மருத்துவம் தேவையில்லை.

[seyon yazhvaendhan]

"இருபதாம் நூற்றாண்டு துவங்கும் போது உலக சராசரி ஆயுள் 31 வயதுதான். 2010ல் உலக சராசரி ஆயுள் 67ல் நிற்கிறது. இதற்கு முக்கிய காரணங்கள் இரண்டு:
1. பசுமைப் புரட்சி மூலம் உணவுப் பற்றாக்குறையைப் போக்கியது.
2. நவீன மருத்துவ முறைகளில் நிறைய நோய்களை குணமாக்கவும் மற்றும் குணமாக்க முடியாத நோய்களை மேலும் மோசமாகாமல் மேனேஜ் பண்ணிக் கொள்ள முடிந்ததும்தான்.
இப்போது நாம் எல்லாரும் சகஜமாக 30 வயதை தாண்டுவதற்கு நாம் மேலே சொன்ன இரண்டு விஷயங்களுக்கும் நன்றி சொல்ல வேண்டும்."

என்று ஒரு நண்பர் முகநூலில் பதிவிட்டிருந்தார்.

இது போன்ற பேத்தல்களை உண்மை போலப் பேசி நம்ப வைத்துவிட்டார்கள்.

1.உரங்களையும் பூச்சி மருந்துகளையும் போட்டு நம் நிலத்தையும் பாரம்பரிய விதைகளையும் அழித்ததுதான் பசுமைப் புரட்சி! உரமும் மருந்தும் இல்லாமலேயே விளைச்சலை அதிகரிக்க முடியும் என்பதை மறைத்து மூளைச் சலவை செய்தார்கள். இன்றைக்கும், இமாச்சலப் பிரதேசத்திலும் திரிபுராவிலும் 100% இயற்கை வேளாண்மையில் அபரிதமான விளைச்சலைக் காட்டிக்கொண்டிருக்கிறார்கள்.

2. பெரும்போர்கள் இல்லை, வனவிலங்குகளால் உயிரிழப்பு இல்லை, இயற்கைப் பேரிடர்களால் ஏற்படும் உயிரிழப்பு குறைவு, இவற்றால்தான் சராசரி ஆயுள் கூடியிருக்கிறது. இது இயற்கையான மாற்றம். மருந்து என்பதைக் கண்ணால் கண்டிராதவர்கள் சராசரியாக 80, 90 வயது வாழ்கிறார்கள். ஆங்கில மருத்துவமும், ஆங்கில மருந்துகளும் உயிர்காப்பதாக நம்ப வைப்பதும் மூளைச்சலவைதான்.

மருந்து மாத்திரைகளை உட்கொள்ளக் கூடாது என்ற விழிப்புணர்வு உலகெங்கும் கோடிக்கணக்கான மக்களுக்கு ஏற்பட்டிருக்கிறது. கடந்த 3 ஆண்டுகளாக, எங்கள் குடும்பத்தில் யாரும் மருந்துகளை உட்கொள்வதில்லை. எந்த உடல்நலக் குறைவுக்கும் மருத்துவரை நாடுவதில்லை. சளி, காய்ச்சல், வயிற்றுப்போக்கு போன்றவை உடல் தனக்குச் செய்து கொள்ளும் மருத்துவம். மருத்துவம் என்று மருத்துவர்கள் அதற்குச் செய்வதுதான் நோய்.

 

"மருந்தென வேண்டாவாம் யாக்கைக்கு அருந்தியது

அற்றது போற்றி உணின்"

என்பது இரண்டாயிரம் ஆண்டுகளுக்கு முன்பே அய்யன் திருவள்ளுவர் ஆய்ந்து அறிந்து சொன்னது தானே!