மைசூரு,

மனைவியின் தொந்தரவு தாங்காமல் தென்னை மரத்தில் ஏறி தொழிலாளி தற்கொலை மிரட்டல் விடுத்தார். ‘நடிகர் அம்பரீஷ் வந்து எனது குடும்ப பிரச்சினையை சரிசெய்ய வேண்டும்’ என்று கோரிக்கை விடுத்தார்.

தற்கொலை மிரட்டல்

மைசூரு நகர் சரஸ்வதிபுரத்தை சேர்ந்தவர் வெங்கேடஷ் (வயது 40). கூலி தொழிலாளி. இந்த நிலையில் நேற்று காலை வெங்கடேஷ் தனது வீட்டின் அருகே உயரமான தென்னை மரத்தில் ஏறினார். மேலே ஏறிய அவர், அங்கிருந்து குதித்து தற்கொலை செய்யப்போவதாக மிரட்டல் விடுத்தார். இதனால் அதிர்ச்சி அடைந்த அந்த பகுதி மக்கள், இதுகுறித்து சரஸ்வதிபுரம் போலீசாருக்கு தகவல் தெரிவித்தனர். அதன்பேரில் போலீசார் சம்பவ இடத்துக்கு விரைந்து வந்து அவருடன் பேச்சுவார்த்தை நடத்தினார்கள்.

அப்போது அவர் மரத்தில் இருந்து ஒரு கடிதத்தை எழுதி கீழே வீசினார். அந்த கடிதத்தில், எனது மனைவி சுசீலா (32) என்னை தினமும் கொடுமைப்படுத்துகிறார். அவருடைய தொந்தரவு தாக்க முடியவில்லை. இதனால் தற்கொலை செய்ய போகிறேன்’ என்று எழுதியிருந்தார்.

அம்பரீசுக்கு கோரிக்கை

இதையடுத்து போலீசார் அவருடைய மனைவி சுசீலாவை அழைத்து வந்து, அவருடன் மைக் மூலம் பேசினார்கள். ஆனாலும் அவர் கீழே இறங்கி வர மறுத்து மற்றொரு கடிதம் ஒன்றை எழுதிப்போட்டார். அதில், நான் நடிகர் அம்பரீசின் தீவிர ரசிகன். அதனால் நடிகர் அம்பரீஷ் இங்கு வந்து எனது குடும்ப பிரச்சினையை சரி செய்ய வேண்டும்.

எனது மனைவியின் கொடுமையையும் தடுத்து நிறுத்த வேண்டும் என்று கோரிக்கை விடுத்து எழுதியிருந்தார். இதையடுத்து போலீசார் அவரிடம் சமாதானம் செய்து, கீழே இறங்க வைத்தனர். பின்னர் அவரை போலீசார் விசாரணைக்காக போலீஸ் நிலையத்துக்கு அழைத்து சென்று விசாரணை நடத்தி வருகிறார்கள்.

மனநலம் பாதிக்கப்பட்டவரா?

இதற்கிடையே வெங்கடேசின் மனைவி சுசீலாவிடம் போலீசார் நடத்திய விசாரணையில், வெங்கடேஷ் தினமும் குடித்துவிட்டு வந்து தகராறு செய்து வந்ததாகவும், அடிக்கடி இதுபோன்று தற்கொலை செய்துகொள்ள போவதாக மிரட்டி வந்ததும் தெரியவந்தது. இதனால் அவர் மனநிலை பாதிக்கப்பட்டிருக்கலாம் என்று போலீசார் சந்தேகிக்கிறார்கள்.

இதனால் வெங்கடேஷ் மைசூரு அரசு ஆஸ்பத்திரியில் சிகிச்சைக்காக அனுமதிக்கப்பட்டுள்ளார். இதுகுறித்து சரஸ்வதிபுரம் போலீசார் வழக்குப்பதிவு செய்து விசாரணை நடத்தி வருகிறார்கள்.

http://www.dailythanthi.com/News/Karnataka/Bangalore/2016/04/02234721/Coconut-tree-climberWorker-and-threatened-to-commit.vpf

கொடுத்து வைச்சவர் இங்கு தென்னை மரம் இல்லாமல் எத்தனை பேர் கஷ்டப்படுகிறார்கள்.

1 hour ago, பெருமாள் said:

கொடுத்து வைச்சவர் இங்கு தென்னை மரம் இல்லாமல் எத்தனை பேர் கஷ்டப்படுகிறார்கள்.

அப்பாடா என்ட  நல்ல  காலத்துக்கு ஒரு தென்னை மரம் முத்தத்திலேயே நிக்குது 
ஆனால் என்ட கஷ்ட காலம் மரம் ஏற தெரியாது. மனிசி வாறதுக்குள்ளே அதையும் பழகிடணும். 

3 hours ago, ஜீவன் சிவா said:

அப்பாடா என்ட  நல்ல  காலத்துக்கு ஒரு தென்னை மரம் முத்தத்திலேயே நிக்குது 
ஆனால் என்ட கஷ்ட காலம் மரம் ஏற தெரியாது. மனிசி வாறதுக்குள்ளே அதையும் பழகிடணும். 

ஒரு போன் கோல் போதும் ஏத்திவிடுவதுக்கு ஆள் அனுப்பி வைப்பமொங்கோ ....(முக்கியம் அட்ரஸ் கிளியரா சொல்ல தெரியனும் ) பிறகு நடக்கக்கூடாதது நடந்து எங்கடை கொம்பனிக்கு கெட்டபெயர் வரக்கூடாது கண்டியளே 

2 hours ago, பெருமாள் said:

ஒரு போன் கோல் போதும் ஏத்திவிடுவதுக்கு ஆள் அனுப்பி வைப்பமொங்கோ ....(முக்கியம் அட்ரஸ் கிளியரா சொல்ல தெரியனும் ) பிறகு நடக்கக்கூடாதது நடந்து எங்கடை கொம்பனிக்கு கெட்டபெயர் வரக்கூடாது கண்டியளே 

யாரையப்பா, 
என்னை மரத்திலையா  அல்லது மனுசிய  விமானத்திலையா - தெளிவா சொல்லுங்கோ நான் இண்டைக்கு நித்திரை கொள்ளனும் 

ஆளைப்பார்த்தால் கல்யாணா வாழ்க்கையில் அரை செஞ்சறி அடித்துவிட்டார் போலுள்ளது.. ஆனாலும் இப்பொழுதாவது தன் உரிமைக்காக தென்னை மரத்தில் ஏறி குரல்கொடுக்கும் தைரியம் வந்திச்சே.. இங்கயும் இருக்கிறாங்கள்..