நிர்க்கதியான இந்திய மீனவர்களை மீட்ட இலங்கை கடற்படையினர்

 

நெடுந்தீவு கடற்பகுதியில் வைத்து படகில் எற்பட்ட இலத்திரனியல் கோளாறு காரணமாக நிர்க்கதியான 3 இந்திய மீனவர்களை மீட்டு இந்திய கடலோர காவற்படையினரிடம் இலங்கை கடற்படையினர் ஒப்படைத்துள்ளனர்.

தமிழகத்தின் கோட்டைப்பட்டினத்தைச் சேர்ந்த மீனவர்களே இவ்வாறு இந்திய கடலோர காவற்படையினரிடம் ஒப்படைக்கப்பட்டுள்ளனர்.

இலத்திரனியல் கோளாறு காரணமாக நிர்க்கதியான குறித்த மீனவர்களை மீட்டதுடன், குறித்த தகவலை இந்திய கடலோர காவற்படையினரிடம் அறிவித்து, குறித்த மீனவர்களையும் அவர்களுடைய படகையும் சர்வதேச கடல் எல்லையில் வைத்து ஒப்படைத்தள்ளனர்.

http://www.virakesari.lk/article/9836

புதுக்கோட்டை: நடுக்கடலில் பழுதான மீன்பிடி படகை மீட்டு இலங்கை கடற்படை திருப்பி அனுப்பியதால் தமிழக மீனவர்கள் மகிழ்ச்சி அடைந்துள்ளனர். புதுக்கோட்டை மாவட்டம் கோட்டைப்பட்டினத்தில் இருந்து 3 மீனவர்கள் கடலுக்கு மீன்பிடிக்கச் சென்றனர். 22 நாட்டிக்கல் மைல் தொலைவில் விசைப்படகு ஒன்று திடீரென்று பழுதாகி நின்றது. 

அப்போது அந்த வழியாக ரோந்து வந்த இலங்கை கடற்படையினர் சரி செய்தும், தேவையான டீசலை வழங்கியும் திருப்பி அனுப்பியது. இந்த படகில் இருந்த 3 மீனவர்கள் இன்று அதிகாலை பத்திரமாக கரை சேர்ந்தனர். இலங்கை கடற்படையினரின் இந்த செயலால் தமிழக மீனவர்கள் மகிழ்ச்சி தெரிவித்துள்ளனர். 

எல்லை தாண்டி வந்ததாக கூறி தமிழக மீனவர்கள் மீது இலங்கை கடற்படையினர் கற்களை வீசி தாக்குவதும், கைது செய்வதும் தான் வாடிக்கை. ஆனால் பழுதான படகு எல்லை தாண்டி சென்ற போதிலும் பழுதை நீக்கி இலங்கை கடற்படை படகை திருப்பி அனுப்பியது குறிப்பிடத்தக்கது. 

http://www.dinakaran.com/News_Detail.asp?Nid=236633