ளதாகத் தெரிவித்துள்ளார்.

அவன்ட் கார்ட் சம்பவம் குறித்த விடயங்கள் உண்மையா என எமது தரப்பைச் சேர்ந்தவர்கள் சிலரும் கேட்பதுதான் எனக்கு ஆச்சரியத்தை ஏற்படுத்தியுள்ளது என அவர் குறிப்பிட்டுள்ளார்.

அவன்ட் கார்ட் பற்றி தாம் வெளியிட்ட விடயங்கள் முழுவதும் உண்மையானவை என அவர் குறிப்பிட்டுள்ளார்.

வெளிநாடுகளைச் சேர்ந்த 50 முதல் 60 வரையிலான நிறுவனங்களின் பொருட்கள் இந்தக் கப்பலில் காணப்படுவதாகவும், இந்த கப்பலில் இருக்கும் ஆயுதங்களுக்கு இலங்கை அரசாங்கம் அனுமதி வழங்க வேண்டியதில்லை எனவும் அவர் தெரிவித்துள்ளார்.

ஆயுதங்கள் தொடர்பிலான அனுமதிப்பத்திரங்களை அந்தந்த நாடுகளே வழங்க வேண்டுமென குறிப்பிட்டுள்ளார்.

குறித்த கப்பல்களின் பாதுகாப்பிற்காக இந்த ஆயுதங்கள் எடுத்துச் செல்லப்படுகின்றன என அவர் தெரிவித்துள்ளார்.

எம்மில் சிலர் இது பற்றி எதனையும் அறிந்து கொள்ளாது குற்றம் சுமத்தி வருவதாகத் தெரிவித்துள்ளார்.

காலி துறைமுகத்தில் நங்கூரமிட்டுள்ள குறித்த கப்பலின் ஊடாக காலியின் பொருளாதாரம் பாரியளவில் வலுப்பெற்றுள்ளதாகவும், கப்பல் அகற்றப்பட்டால் பொருளாதார பாதிப்பு ஏற்படும் எனவும் அவர் குறிப்பிட்டுள்ளார்.

http://www.globaltamilnews.net/GTMNEditorial/tabid/71/articleType/ArticleView/articleId/125737/language/ta-IN/article.aspx

கோத்தா காசு, மாரப்பன பொகட் வரை பாய்கிறது.