Jump to content
View in the app

A better way to browse. Learn more.
கருத்துக்களம்

A full-screen app on your home screen with push notifications, badges and more.

To install this app on iOS and iPadOS
  1. Tap the Share icon in Safari
  2. Scroll the menu and tap Add to Home Screen.
  3. Tap Add in the top-right corner.
To install this app on Android
  1. Tap the 3-dot menu (⋮) in the top-right corner of the browser.
  2. Tap Add to Home screen or Install app.
  3. Confirm by tapping Install.

பயிற்சியாளர் நம் கிரிக்கெட் கலாச்சாரத்தை புரிந்துகொள்பவராக இருக்க வேண்டும்: தோனி

நவீனன்
in விளையாட்டுத் திடல்

Featured Replies

பயிற்சியாளர் நம் கிரிக்கெட் கலாச்சாரத்தை புரிந்துகொள்பவராக இருக்க வேண்டும்: தோனி

 

தோனி. | படம்: பிடிஐ.
தோனி. | படம்: பிடிஐ.

இந்திய கிரிக்கெட் அணிகான பயிற்சியாளர் தேடுதல் வேட்டை தொடங்கியுள்ள நிலையில் பல பயிற்சியாளர்களுடன் பணியாற்றிய அனுபவம் பெற்ற தோனி தன் கருத்தை இது குறித்து கூறியுள்ளார்.

லால்சந்த் ராஜ்புத், கிரெக் சாப்பல், கேரி கர்ஸ்டன், டன்கன் பிளெட்சர், ஸ்டீபன் பிளெமிங், ரவிசாஸ்திரி என்று ஏகப்பட்ட பயிற்சியாளர்களுடன் சுமுகமாக பணியாற்றியுள்ள இந்திய கேப்டன் தோனி, புதிய பயிற்சியாளர் இந்திய கிரிக்கெட் கலாச்சாரத்தைப் புரிந்து கொள்பவராக இருக்க வேண்டும் என்று கூறியுள்ளார்.

இது குறித்து ஜிம்பாப்வே தொடருக்கு முந்தைய சந்திப்பில் செய்தியாளர்களிடம் கூறும்போது, “கம்யூனிகேஷன் ஒரு பெரிய பிரச்சினை இல்லை. புதிய வீரர்களிடத்தில் ஆங்கிலமும் பெரிய இடையூறாக இருந்ததில்லை. இந்தி தெரிந்திருப்பது ஒரு அளவுகோல்தான் ஆனால் அதுவே ஒரே அளவுகோல் அல்ல, மொழி ஒரு பிரச்சினையல்ல, நம் கிரிக்கெட் கலாச்சாரத்தை புரிந்து கொள்பவராக அவர் இருக்க வேண்டும். சிறந்தவரை தேர்வு செய்ய வேண்டும். சிறந்த தெரிவை மேற்கொள்ள வேண்டும், முக்கியமான விஷயம் என்னவெனில் நம் பண்பாட்டையும், திறமைகளை வளர்த்தெடுப்பதையும் புரிந்து கொள்பவர் யாராக இருந்தாலும் சரி ஆங்கிலம், இந்தி என்பதல்ல. இதற்கு முன்பாக நாம் சிறந்தவர் என்று கணித்தவர்கள் அனைவருமே நம் பண்பாட்டை புரிந்தவர்களாகவே இருந்துள்ளனர்”

என்று தெரிவித்தார் தோனி.

ஜிம்பாப்வே தொடர் குறித்து தோனி கூறும்போது, “ஜிம்பாப்வே அணி சில வேளைகளில் சவால்களை அளிக்கும் அணி என்பதில் சந்தேகமில்லை. பேட்டிங் ஆர்டரை அமைப்பதில் நம் சவால் உள்ளது. வேறுபட்ட பல வீரர்களுடன் ஆடுவது ஒரு வித்தியாசமான அனுபவமாக உள்ளது.

நான் எனது ஆட்டத்தை மகிழ்வுடன் ஆடுகிறேன், கேப்டன்சி விவகாரங்களை பிசிசிஐ கவனித்துக் கொள்ளும்” என்று கோலி அனைத்து வடிவங்களுக்குமான கேப்டனாக்கப்பட வேண்டும் என்று ரவி சாஸ்திரி கூறியது குறித்த கேள்விக்கு தோனி பதிலளித்தார்.

ஏற்கெனவே தோனி, பயிற்சியாளர் பொறுப்பிற்கு மைக் ஹஸ்ஸியை பரிந்துரை செய்ததாக செய்திகள் வெளியாகின. ஆனால் ஹஸ்ஸி அது குறித்த இறுதியான முடிவு எதையும் தெரிவிக்கவில்லை, தற்போது அவருடைய நிலைப்பாடு என்னவென்பதும் தெரியவில்லை.

சந்தீப் பாட்டீல், ரவிசாஸ்திரி பயிற்சியாளர் பொறுப்பிற்கு விண்ணப்பித்துள்ளனர், அயல்நாட்டு விண்ணப்பங்கள் குறித்த தகவல்கள் ஏதுமில்லை.

இந்நிலையில் புதிய பயிற்சியாளர் இந்திய கிரிக்கெட் கலாச்சாரத்தினை புரிந்து கொள்பவராக இருப்பது முக்கியம் என்று தோனி கூறியுள்ளார்.

http://tamil.thehindu.com/sports/பயிற்சியாளர்-நம்-கிரிக்கெட்-கலாச்சாரத்தை-புரிந்துகொள்பவராக-இருக்க-வேண்டும்-தோனி/article8701387.ece?homepage=true

  • தொடங்கியவர்

கேப்டன் பதவியும், வருங்காலமும்..! தோனி அளித்த பதில்

dhoniinterviewlong.jpg


இந்திய கிரிக்கெட் அணியின் கேப்டனாக நீடிப்பது குறித்தும், வருங்காலம் குறித்தும் கேப்டன் தோனி பதில் அளித்துள்ளார்.

இந்திய கிரிக்கெட் அணி ஜிம்பாப்வேயில் சுற்றுப்பயணம் செய்து 3 ஒருநாள் மற்றும் மூன்று 20 ஓவர் போட்டிகளில் விளையாடுகிறது. ஒருநாள் போட்டிகள் ஹராரேயில் வரும் 11, 13, 15 ஆகிய தேதிகளிலும், 20 ஓவர் போட்டி அதே மைதானத்தில் 18, 20, 22 ஆகிய தேதிகளிலும் நடக்கிறது. இந்த போட்டி தொடருக்கான இந்திய அணியில் சீனியர் வீரர்கள் விராட்கோலி, ரோகித் சர்மா, ஷிகர் தவான், அஸ்வின் ஆகியோருக்கு ஓய்வு அளிக்கப்பட்டுள்ளது. இளம் வீரர்கள் அணியில் அதிக அளவில் இடம் பிடித்துள்ளனர்.

இந்திய கிரிக்கெட் அணி, மும்பையில் இருந்து நேற்று ஜிம்பாப்வே புறப்பட்டது. முன்னதாக செய்தியாளர்களுக்கு கேப்டன் தோனி அளித்த பேட்டியில், இந்த போட்டி தொடர் எனக்கு மிகவும் வித்தியாசமான அனுபவமாக இருக்கும் என்று நினைக்கிறேன். ஏனெனில் ஏறக்குறைய ஒரே பிரிவு வீரர்களுடன் நான் விளையாடி வந்து இருக்கிறேன். இந்த போட்டி தொடரில் இடம் பிடித்துள்ள சில வீரர்களுடன் தற்போது தான் முதல்முறையாக இணைந்து விளையாட உள்ளேன். எனவே வீரர்களின் பலம், பலவீனத்தை விரைவில் ஆராய்ந்து அதற்கு தகுந்த படி அணியில் வீரர்களை இடம் பிடிக்க செய்ய வேண்டியது அவசியமானதாகும். முடிந்த அளவுக்கு சரியான இடத்தில் உரிய நபர்களை பயன்படுத்த வேண்டும். அணியின் ஒருங்கிணைப்பு நேர்த்தியாக அமைந்தால் அணி நன்றாக இருக்கும்.

சர்வதேச போட்டியில் விளையாடுவது என்பது சிறிது வித்தியாசமானதாகும். இந்திய அணிக்காக விளையாடுகையில் வித்தியாசமான நெருக்கடி இருக்கதான் செய்யும். அத்துடன் அதிக பொறுப்புடன் செயல்பட வேண்டும். எனது வருங்காலம் குறித்து கேட்கிறீர்கள்.

நான் எனது ஆட்டத்தை அனுபவித்து விளையாடி வருகிறேன். கேப்டன் பதவியில் தொடர்வது குறித்து இந்திய கிரிக்கெட் வாரியம் தான் முடிவு செய்ய முடியும். இந்த விஷயத்தில் நான் முடிவு செய்ய முடியாது.

இந்திய அணியின் பயிற்சியாளராக சிறந்த நபரை நியமிக்க வேண்டும். அவர் நமது கலாசாரத்தை நன்கு புரிந்தவராக இருக்க வேண்டும். இந்தி பேச தெரிந்து இருக்க வேண்டும் என்பது முக்கியம் அல்ல. ஆங்கிலத்தில் வீரர்களுடன் கருத்து பரிமாற்றம் செய்து கொள்வதில் எந்த பிரச்னையும் இல்லை" என்று தெரிவித்தார்.

http://www.vikatan.com/news/sports/65004-let-bcci-decide-on-captaincy-says-dhoni.art

Archived

This topic is now archived and is closed to further replies.

Go to topic listing

Important Information

By using this site, you agree to our Terms of Use.

I accept

Configure browser push notifications
Chrome (Android)
  1. Tap the lock icon next to the address bar.
  2. Tap Permissions → Notifications.
  3. Adjust your preference.
Chrome (Desktop)
  1. Click the padlock icon in the address bar.
  2. Select Site settings.
  3. Find Notifications and adjust your preference.