மேலதிகப்படங்கள் இணைக்கப்பட்டுள்ளது. கவனிக்க: படங்கள் மிகவும் கோரமானவை. பின்வரும் password உடன் உள்நுழைந்து பார்த்துக் கொள்ளமுடியும். இணைகப்பட்டுள்ள படங்களை தரவிறக்கம் செய்து உங்கள், உங்கள் பகுதிகளில் உள்ள அனைத்து பத்திரிகைகளுக்கும் எமது மக்களுக்கு இழைக்கப்படும் கொடுரத்தினை தெரிவித்துக்கொள்ளுங்கள்.

Password: allowme

http://www.yarl.com/vimpagam/thumbnails.php?album=28

வாகரையில் படுகாயமடைந்த 32 பேரை செஞ்சிலுவைச் சங்கம் மட்டக்களப்புக்கு கொண்டு சென்றது.

மட்டக்களப்பு வாகரையில் சிறிலங்காப் படையினரின் எறிகணை வீச்சில் படுகாயமடைந்த 32 பொதுமக்களை இன்று திங்கட்கிழமை சர்வதேச செஞ்சிலுவைச் சங்கத்தினர், கடல் வழியாக மட்டக்களப்பு மருத்துவமனைக்கு கொண்டு சென்றனர்.

கடந்த இரண்டு நாட்களாக வாகரையில் படையினர் நடத்திய எறிகணைத் தாக்குதல்களில் படுகாயமடைந்த பொதுமக்கள் சிகிச்சை பெறுவதற்கு பெரும் சிரமங்களை எதிர்நோக்கிய நிலையில் பொதுமக்களை மட்டக்களப்புக்கு கொண்டு செல்ல சர்வதேச செஞ்சிலுவைச் சங்கத்தினர் கடல் வழியாக 7 படகுகளில் வாகரை சென்றனர்.

காயங்களுடன் உயிருக்குப் போராடிக் கொண்டிருந்த 32 பொதுமக்களை கடல் வழியாக கொண்டு செல்வதற்கு அவர்கள் வாகரைக்கு சென்றிருந்த வேளையிலும் படையினர் தொடர்ச்சியாக எறிகணைத் தாக்குதலை நடத்தியிருந்தனர்.

படையினரின் எறிகணைத் தாக்குதலில் பொதுமக்கள் தமது தற்காலிக குடியிருப்புக்களை விட்டு வெளியேறி வாகரை மருத்துவமனையை அண்டிய பகுதிகளில் வசித்து வருகின்றனர்.

இந்நிலையில் அங்கு கடும் மழை பெய்து வருவதால் பொதுமக்கள் தங்குவதற்கு பெரும் சிரமங்களை எதிர்நோக்கி வருகின்றனர்.

படையினர் இன்றும் பொதுமக்கள் குடியிருப்புக்களை இலக்கு வைத்து எறிகணைத் தாக்குதலை மேற்கொண்டு வருகின்றனர்.

இடம்பெயர்ந்த மக்களுக்கு தற்போது தமிழர் புனர்வாழ்வுக் கழகத்தினர் தம்மிடம் உள்ள சொற்ப அளவிலான பொருட்களைக் கொண்டு சமைத்த உணவினை வழங்கி வருகின்றனர்.

www.puthinam.com